Orubara 12
12
Miriamu nabemba
1Miriamu na Aroni baija bageya Musa aha rw'okushwera Omukushikazi, 2nibebaza bati, “Honene Omukama agambiire omu kanwa ka Musa wenkai? Manya na ichwe agambiire omu kanwa akaitu.” Omukama akihulira. 3Musa hakaba ali muntu omufura muno kushaga abantu bona omu nsi. 4Aho n'aho Omukama amugambira ati, “Inywenshatu mugye aha Ihema ly'Omuterano!” Bonshatu bagenda. 5Omukama asongoka omu nyomyo y'ekichwi, ayemelera aha mulyango gw'Eihema, ayeta Aroni na Miriamu, baija bombili. 6Abagambira ati, “Muhulire ebyo naija kugamba. Kamuraba mwina omurangi, inye Omukama n'inye mubonekera nkamwemanyisa, nkafumora nawe omu kiroto. 7Kyonkai tikwo ngira ntyo Musa omwiru wange. Wenene nkamukwasa eihanga lyange lyona. 8Nfumora nawe bufumora tutalikusindata, tufumora ebilikushoboka, mara ambona bubona. Aho kubaki inywe mutatinire kugeya Musa omwiru wange?”
9Omukama abatamwa muno, ashuba agenda. 10Orwo ekichwi kyarugire aha Ihema, niho honkai Miriamu hakaba yabembire, yayezire nk'orubare. Aroni kuleba Miriamu abona okwo yabemba; 11agambira Musa ati, “Rugaba rwange, tukozire obufera twafakara; singa otatubonabonyia. 12Ninkutagiliza otamushushanisa mwana azarwa afire, aruga omu nda ya nyina ajunzire anonombokire orubaju.” 13Aho Musa atakira Omukama ati, “Waitu Ruhanga, ninkutagiliza, okize Miriamu.” 14Kyonkai Omukama wenene abaza Musa ati, “Ka ishe yakumuchweleire omu maisho, tiyakumazire biro mushanju omu kibonabonyio? Mbwenu aruge omu rusisira ebiro mushanju, orwo birahwa ajuburwe kurugarukamu.” 15Kityo Miriamu bamwihya omu rusisira ebiro mushanju. N'abantu bakelererwa kwimukya orugendo, balinzire Miriamu kubanza kujuburwa kugaruka omu rusisira. 16Ahanyuma baruga Hazeroti, bagya basisira omw'Irungu lya Parani.
S'ha seleccionat:
Orubara 12: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.