'Ba Efesoa 'Diyi 2
2
Pata ’yeta anzutirisiri
1 #
Kol 1:21; 2:13 Te emi odra ndra ra e’yo onzi pi ma alia ezata emini be. 2#Efe 6:12; Tit 3:3; Yoh 12:31; Kol 1:13Emi ad ndra e’yo onzi ’diyi ma alia, ekile ’ba ewu nyaku ’dorinisi ’diyile, ekile opi ovupi okpo be oli uru agaduari ma alia, orindi azi ngapi okposi anzi e’yo a’ipi ku ’diyi ma aliarini lelerile. 3#Kol 3:6Te ama’i indi, ama dria aci ndra e’yo onzi ’diyi ma alia li ruanisi, e’yo rua pini lele asisile be ’diyi ’yezu; ama ndra idri amani ma alia ami adrani, ekile ’ba azi ’diyile. 4Te Mungu ovupi yiki ma e’irori, leta erini amboru erini ama lezurisi, 5#Luk 15:24, 32; Efe 5:14; Rum 6:13amani ndra tro ovuria drazaru e’yo onzisiri ti, eri ’ba ndra ama idriru Kristo be te emi ovu pazaru ’yeta anzutirisi, 6#Rum 8:10; Fil 3:20eri enga ama eri be tualu, fezu amani rizu eri be tualu angu ’buaria, Kristo Yesu ma alia, 7#Efe 1:7ewu ngapi ecapirisi eri ma ece ani ’yeta anzutiri erini ma lonyi agapi turi, erini asi ndriza fele ama dri Kristo Yesu ma aliarisi. 8#Gal 2:16A’disiku emi ovu pazaru ’yeta anzutirisi geri a’itanisi; te’diri engani de emi vu ku, i eri afa feza Munguni feleniri’i 9#1 Kor 1:29’yetasi ku, ’ba aluni kazu i enyazu ku. 10#Tit 2:14Te ama ovu eri ma dripamvu, ’bazaru Kristo Yesu ma alia, amani ani ’yeta onyiro Munguni edele kule ama dri ngonde drio amani acizu yi ma alia ’diyi ’yezu beni.
E’yo onzi ma adi cozu pati alazasiri
11 #
Efe 5:8
E’yo ’disi emi ma avi ku kini emi ovu ndra ’ba Jururu ruasi, ’ba agele lile drisi ’ba ruaa ’diyini omvele agele lizaako ’diyi- 12#Rum 9:4; 1 Tes 4:13kini ewu ndra ’darisi emi ovu Kristo kokoru, esele cozaru suru Israelini be ziri ziri, ’ba jururu ovupi aziza azile ’diyi be ku ’diyi, asi ’baza kokoru azini Mungu kokoru nyakua. 13#Isa 57:19; 52:7; Kol 1:20Te curu’do Kristo Yesu ma alia yi eji emi ovupi ndra ziri ’diyi ogogo ari Yesunisi. 14#Isa 9:5; Gal 3:28; Kol 2:14Te eri asi anzuru amaniri’i, eri fe esele iri ’diyini ovuzu aluruni, eri anzu jo aliza ama esele copiri, 15#Kol 2:14; 2 Kor 5:17rua erini ma alia eri ’ba nguta ari’barori azita ecarale e’yo sile azitaru ’diyi berini feleri i dezu, eri ma ’ba ani ’ba iri ’diyini ovuzu ’ba alu o’diru i ma ngulupi ma alia, asi anzuru ’bazu ’dinile, 16#Kol 1:20, 22eri ma fe ’ba iri ’diyini ti ecizu Mungu be rua alu ma alia, geri pati alazanisi, ngutani ma ti adizu pati alaza ndensi. 17#Isa 57:19; Zek 9:10Te eri emu asi anzuru ma e’yo baru oluzu emi ovupi re ’diyi ma tia, azini asi anzuru oluzu ’ba ogogo ’diyi ma tia indi; 18#Efe 3:12a’disiku erisi ama iri tro isu geri esizu Ata vu ogogori Orindi alu ma alia. 19#Efe 3:6; Ebra 12:22, 23Ka’dini emi ovuni di jururu, kani ani- ’baru dika ku, te emi ovu ’ba alatararu ’diyi ma aziru, emi ’ba Mungu vile akua ’diyi, 20#Mat 16:18; Isa 28:16odro emi ’ba ti opele ’diyi pi ma jo eti ma dria nabiyi be, Kristo Yesu ma ngulupini de oni jo ma kalaariruai; 21#Kol 2:19eri ma alia jo alu pi ma esele, ecile tualu onyiru ’diyi, zo cazu ovuzu hekalu alatararu Opi ma alia; 22#1 Pet 2:5eri ma alia si vini emi indi tualu ovuzu pari Munguni ovuzuriru Orindi ma alia.
S'ha seleccionat:
'Ba Efesoa 'Diyi 2: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.