'Ba Rumia 'Diyi 12
12
Azi i sipi ’ba Kristonile ’diyi
1 #
Rum 6:11, 13; 1 Pet 2:5; Yoh 4:24 Ma vini matu ’ba emi vu, ma adripi, yiki aleru Mungunirisi, emi fe emi rua eri dri ekile afa edetaru idriru, alatararu, ayiko fepi Mungu dririle; ’diri azi emini yekeri’i. 2#Efe 4:23; 5:10, 17; Rum 1:28; Gal 1:4Te emi ma si emi ’ba ewu ’dosi ’diyile ku, te emi oja emi asisile ’bazu o’diru, emi ma ni ani e’yo Munguni leleri, ovupi onyiru, ayiko fepi, kililiruri.
3 #
1 Kor 12:11; Efe 4:7 Te ma ’yo emi tia alu alu, ’yeta anzutiri fele ma dririsi, emi ma ega e’yo emi vileri afusi aga ku, te emi ma ega e’yo emini ovuzu ani asi e’yere be, ekile Munguni esele a’itani awale ’ba alu alu dririle. 4#1 Kor 12:12Te ekile amani ovule rua esele be kakau rua alu ma aliarile, te azi rua esele alu aluni ovuni trotro ku, 5#1 Kor 12:27; Efe 4:25’dini ama ovupi kakau ’diyi ti, ama ovu rua alu Kristo ma alia, te ama dria alu alu ovu rua esele ama agyini indi. 6#1 Kor 12:4-11Te amani ovuria afa feza be ndu ndu ekile fele ama dri ’yeta anzutirisirile, kani e’yo oluzu, ama ma olu ekile esele a’ita amanirini ovulerile; 7#1 Pet 4:10, 11kani ’ba aza kozu, ama ma ’ba asi azi ’ba aza kozuri ma dria; te ’ba ’ba imbapiri ma ’ba asi imbata dria; 8#Mat 6:3; 2 Kor 8:2; 9:7’ba ’ba asi omipiri, eri ma ’ba asi asi omiza ma dria’i; ’ba afa fepiri, eri ma fe asi basi; ’ba ’ba dri cepiri, eri ma ’ye asi driasi; ’ba yiki ’bapi ’ba vuri, eri ma ’ba yiki nde ayikosi.
9 #
1 Pet 1:22; 1 Tim 1:5; Amo 5:15 Emi ku ale ma ovu lokiri kokoru; emi ngu e’yo onziri onzi, emi ebi emi e’yo onyiruri vu; 10#2 Pet 1:7; Fil 2:3ale adripi vuri ma e’yosi emi ma le emi avasi; emi ma inzi emi ma agyi ma e’yo oko. 11#Eceza 3:15; ’Yeta 18:25Emi ovu ovuouni ku, emi ’ye e’yo asi driasi, azi ngazu Opi dri. 12#1 Tes 5:17Emi ovu ayikosi e’yo tezu luzu drile, emi ovu asi tezasi inzata me alia, Mungu zizu ’dani asi okporu be 13#Ebra 13:2Emi ko ’ba alatararu ma aza afa ovupi yi vu yo ’diyisi, emi fe emi asi wa’di a’izu.
14 #
Mat 5:44; Luk 6:28; ’Yeta 7:59; 1 Kor 4:12 Emi fe asi ndriza ’ba emi inzapi ’diyi vu; emi fe asi ndriza, emi tri yi ku. 15#Zab 35:13Emi ma ovu ayikosi ’be ayikoru ’diyi be, emi owu ’ba owupi ’diyi be. 16#O’be 3:7; Rum 15:5; 11:20Emi ovu asisile alu be emi eselia; emi ma ovu egata asi afusiri be ku, emi a’i emi ecizu ’be were ’diyi be; emi ma ovu onduaru emi ma ngulupi ma milia ku 17#Isa 5:21; 1 Tes 5:15Emi ma omvi onzi e’yo onzi me paria ariotiru ’ba aluni dri ku. Eri dro asisile e’yo emini ’yele ’diyi ma ovu kililiru ’ba dria ma milia. 18#Mar 9:50; Ebra 12:14Ka eco rarisi, e’yo eminisi emi ma ovu asi anzuru be ’ba dria vu. 19#Azi 32:35; Lev 19:18; Mat 5:39; 2 Tes 1:6, 7; Rum 13:4; Ebra 10:30’Ba mani lele ’diyi, emi ma omvi arioti emi’i ku, te emi te adra Munguniri erini ovule sizarurisi, Arioti omvizuri e’yoni mani, ma nga ariotini ofe ma’i, Opi ’yo ra. 20#O’be 25:21-22; Mat 5:44Te ari’bo mini ka ovu abirisi mi fe nyaka eri dri, yi avijo ka eri fu ra mi fe eri ma mvu; te mini ’yele ’dinirisi mi nga aciolu vepi acisiri oku eri ma dria. 21Emi ma a’i e’yo onzini emi ndezu ku, te emi Inde e’vo onzi e’yo onyirusi.
S'ha seleccionat:
'Ba Rumia 'Diyi 12: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.