'Ba Rumia 'Diyi 6
6
Drazu e’yo onzi vuri
1 #
Rum 3:5-8
Ka’dini ama nga ’yo ngoni ya? Onyiru ama ma ovu e’yo onzi ma alia ’dani, ’dini ’yeta anzutiri ma ezu ani tre beni ya? 2#1 Pet 4:1Aluani yo! Ama’i ndra drapi e’yo onzi vusi ’bo ’diyi, ama eco adrizaru eri ma alia dika ngoni ngoni ya? 3#Gal 3:27Kani emi nini ama’i ndra baputizi bipi fizu Kristo Yesu ma alia ’diyi, ama bi baputizi fizu drata erini ma alia ku ya? 4#Kol 2:12; 1 Pet 3:21Sa ama tualu eri be baputizi ndesi fizu drata alia, ’dini ekile ndra Kristoni engale ’ba draza eselia diza Atanisirile, ’dini vini ama’i indi, eco amani acizaru idri o’diru ma alia.
5 #
Fil 3:10, 11 Te ama ka ama emu tualu eri be eceta drata eriniri ecezuri ma alia, ama nga ama emu tualu eri be engata erini ma alia indi. 6#Gal 5:24Ama ni ’diri, ’di ’ba amani okuri pati ruaa tualu eri be, ’dini rua e’yo onzini ma e’yo ma de i ani, ’dini ama ma ovu e’yo onzi ma ati’baru dika ku. 7#1 Pet 4:1Te ’ba drapi ini rari, tru eri e’yo onzi vusi ’bo. 8Te ama ka ndra dra tualu Kristo be, ama a’i ama asia ama nga ovu idriru tualu eri be indi. 9A’disiku ama ni ra Kristo enga ’ba draza ma eseliarisi ’bo, ngani dra dika ku; dra ngani ovu eri ma opiru dika ku. 10#Ebra 9:26-28; Gal 2:19; 1 Pet 3:18Te ndra erini draria, eri dra ndra e’yo onzisi pale alu fudri ra, te curu’do erini ovuria idriru eri ovu idri be Mungu vu. 11#2 Kor 5:15; 1 Pet 2:24’Dinile indi, e’yo onzi vusini emi la emi ’ba avuru, te Mungu vu ovuzu idriru Kristo Yesusi.
12 #
E’do 4:7
E’yo ’disi emi ku e’yo onzi ma adri opiru rua emini ecopi drapi ra ’diyi ma drilia ku, emi ’bazu ati’baru ava ruani ’yezu. 13#Rum 12:1; Efe 2:5; 5:14Emi fe emi rua ma esele ndu ndu ’diyi e’yo onzi vu ovuzu afa a’di ’dizu e’yo onzinii ’diyiru ku, te emi fe emi ngulupi Mungu dri ekile be ’ba engapi idriru ’ba draza ma eselia ’bo ’diyile, azini emi fe emi rua ma esele dria Mungu dri ovuzu afa a’di ’dizu e’yo onyirurini ’diyiru. 14#1 Yoh 3:6Te e’yo onzi ngani ovu emi ma opiru dika ku; a’disiku emi ovuni azita ma palaa ku; te ’yeta anzutiri ma palaa.
Ati’ba e’yo onyiruni
15 #
Rum 5:17, 21 Te bani ngoni ya? Ama ma ’ye e’yo onzi ’dani, amani ovule azita ma palaa ku te ovule ’yeta anzutiri ma palaarisi ya? Aluani yo! 16#Yoh 8:34; 2 Pet 2:19Emi nini ku ya, emi ka emi ma ngulupi ma rua fe ati’baru ’ba azini ma ti erizu, emi ovu ’ba nde emini tini erileri ma ati’baru; kani e’yo onzini, emini drata isuzu, kani e’yo erizu, emi lazu baru. 17Te awa’difo Mungu vu, emini de ndra ovuria ati’ba e’yo onzini, emi eri ndra asi driasi esele imbatani yini ndra emi kule palaniari ra, 18#Yoh 8:32te onze ndra emi e’yo onzi alia, emini ecazu ani ati’baru e’yo onyiruni beni. 19Ma ’yo ekile ’bale, emini ovule okpo kokorurisi. Ekile ndra emini emi rua ma esele ndu ndu ’diyi fele ati’baru e’yo alatara kokoruni e’yo onzi ’yezu drile drilerile, ’dini curu’do emi ma fe di emi rua ati’baru e’yo onyirurini cazu emini ecazu alatararu.
20Te de emini ovuria ndra ati’ba e’yo onzini, emi ovuni ati’ba e’yo onyiruni ku. 21#Eze 16:61, 63; Rum 8:6, 13Te emi isu ndra o’du ’dasi a’di orodrini, emini adriria e’yo drinza fepi emi dri curu’do ’diyi ma alia ya? Te e’yo nde ’diyi ma kalati asizuri eri drani. 22#1 Pet 1:9Te curu’do emini ovuria onzezaru e’yo onzi ma aliasi ’bo, emi eca ati’ba Munguniru, emi orodri emini isu emini ecazu alatararu, te kalatiniri idri ’dani ’daniri. 23#Rum 5:12Te oya e’yo onzini eri drani, te afa Munguni fele avasiri eri idri ’dani ’dani Kristo Yesu Opi amani ma alia.
S'ha seleccionat:
'Ba Rumia 'Diyi 6: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.