Mateo 28
28
Ja Jesusi, sak'wita
(Mr 16:1-8; Lc 24:1-12; Jn 20:1-10)
1Yajni ek'ta ja sk'ak'u'il jijlel yujile'i, jaxa b'a sakb'el sb'ajtanil k'ak'u ja semana, ja Maria sb'a Magdala sok ja pilan Maria sajto lek elye waj yil'e ja sk'ejnal ja Jesusi.
2Jun ita ch'ay k'ujol nijki ja lu'umi. Jun yanjel ja Dyos ti ko' jan b'a satk'inal, ya eluk ja ton it makan sok ja sti' sk'ejnal ja Jesusi, jaxa anjeli, ti och kulan b'a sat ja ton jawi. 3Ja anjeli, wax lijpi jastal ja tsansewali, jaxa sk'u'i, sak jastal ja b'ati. 4Yajni yilawe ja talnuman ja k'e'en jawi, ochxta k'itk'unuke, jel xiwye, ch'ak tup yik'e, lajan sok toj chamel ch'ak wajuke. 5Jaxa anjeli, ti yal yab' ja ixuke jumasa:
—Mi lom la xiwyex. Ja ke'n wax na'a ke ja' wa'nex sle'jel ja Jesús it cham b'a Cruzi. 6Mixa tey ili; sak'wita. Jach'ni k'ot smeranil ja jastal yala jan a wabyexi. La k'elawilex ja sk'ejnal b'a a'ji kan ja skwerpo'i. 7Ka'axik kax alawik yab' ja sneb'uman jumasa sak'wita, ti b'i oj waj b'a Galilea, yuj Ye'n b'ajtan wa sk'ana oj k'otuk yuj ja ye'nle'i, ja'yuj ti'xa wajta'a. Ti b'i cho la wajyex tiw ja we'nlexi, ti b'i oj a wila b'ajex sok tiwi. Jach' wax kal a wabyex jastal iti—.
8Ja ixuke'i, jel xiwye, cho jel gusto yab' ye, ti wajye ajnel waj yal'e yab' ja sneb'uman jumasa ja jas ch'ak aljuk yabye'i. 9Wajto yil'e waj ta'juke yuj ja Jesusi, a'jiyi'e dyos. Jaxa ixuke'i, ti wajye ajnel waj sta'e'a, stelawe ja yoki, ti och stoy'e'a. 10Ti alji yabye yuj ja Jesusi: —Mi lom la xiwyex. Ka'axik ajnel kax alwik yab' ja jneb'uman jumasa, a wajuke b'a Galilea; ti oj yil'one tiwi—.
Ja jas yala ja soldado jumasa toj le'uj ab'al
11Ti'xa wajye ja ixuke jumasa, waj sle'e ja sneb'uman jumasa ja Kajwaltiki. Cho jach'ni ay chab' oxe soldado ja ma' wan stalna ja k'e'eni, kumxiye b'a chonab' waj yal'e yab' ja pagre jumasa ma'tik niwak ja ya'tel yuj ja pagre jumasa, spetsanil ja jas ch'ak ek'uki. 12Ja'yuj ja pagre jumasa ma'tik jel niwan ja ya'tel sok ja ma'tik ay ya'tel ja b'a chonab'i, yalawe oj ya'we yi jitsan tak'in ja soldado jumasa, b'a jach' mi oj yal'e ja smeranil ja jas ch'ak ek'uki. 13Ti alji yabye'a:
—Ja ya'n ka'axik, kax alwik yab' ja kristyano jumasa, a'kwal jak ja sneb'uman jumasa ja Jesús jak ya'we eluk ja skwerpo, ja yajni wa'nex lek wayel ja we'nlexi, jachuk b'ob' yelk'ane el ja skwerpo ja Jesusi. 14Ta yuj k'a waj k'ot schikin ja mandaranum ja iti, ke'n oj k'um jb'ajtikon sok, ja we'nlexi, mi jas a mulex oj ko'uk—.
15Jaxa soldado jumasa syamawe ja tak'in k'apji yi'e, jach'ni waj yal'e yab' ja kristyano jumasa ja jastal yalawe ja niwak pagre jumasa oj yal'e'i. Ja le'u ab'al jawi, ja'ni snochowe yaljel ja judio jumasa, man k'ot ja k'ak'u ts'ijb'axi ja lo'il iti.
Ja ya'tel ja neb'uman jumasa
(Mr 16:14-18; Lc 24:36-49; Jn 20:19-23)
16Ja juluch wa'ane sneb'uman jumasa ja Kajwaltiki, ti wajye b'a wits Galilea, b'a it alji yabye yuj ja Jesusi. 17Yajni sta'a sb'aje sok ja Jesusi, ti och stoy'e'a, a'nima ayto chab' oxe ja ye'nle mito sk'u'ane ta yuj ye'n meran ja Jesusi.
18Jaxa Jesusi, ti och jan mojan soke'a, ti alji yabye'a:
—Ja Dyosi, ya'taki b'a jk'ab' b'a ke'n oj ka'telta spetsanil ja jas ay ja b'a lu'um iti, —xchi ja Jesusi. 19Jaxa we'nlexi, ka'axik kax le'awik jitsan ja jneb'uman jumasa b'a spetsanil ja chonab' jumasa b'a lu'um iti. Yajnix sutxi ja sk'ujol'ei, ti'xa wa'wex yi' ja' b'a sb'i'il ja Tatali, b'a sb'i'il ja Uninal sok ja Espiritu Santo. 20Je'awik yi'e jel t'ilan oj sk'u'uke spetsanil ja jas Ke'n je'oj a wi'exi. Ja ke'n ti oj ajyukon a mokex man oj k'ot tik'an ja stik'anali satk'inali—.
S'ha seleccionat:
Mateo 28: YABD
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021