Yoshua 20
20
Ebigo by'obuhungiro
1Omukama akagambira Yoshua ati, 2“Ogambire Abaisiraeli oti, ‘Muronde ebigo by'obuhungiro ebyo nagambire Musa kubagambira. 3Omuntu araitaga omuntu atagendeleire anga atamanyire airukire omwo. Birabaga buhungiro bwanyu, kwiruka alikwenda kwehora aisire owe. 4Arairukiraga omu kigo kimoiho omuli ebyo, ayemelere omu kishasi ky'ekihigi ky'ekigo, ayetelere omushango aha bagurusi b'ekigo ekyo, bamutahye omu kigo, bamuhe obuturo ature nabo. 5Kandi alikwehora owe k'aramuhonderaga, abagurusi batamumuha aha rw'okuba tiyaita mutahiwe muze mumanye orwo ashangirwe ataina nobi nawe. 6Araikaraga omu kigo ekyo kuhika orwo alyemelera omu maisho g'enteko kuramurwa anga kuhika okufa kw'Omukuhani Nyamukuru alishangwa aliho makiro ago. Aho yakugaruka omwabo omu kigokye mbali yarugire kwiruka.’ ”
7Aho bashororamu Kadeshi omuli Galilaya omu mabanga ga Nafutali, na Shekemu omu mabanga ga Efuraimu, na Kiriatiaraba (niyo Heburoni) omu mabanga ga Yuda. 8Kandi buseli bwa Yorudani, oburugaizoba bwa Yeriko, baronda Bezeri omw'irungu, omu z'omuteleka omu ruganda rwa Rubeni; na Ramoti omuli Gileadi omu ruganda rwa Gadi, na Golani omuli Bashani omu ruganda rwa Manase. 9Ebi nibyo byabaire bili bigo ebyo babaire barondeire Abaisiraeli bona n'omugenyi abafurukiiremu, mbali omuntu araitaga ondijo atagendeleire yakuhungiire, alikweholera owe atamwita, kuhika orwo alyemelera omu maisho g'enteko.
S'ha seleccionat:
Yoshua 20: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.