’Yeta 22
22
1 #
’Yeta 7:2; 13:26 Ma adripi, ma atapi, emi eri e’yo eti nzeza mani nzele emi ma drilia curu’dori,
2 #
’Yeta 21:40
Yi ka eri erini ’yoria Ebrania tisi, yi ovu ciri aga ra. Eri ’yo ra: 3#’Yeta 9:1-29; 26:9-20#’Yeta 5:34-39; Rum 10:2Ma Yahudiouni, osi ma Tariso angu Kilikiaaria, ezo ma aku ’doria Gamalieli ma palaa, imba ma azita ama a’bipinisi kililiru, ma asi ovu ndra ma’yalasi Mungusi ekile emi driani ovule andrurile. 4#’Yeta 8:3; 26:9-11Ma inza ndra ’ba Geri ’doria ’diyi onzi yi ofuzu, agupi okuyi be, ma ombe yi fezu arujoa; 5kuhani ambo agapiri ’ba ’wara be dria eco e’yo mani ma eti nzezaru ra. Te ma isu ndra waraga yini jizu adripi ’daa ’diyi vu, ma mu ani Damasikia ’ba ovupi ’dale ’diyi ejizu o’izaru Yerusalemua inzata fezu yi dri.
6Eri eca ’dinile, mani aciria geria mani ecaria Damasikia ogogo, ekile etu agaale, coti diza amboru engapi ’buari di ma ageia. 7Ma eco ma va nyakua, ma eri o’duko ’yozu ma be kini, Saulo, Saulo, mi ma inza a’disi ya? 8Ma omvi e’yo, Opi, mi a’di’i ya? Eri ’yo ma tia, Ma Yesu Nazaretia miru inzaleri’i. 9’Ba ovupi ma be ’diyi ndre diza nderi, te yi erini ’ba e’yo ’yopi ma beri ma o’duko ku. 10Ma ’yo ra, Ma nga ’ye ngoni ya, Opi la? Opi ’yo ma tia, Mi nga, mi mu Damasikia, yi nga e’yo dria ovupi pezaru mi dri ’yezu ’diyi ’yo mi tia ’dale. 11Te ma ka eco angu ndrezu ku diza nderini dile turisi, ’ba ovupi ma be ’diyi yi se ma drisi, ma ca Damasikia.
12Agu alu runi Anania, eri ’ba Mungu inzipi ekile azitani ’yolerile, ’ba Yahudini dria ovupi ’dale ’diyini adrile runi dule duri, 13eri emu ma vu, erini pa soria ma ageia eri ’yo ma tia, Adripi mani Saulo, mi ma ndre angu. Etu nderisi mbelekoelei ma ndre angu, ma ndre eri. 14#’Yeta 3:14Eri ’yo ra, Mungu ama a’bipini pe mi e’yo ini leleri nizu, ’Ba Kililiru nde eriniri nezu, azini o’duko efupi eri tiliari erizu; 15te mi nga e’yo mini neleri azini erileri ma eti nze ’ba dria vu. 16#2 Tim 2:22Curu’do mi te ’doa a’disi ya? Mi enga, bi baputizi, mi oji e’yo onzi miniri, mini ru erini omveria.
17 #
’Yeta 9:26; 11:30; Gal 1:18, 19 Eri eca ’dini, ma ka mvi Yerusalemua ’bo, mani Mungu ziria hekalua, ma ava oti ra, 18ma ne eri erini e’yo ’yoria ma tia kini, Mi nga mbelekocici, mi fu Yerusalemuasi, a’disiku yi ngani e’yo mini etini nzele masiri eri ku. 19#’Yeta 22:4Te ma, ’yo, Opi, yi ma ngulupi ni ra kini ma adri ndra ’ba mi a’ipi ’diyi obi ’ba jo arunia yi cozu, jo ’ba Yahudini yi okuzu ’diyi vusi dria. 20#’Yeta 7:58; 8:1Azini yini Setefano ’ba e’yo mini ma eti nzepiri ma ari adaria, ma’i ma ngulupi so de pa ’daa indi e’yoni a’izu, ’ba eri fupi ’diyi ma bongo ta mbazu. 21#’Yeta 9:15; 13:2Eri ’yo ma tia, Mi mu, a’disiku ma nga mi ti pe ziri ’ba Jururu vu.
Opi asikari ma driliarini Paulo ma ta mbazuri
22 #
’Yeta 21:35
Yi eri e’yo erini ’yoleri ecazu e’yo ’diri tia; ’di ma vutia coti yi oyu o’duko urusi kini, Ma ja ’ba ’dini ’di ma dri nyakuasi ra! Econi erini ovuzu idriru ku! 23Yi ka otre o’duko urusi, ka bongo yini otru o’be uru, ka irifura omvu uru indi, 24opi asikarini azi yi ma ofi eri kali asikarinia, ’yozu ma zi eri kalisi, eri ma ni e’yo ’ba ongulumuruni otrezu eri dria ’diniri ma efi ani. 25#’Yeta 16:37; 23:27Yi ka eri ombe enyiriko baasi ’bo, Paulo ’yo ’ba asikari turu alu drilia pa sopi ogogori ma tia kini, Kani azita a’i emini ’ba Rumini cozu kalisi e’yo likokoru ra ya? 26’Ba asikari turu alu driliari ka e’yo nderi eri ra, eri mu ’yo opi asikarini tia kini, Mi le a’di ’ye ya? ’Ba ’dori eri ’ba Rumini. 27Te opi nderi mu eri vu, ’yo eri be, Mi ’yo ma tia, mi ’ba Rumini ya? Eri ’yo ra, E. 28Opi asikarini omvi e’yo ’yozu, Mani ma ojazu ’ba Ruminiru, ma je aje ambosi. Te Paulo ’yo ra, Te ma’i, ti mani ma ti ti. 29’Dini coti ’ba ’yepi Pauloni zipi ’diyi se yi vile, ku eri ra; opi asikarini indi eri ovu urisi, a’disiku eri ni Paulo ovu ’ba Rumini, azini erini eri ’ilerisi.
Paulo ’ba e’yo amapi ’diyi ma drilia
30Drusi ’dini, erini leria e’yo ’ba Yahudini eri esuzu ma efi adari nizu, eri tru eri ra, azi kuhani amboru ’diyi ’ba ’wara e’yo amapi ’diyi be dria yi okuzu tualu. Eri eji Pauloni, ’ba eri yi drilia.
S'ha seleccionat:
’Yeta 22: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.