’Yeta 19
19
Azi Pauloni ngale Efesoari
1Eri eca ’dini Apoloni ovuria Korintoa, Paulo aga angu uruleruria cazu Efesoa, ’Dale eri isu ’ba Yesu vuti bipi azini ’diyi. 2#’Yeta 2:38Eri ’yo yi tia kini, Emi isu Orindi Alatararu emini a’iria ra ya? Yi ’yo eri tia, Yo, te ama erini kini Orindi Alatararuri indiri ku. 3Eri ’yo kini, Ka’dini emi bi baputizi ngori ya? Yi ’yo ra, Baputizi Yohanani. 4#Mat 3:11; Mar 1:4, 7-8; Luk 3:4, 16; Yoh 1:26-27Paulo ’yo ra, Yohana eri fe baputizi asi ojazani, ’yozu yi ma a’i ’ba ngapi ecapi i vutiari’i, ’ba nderi Yesu’i. 5Yini e’yo ’diri eriria ’boria, yi bi baputizi ru Opi Yesunirisi, 6#’Yeta 8:17; 10:44, 46Pauloni i dri tiria yi dria, Orindi Alatararu eca yi dria; yi ’yo ti ndu ndusi, yi olu e’yo ekile nabile. 7’Ba ’diyi yi ovu ekile agupi mudri drini irile.
8Eri fi jo ’ba Yahudini yi okuzuria, azini mba na ma eselia dria eri olu e’yo uri kokoru, agata gazu azini ’ba dri esezu suru Munguni ma e’yosi; 9#2 Tim 1:15; ’Yeta 9:2; Tit 3:10, 11; 2 Kor 6:17; 2 Yoh 1:10te ’ba azini yi ma eselia ovu asi mbaza be, yi a’ini ku, te yi o’da Geri nderi ’ba ongulumuru ma milia; e’yo ’disi eri nga fu yi ma eseliasi, nga ’ba Yesu vuti bipi ’diyi ma esele co ndu, eri imba etuzu jo ’bani ondua imbazu Turanorima, 10Eri ’ye ’dini eli iri ma alia dria, ’dini ’ba dria ovupi Asiaa ’diyi yi eri e’yo Opini, ’ba Yahudini ’diyi ’ba Girikini ’diyi be.
Anzi Sikevani
11 #
’Yeta 14:3
Mungu ’ye tali ndu tu geri Paulo ma driarisi, 12#’Yeta 5:15’dini engazu Paulo ma ruaa yi ii kitambala pi ’ba azoru ’diyi vu, bongo azi ’diyi be, azoni nga ani yi rua ku ra, orindi onzi yi fu mu indi. 13#Luk 9:49Te ’ba Yahudini azini, adripi acipi saaru orindi onzi ofupi ’diyi, yi o’bi Yesu ru omve ’ba orindi onzi be ’diyi ma dria, ’yozu, Ma otri emi Yesu Pauloni oluleri ma rusi. 14’Ba Yahudini azini, kuhani amboru runi Sikeva ma anzipi aziri ’diyi ’ye ’dini. 15#Mar 1:34; Luk 4:41Te orindi onzi omvi e’yo yi tia kini, Yesuni ma ni ra, Pauloni ma va ra, te emi’i, emi a’dipi ya? 16Te ’ba nde orindi onzini ovuzu aleniari mbu yi dria, aga yi dria okpo inisi, ’dini yi apa ani jo ndearisi pililiru bile be ruaa indi. 17#’Yeta 5:5, 11E’yo ’diri eri ku ’ba Efesoa ’dayi vu dria, ’ba Yahudini ’ba Girikini be; uri amboru bi yi dria; azini ru Opi Yesuni ’ba i amboru. 18’Ba kakau indi ’ba a’ipi ’diyi ma eselia, yi emu e’yo yini ’yele ’diyi ofuzu e’dazu. 19’Ba kakau ’ba andri ndripi ’diyi ma eselia ’diyi yi oku buku yini tualu, yi eve yi ’ba dria ma milia; yi la aje yini, isu kalafe ovu silingi alifu kali towi ’dipi. 20#’Yeta 6:7; 12:24’Dini e’yo Opini eri zo okpo be, aga dria.
Otreta otrezu Efesoari
21 #
’Yeta 23:11; Rum 1:13 E’yo ’diyi ma vutia, Paulo ’ba i ma asi agazu Makedoniaasi azini Akayaasi, muzu Yerusalemua, ’yozu kini, Ma ka ovu ’dale ’bo, ma ma ne Rumini indi. 22#’Yeta 17:14; Rum 16:23; 1 Kor 4:17Eri ka ’ba iri ’ba i aza kopi ’diyi ma eselia ’diyi ma ti pe Makedoniaa ’bo, yi ma ru Timoteo pi Erasito be, eri ngulupi awu Asiaa ewu were. 23#’Yeta 19:9; 2 Kor 1:8, 9Ewu nderisi o’yona amboru eca Geri nde ma e’yosi. 24#’Yeta 16:16Agu alu runi Demeterio’i, ’ba oka dipiri, eri adri orijo gana jojoaru Dianani ede dahabusi, eri ma e’yosi ’ba onduouru ’diyi isu orodri kakau. 25Eri oku onduou nde ’diyi tualu ’ba azi ’dinile ’diri ngapi ’diyi be indi, ’yo ra, Ma agupi, emi ni ra ama isu lonyi amani azi ’dorisi. 26#’Yeta 17:29Emi ne, emi eri indi, agu Pauloru ’diri eri ose ’ba, oja yi kakau, kiri Efesoa a’dule ku te ace were Asia dria ma alia indi, ’yozu Mungu ’ba drini edeleni ’diyi ovuni munguru ku. 27Te ace were ’ba nga azi amani ’diri onzo onzo, te kiri ’diri a’dule ku, ’ba nga hekalu Mungu okuru ambo Diananiri ma e’yo ega ekile afa tokole indi, te inzita erini dria nga de ra, eri’i Asia dria azini ’ba wudrikuru driani inzileri.
28Yi ka e’yo nderi eri ’bo, adra’i ti yi asia tre, yi otre uru kini, Diana ’ba Efesoa ’diyini eri amboru! 29#’Yeta 20:4’Dini aku amboru nderi ga tre otrenasi; yi nzu asi alusi tualu pari avita avizuria, yi obi Gayo pi Arisitariko be, yi ’ba Makedoniaa acipi tualu Paulo be ’diyi, 30Paulo le fi ’ba ongulumuru ma eselia, te ’ba Yesu vuti bipi ’diyi a’ini erini fizu ku; 31’ba azini ’ba amboru ’ba dri cepi Asiaa ’diyi ma eselia ’diyi, yi agu Pauloni, yi pe ’ba ti indi eri vu, matu ’bazu eri ma fe i fizu pari avitaniria ku. 32’Ba azini yi otre ’dini, azini ’diyi otre ’doni; a’disiku ’ba ongulumuru ovu osazaru, azini ’ba kakau agapi yi eselia ’diyi nini e’yo yini yi okuzuri ku. 33’Ba azini ofu Alegezanda ’ba ongulumuru ma eselia, ’ba Yahudini ’ba eri drileni. Alegezanda oga ’ba drisi, le e’yo nze ’ba ongulumuru tia. 34Te yi ka va eri ’ba Yahudini, yi otre o’duko alusi sawa pi pi iri kini, Diana ’ba Efesoa ’diyini eri amboru! 35’Ba amboru waraga sipi aku ndeari ka ’ba ongulumuru ’ba ovuzu ndi, eri ’yo, Emi ’ba Efesoa ’diyi, a’di nini kunini ya, aku Efesoni eri hekalu Diana amboruni agei te, tualu wura oniru engapi ’bua e’depi vari be ya? 36Awa’dini ’ba econi agata gazu e’yo ’disi ku, onyirini emi ma ovu ciri, emi ma ’ye e’yo ruakpokposi ku. 37Te emi eji agu ’diyi ’doa, te ’ba nde ’diyi yi ’ba afa ogupi hekalua ’diyi yo, yi o’dani Mungu okuru amaniri ku indi. 38Demeterio azini onduou ovupi eri be ’diyi ka ovu e’yo liza be ’ba ’diyi vu, o’du ’bani e’yo lizu ’diyi ci, azini opi Rumini ’diyi indi, eco onyiru yi ma mu e’yo yini nze yi drilia. 39Te emi ka ovu e’yo ziza azini be, yi nga e’yoni ede okuza azitani peleri ma alia. 40Te adaru kani e’yo lizani nga ovu ama dria otrena ombaru andruri ma e’yosi, erini ovule efi kokorurisi; te e’yo ’dirisi ama ngani eco e’yo omvizaru okuza saaru ’dorisi ku. 41Eri ka e’yo ’diyi ’yo ’bo, eri ere ’ba yi okupi ’diyi ra.
S'ha seleccionat:
’Yeta 19: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.