’Yeta 13
13
1 #
’Yeta 11:27
Isu kanisa Antiokiaari ma alia nabi azini ’ba ’ba imbapi ’diyi indi, Baranaba pi, Simeoni yini omvele Nigeriruri pie, Lukio ’ba Kureneari pie, Manaeni adripi zopi tualu Herode beri pie, Saulo pie. 2#’Yeta 9:15Yini azi ngaria Opi dri azini yini i nyaka ’daria, Orindi Alatararu ’yo ra, Emi pe Baranaba pi ndu Saulo be, yi ma nga azi mani yi omvezuri’i. 3#’Yeta 6:6; 14:23; 1 Tim 4:14; 5:22Yini nyaka ’daria azini Mungu ziria ’boria, yi ti dri yi dria, ku yi muzu.
Baranaba pini e’yo oluzu Saulo be Kuporoari
4 #
’Yeta 15:39
’Dini, yini ovule ti pezaru Orindi Alatararusirisi, yi si Selukiaa; engazu ’dale yi mu ogurusi Kuporoa. 5#’Yeta 12:12, 25; 13:13Yini ovuria Salamisia, yi olu e’yo Munguni pari ’ba Yahudini yi okuzu ’diyi ma alia. Yohana ovu yi be yi aza kozu indi. 6Yini agaria angu nde i lipi miri ma aliari ma eselesi dria cazu kpere Pafoa ’boria, yi isu agu alu oleouru, nabi inzoru ’ba Yahudini, runi Bara-Yesu’i. 7Eri ovu tualu Serigio Paulo opi ’ba Rumia ’diyini pele azi ngazu angu nderiari be. Opi nderi ’ba onduaruni, eri omve Baranaba pi i vu Saulo be, le e’yo Mungurii erizu. 8#2 Tim 3:8Te Eluria ’ba oleouru nderi (ru erini ma efi ’dini) aru yi dri agatasi, lezu opini ojazu kazu a’izu ku. 9Te Saulo ’bani omvele Paulo, gapi Orindi Alatararusi treri, eri su mile ruania okporu, 10#Hos 14:9eri ’yo ra kini, Lokiri ga mi alia tre e’yo onzi dria be, mi mva Satanini Mi ari’bo e’yo onyiruni dria, mi kuni geri kililiru Opiniri ojazu ku ya? 11#’Yeta 9:8; Yoh 9:39Curu’do mi ne, dri Opini ovu mi ruaa, mi mileni nga dra ra, mi ngani eco etu ndrezaru cazu o’du azinisi ku. Coti apurusa azini angu iniru ’ba yi asu eri dria, eri mu ’ba ndazu i sezu drisi. 12Te opini e’yo i ’yepiri ndreria eri a’i ra, eri ovu taisi tu imbata Opinisi.
Paulo Baranaba be Antiokia Pisidiaaria
13 #
’Yeta 12:12, 25; 15:38 -Te Paulo ’ba acipi eri be ’diyi be, yi fi oguru alia engazu Pafoa cazu Perigaa angu Pamfuliania. Te Yohana eri ku yi ra, da dri vile mvizu Yerusalemua; 14te yi aga engazu Perigaa cazu Antiokia angu Pisidianima aliaria. Te o’dusabatonisi yi fi pari ’ba Yahudini yi okozoria, yi ri va. 15#’Yeta 15:21Yini buku azitaniri laria nabini be ’boria, ’ba amboru ovupi jo ’bani okuzuri drilia ’diyi yi pe ’ba ti yi vu, yi ’yo ra, Adripi, emi ka ovu e’yo asi omizani be imbazu ’ba dri, emi ’yo. 16Paulo eri enga, erini yi ogaria drisi eri ’yo kini:
Emi agupi Israelini azini emi ’ba Mungu rupi ’diyi, emi eri. 17#Efu 1:7; 12:51; Isa 1:2; Efu 6:1, 6; 12:37, 41; 14:8Mungu suru ’diri Israeliniri ope ndra ama a’bipi, eri ’ba suru nde uru ewu yini adrizu angu Misiriniarisi, ofu ndra yi wu okporu inirisi. 18#Kal 14:34; Azi 1:31; Efu 16:35Te ekile eli kali su ’dipi ma alia dria eri mba yi ma ta asi tezasi roko dria. 19#Azi 7:1; Yos 14:1Eri ka suru jururu aziri angu Kananini ma alia ’diyi ma dri ja ’bo, eri fe angu ’ba nde ’diyini yi dri ovuzu yiniru ekile eli turu su drini kali towile, 20#Lip 2:16; 1 Sam 3:20E’yo ’diri ma vutia, eri fe ’ba e’yo olipi ’diyi yi dri ecazu nabi Samueli vu. 21#1 Sam 8:5; 10:21, 24Vilerisi yi zi opi; azini Mungu fe yi dri Saulo Kisimvi, ’ba suru Benyaminini, eli kali suo 22#1 Sam 13:14; 16:12, 13; Zab 89:20; Isa 44:28; Ebra 1:5; 5:5Eri ka eri nze ra, eri enga Daudini ovuzu opi yini; eri nze eri ma e’yo eti ’yozu kini, Ma isu Daudi Yese mvini, eri ’ba ma asini lele ngapi e’yo dria mani leleri ’yepiri’i. 23#2 Sam 7:12; Isa 11:1Engazu agu ’di ma ori ma alia, Mungu eji Israeli vu ’Ba ’ba Papiri Yesu, ekile erini azile ndrarile. 24#Mar 1:4; Luk 3:3De eri ecani ku, Yohana olu baputizi asi ojazani ma e’yo ’ba, Israelini ’diyi dri dria. 25#Mat 3:11; Mar 1:7; Luk 3:16; Yoh 1:20, 27Yohana ka ’ye acita erini de, eri ’yo, Emi ega ma a’di’i ya? Ma eri’i yo. Te emi ne, ’ba azini nga emu ma vutia, mani dri fuzu onyisi enyiriko eri ma paari ayuzu kuri’i.
26 #
Zab 107:20; ’Yeta 13:46 Adripi, a’bianzi Iburahimuni azini ’ba Mungu rupi ovupi emi eselia ’diyi, epe pata ’diri ma e’yo ma ti ama vu ’boo 27#’Yeta 3:17; Yoh 16:3Te ’ba ovupi Yerusalemua ’diyi ’ba yi dri cepi, diyi be, yini ’ba ’did nile kurisi azini yini o’duko nabini ovupi lazaru sabato dria vusi ’diyi vale kurisi indi, yi fe e’yo ’diyi ma ’ye yi trotro, yini eri ndele e’yo lizasirisi, 28#Mat 27:22-23; Mar 15:13-14; Luk 23:21-23; Yoh 19:15Yi isuni e’yo efi eri alia eri fuzuri ku, te ’ti yi a’i Pilato ma fu eri. 29#Mat 27:57-61; Mar 15:42-47; Luk 23:50-56; Yoh 19:38-42Te yi ka fe e’yo ovupi sizaru eri ma e’yosi ’diyi dria ma ’ye yi trotro ’bo, yi tru eri pati ruaasi, yi sa eri ’bilia. 30#’Yeta 3:15Te; Mungu enga eri ’ba draza ma eseliasi ra; 31#’Yeta 1:3eri e’da i o’du kakau ’ba engapi Galilia emupi eri be Yerusalemua ’diyi dri, ’ba ’diyi ovu curu’do ’ba e’yo erini ma eti nzepi ’ba dri ’diyiru. 32#’Yeta 13:23Te ama olu e’yo bari emi dri aziza Munguni azile ndra ama a’bipi driri’i; 33#Zab 2:7eri fe aziza nderi ma ’ye i ama’i anzi yini dri erini Yesu engalerisi; ekile ovupi sizaru zaburi iriri ma aliarile indi,
Mi ma Mvi’i, andru ma ti mi ra.
34 #
Isa 55:3
E’yo erini eri engazu ’ba draza:
ma eselia erini ngazu mvizu mazu dika kuri,
e’yo nderisi eri ’yo ’dinile,
Ma nga e’yo onyiru Daudini alatararu azini adaru ’diyi fe mi dri.
35 #
Zab 16:10; ’Yeta 2:27 E’yo ’dirisi eri ’yo zaburi azini ma alia indi, Mi ngani fe ’Ba Alatararu miniri ma ma ku.
36 #
1 Opi 2:10; Lip 2:10; ’Yeta 2:29 Te Daudi ka ndra azi nga a’bianzi ewu erinisi ’diyi dri ekile Munguni edelerile ’boria, eri ko o’du ra, sa eri tualu a’bipi erini ’diyi be, ma ra; 37te eri’i Munguni engale ’ba draza ma eseliari, ’ba nderi mani ku. 38#’Yeta 10:43; Kal 15:30; Ebra 9:9; 13:20Agupi ma adripiru ’diyi la, emi ma ni di e’yo ’diri ani, ama olu emi tia kini e’yo onzi ovu wuzaru ’ba nde ’deri ma e’yosi, 39#Rum 10:4te ’ba ’dirisi yi la ’ba dria eri a’ipi ’diyi kililiru, e’yo dria emini ecole ovuzaru lazaru kililiru azita Musanisi ku ’diyi ma alia. 40#Hab 1:5E’yo ’disi emi ma netonyiru, e’yo nabini ’yoleri kazu ecazu emi vu ku:
41 #
Hab 1:5
Emi ne, emi ’ba e’yo onzopi afusi ’diyi,
emi ma ovu taisi, emi ma ali ra;
a’disiku ma ’ye ’yeta ewu eminisi, ’
yeta nderi emi ngani a’i aluni ku,
’ba ka tro olu emi dri ti.
42’Bani efuria, yi ’ba matu yi vu yi ma olu e’yo ’diyi yi tia sabato ecapirisi. 43#’Yeta 11:23’Ba okezaa ’diyini yi ere u ’borisi, ’ba Yahudini kakau azin, ’ba Mungu rupi engazu suru azinia yi olapi ’ba Yahudiniru ’diyi yi bi Paulo pi ma vuti Baranaba be; te yi’i, yi ’yo yi be yi asi imbazu yi ma ebi yi asi ndriza Munguni be ’dani.
44Sabato ecapirisi ’ba aku amboru nderi ma alia ’diyi eca ekile dria e’yo Munguni erizu. 45#’Yeta 13:50; 14:2Te ’ba Yahudini yi ka ’ba ongulumuru ndre, yi ovu ma’yalasi tre, yi ’ba agata ga e’yo Pauloni olulerisi, yi eri o’da o’da. 46#’Yeta 3:26; 18:6; Mat 10:6; Luk 7:30Te Paulo pi Baranaba be yi ’yo e’yo uri kokoru, ’yozu kini, Adani, e’yo Munguni ma ovu oluzaru emi dri oko raka, Te ’dini emini e’yo nderi zele ’dalerisi, emini egale kini sini emi idri ’dani ’dani isuzu kurisi, emi ne, ama oja ama ’ba Jururu ’diyi vu. 47#Isa 42:6; 49:6Opini azita fele ama dri ’dinirisi,
Ma ’ba mi ovuzu dizale ’ba Jururu ’diyi dri, ’dini mi ma ji e’yo patani wudrikuru ma kalatini asiria.
48 #
’Yeta 11:18; Rum 8:29 ’Ba Juruni yi ka e’yo nderi eri ra, yi ovu ayikosi, yi inzi e’yo Opini; te ’ba dria opele idri ’dani ’dani isuzu ra ’diyi, yi a’i ra. 49E’yo Opini eri ku wakaka angu nderia dria. 50Te ’ba Yahudini yi mu oku ’wara inzita yini ma vuti bipi avasi ’diyi vu, azini agupi amboru aku nderia ’diyi vu indi, yi esu yi bile inzata fezu Paulo pi dri Baranaba be, dro yi angu yini ma eseliasi ra. 51#Mat 10:14; Mar 6:11; Luk 9:5; 10:11; ’Yeta 18:6Te ’ba ’diyi yi we irifura yi ma paari va yi vu, yi mu Ikoniaa. 52’Ba Yesu vuti bipi ’diyi yi ga ayikosi tre, Orindi Alatararurisi indi.
S'ha seleccionat:
’Yeta 13: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.
’Yeta 13
13
1 #
’Yeta 11:27
Isu kanisa Antiokiaari ma alia nabi azini ’ba ’ba imbapi ’diyi indi, Baranaba pi, Simeoni yini omvele Nigeriruri pie, Lukio ’ba Kureneari pie, Manaeni adripi zopi tualu Herode beri pie, Saulo pie. 2#’Yeta 9:15Yini azi ngaria Opi dri azini yini i nyaka ’daria, Orindi Alatararu ’yo ra, Emi pe Baranaba pi ndu Saulo be, yi ma nga azi mani yi omvezuri’i. 3#’Yeta 6:6; 14:23; 1 Tim 4:14; 5:22Yini nyaka ’daria azini Mungu ziria ’boria, yi ti dri yi dria, ku yi muzu.
Baranaba pini e’yo oluzu Saulo be Kuporoari
4 #
’Yeta 15:39
’Dini, yini ovule ti pezaru Orindi Alatararusirisi, yi si Selukiaa; engazu ’dale yi mu ogurusi Kuporoa. 5#’Yeta 12:12, 25; 13:13Yini ovuria Salamisia, yi olu e’yo Munguni pari ’ba Yahudini yi okuzu ’diyi ma alia. Yohana ovu yi be yi aza kozu indi. 6Yini agaria angu nde i lipi miri ma aliari ma eselesi dria cazu kpere Pafoa ’boria, yi isu agu alu oleouru, nabi inzoru ’ba Yahudini, runi Bara-Yesu’i. 7Eri ovu tualu Serigio Paulo opi ’ba Rumia ’diyini pele azi ngazu angu nderiari be. Opi nderi ’ba onduaruni, eri omve Baranaba pi i vu Saulo be, le e’yo Mungurii erizu. 8#2 Tim 3:8Te Eluria ’ba oleouru nderi (ru erini ma efi ’dini) aru yi dri agatasi, lezu opini ojazu kazu a’izu ku. 9Te Saulo ’bani omvele Paulo, gapi Orindi Alatararusi treri, eri su mile ruania okporu, 10#Hos 14:9eri ’yo ra kini, Lokiri ga mi alia tre e’yo onzi dria be, mi mva Satanini Mi ari’bo e’yo onyiruni dria, mi kuni geri kililiru Opiniri ojazu ku ya? 11#’Yeta 9:8; Yoh 9:39Curu’do mi ne, dri Opini ovu mi ruaa, mi mileni nga dra ra, mi ngani eco etu ndrezaru cazu o’du azinisi ku. Coti apurusa azini angu iniru ’ba yi asu eri dria, eri mu ’ba ndazu i sezu drisi. 12Te opini e’yo i ’yepiri ndreria eri a’i ra, eri ovu taisi tu imbata Opinisi.
Paulo Baranaba be Antiokia Pisidiaaria
13 #
’Yeta 12:12, 25; 15:38 -Te Paulo ’ba acipi eri be ’diyi be, yi fi oguru alia engazu Pafoa cazu Perigaa angu Pamfuliania. Te Yohana eri ku yi ra, da dri vile mvizu Yerusalemua; 14te yi aga engazu Perigaa cazu Antiokia angu Pisidianima aliaria. Te o’dusabatonisi yi fi pari ’ba Yahudini yi okozoria, yi ri va. 15#’Yeta 15:21Yini buku azitaniri laria nabini be ’boria, ’ba amboru ovupi jo ’bani okuzuri drilia ’diyi yi pe ’ba ti yi vu, yi ’yo ra, Adripi, emi ka ovu e’yo asi omizani be imbazu ’ba dri, emi ’yo. 16Paulo eri enga, erini yi ogaria drisi eri ’yo kini:
Emi agupi Israelini azini emi ’ba Mungu rupi ’diyi, emi eri. 17#Efu 1:7; 12:51; Isa 1:2; Efu 6:1, 6; 12:37, 41; 14:8Mungu suru ’diri Israeliniri ope ndra ama a’bipi, eri ’ba suru nde uru ewu yini adrizu angu Misiriniarisi, ofu ndra yi wu okporu inirisi. 18#Kal 14:34; Azi 1:31; Efu 16:35Te ekile eli kali su ’dipi ma alia dria eri mba yi ma ta asi tezasi roko dria. 19#Azi 7:1; Yos 14:1Eri ka suru jururu aziri angu Kananini ma alia ’diyi ma dri ja ’bo, eri fe angu ’ba nde ’diyini yi dri ovuzu yiniru ekile eli turu su drini kali towile, 20#Lip 2:16; 1 Sam 3:20E’yo ’diri ma vutia, eri fe ’ba e’yo olipi ’diyi yi dri ecazu nabi Samueli vu. 21#1 Sam 8:5; 10:21, 24Vilerisi yi zi opi; azini Mungu fe yi dri Saulo Kisimvi, ’ba suru Benyaminini, eli kali suo 22#1 Sam 13:14; 16:12, 13; Zab 89:20; Isa 44:28; Ebra 1:5; 5:5Eri ka eri nze ra, eri enga Daudini ovuzu opi yini; eri nze eri ma e’yo eti ’yozu kini, Ma isu Daudi Yese mvini, eri ’ba ma asini lele ngapi e’yo dria mani leleri ’yepiri’i. 23#2 Sam 7:12; Isa 11:1Engazu agu ’di ma ori ma alia, Mungu eji Israeli vu ’Ba ’ba Papiri Yesu, ekile erini azile ndrarile. 24#Mar 1:4; Luk 3:3De eri ecani ku, Yohana olu baputizi asi ojazani ma e’yo ’ba, Israelini ’diyi dri dria. 25#Mat 3:11; Mar 1:7; Luk 3:16; Yoh 1:20, 27Yohana ka ’ye acita erini de, eri ’yo, Emi ega ma a’di’i ya? Ma eri’i yo. Te emi ne, ’ba azini nga emu ma vutia, mani dri fuzu onyisi enyiriko eri ma paari ayuzu kuri’i.
26 #
Zab 107:20; ’Yeta 13:46 Adripi, a’bianzi Iburahimuni azini ’ba Mungu rupi ovupi emi eselia ’diyi, epe pata ’diri ma e’yo ma ti ama vu ’boo 27#’Yeta 3:17; Yoh 16:3Te ’ba ovupi Yerusalemua ’diyi ’ba yi dri cepi, diyi be, yini ’ba ’did nile kurisi azini yini o’duko nabini ovupi lazaru sabato dria vusi ’diyi vale kurisi indi, yi fe e’yo ’diyi ma ’ye yi trotro, yini eri ndele e’yo lizasirisi, 28#Mat 27:22-23; Mar 15:13-14; Luk 23:21-23; Yoh 19:15Yi isuni e’yo efi eri alia eri fuzuri ku, te ’ti yi a’i Pilato ma fu eri. 29#Mat 27:57-61; Mar 15:42-47; Luk 23:50-56; Yoh 19:38-42Te yi ka fe e’yo ovupi sizaru eri ma e’yosi ’diyi dria ma ’ye yi trotro ’bo, yi tru eri pati ruaasi, yi sa eri ’bilia. 30#’Yeta 3:15Te; Mungu enga eri ’ba draza ma eseliasi ra; 31#’Yeta 1:3eri e’da i o’du kakau ’ba engapi Galilia emupi eri be Yerusalemua ’diyi dri, ’ba ’diyi ovu curu’do ’ba e’yo erini ma eti nzepi ’ba dri ’diyiru. 32#’Yeta 13:23Te ama olu e’yo bari emi dri aziza Munguni azile ndra ama a’bipi driri’i; 33#Zab 2:7eri fe aziza nderi ma ’ye i ama’i anzi yini dri erini Yesu engalerisi; ekile ovupi sizaru zaburi iriri ma aliarile indi,
Mi ma Mvi’i, andru ma ti mi ra.
34 #
Isa 55:3
E’yo erini eri engazu ’ba draza:
ma eselia erini ngazu mvizu mazu dika kuri,
e’yo nderisi eri ’yo ’dinile,
Ma nga e’yo onyiru Daudini alatararu azini adaru ’diyi fe mi dri.
35 #
Zab 16:10; ’Yeta 2:27 E’yo ’dirisi eri ’yo zaburi azini ma alia indi, Mi ngani fe ’Ba Alatararu miniri ma ma ku.
36 #
1 Opi 2:10; Lip 2:10; ’Yeta 2:29 Te Daudi ka ndra azi nga a’bianzi ewu erinisi ’diyi dri ekile Munguni edelerile ’boria, eri ko o’du ra, sa eri tualu a’bipi erini ’diyi be, ma ra; 37te eri’i Munguni engale ’ba draza ma eseliari, ’ba nderi mani ku. 38#’Yeta 10:43; Kal 15:30; Ebra 9:9; 13:20Agupi ma adripiru ’diyi la, emi ma ni di e’yo ’diri ani, ama olu emi tia kini e’yo onzi ovu wuzaru ’ba nde ’deri ma e’yosi, 39#Rum 10:4te ’ba ’dirisi yi la ’ba dria eri a’ipi ’diyi kililiru, e’yo dria emini ecole ovuzaru lazaru kililiru azita Musanisi ku ’diyi ma alia. 40#Hab 1:5E’yo ’disi emi ma netonyiru, e’yo nabini ’yoleri kazu ecazu emi vu ku:
41 #
Hab 1:5
Emi ne, emi ’ba e’yo onzopi afusi ’diyi,
emi ma ovu taisi, emi ma ali ra;
a’disiku ma ’ye ’yeta ewu eminisi, ’
yeta nderi emi ngani a’i aluni ku,
’ba ka tro olu emi dri ti.
42’Bani efuria, yi ’ba matu yi vu yi ma olu e’yo ’diyi yi tia sabato ecapirisi. 43#’Yeta 11:23’Ba okezaa ’diyini yi ere u ’borisi, ’ba Yahudini kakau azin, ’ba Mungu rupi engazu suru azinia yi olapi ’ba Yahudiniru ’diyi yi bi Paulo pi ma vuti Baranaba be; te yi’i, yi ’yo yi be yi asi imbazu yi ma ebi yi asi ndriza Munguni be ’dani.
44Sabato ecapirisi ’ba aku amboru nderi ma alia ’diyi eca ekile dria e’yo Munguni erizu. 45#’Yeta 13:50; 14:2Te ’ba Yahudini yi ka ’ba ongulumuru ndre, yi ovu ma’yalasi tre, yi ’ba agata ga e’yo Pauloni olulerisi, yi eri o’da o’da. 46#’Yeta 3:26; 18:6; Mat 10:6; Luk 7:30Te Paulo pi Baranaba be yi ’yo e’yo uri kokoru, ’yozu kini, Adani, e’yo Munguni ma ovu oluzaru emi dri oko raka, Te ’dini emini e’yo nderi zele ’dalerisi, emini egale kini sini emi idri ’dani ’dani isuzu kurisi, emi ne, ama oja ama ’ba Jururu ’diyi vu. 47#Isa 42:6; 49:6Opini azita fele ama dri ’dinirisi,
Ma ’ba mi ovuzu dizale ’ba Jururu ’diyi dri, ’dini mi ma ji e’yo patani wudrikuru ma kalatini asiria.
48 #
’Yeta 11:18; Rum 8:29 ’Ba Juruni yi ka e’yo nderi eri ra, yi ovu ayikosi, yi inzi e’yo Opini; te ’ba dria opele idri ’dani ’dani isuzu ra ’diyi, yi a’i ra. 49E’yo Opini eri ku wakaka angu nderia dria. 50Te ’ba Yahudini yi mu oku ’wara inzita yini ma vuti bipi avasi ’diyi vu, azini agupi amboru aku nderia ’diyi vu indi, yi esu yi bile inzata fezu Paulo pi dri Baranaba be, dro yi angu yini ma eseliasi ra. 51#Mat 10:14; Mar 6:11; Luk 9:5; 10:11; ’Yeta 18:6Te ’ba ’diyi yi we irifura yi ma paari va yi vu, yi mu Ikoniaa. 52’Ba Yesu vuti bipi ’diyi yi ga ayikosi tre, Orindi Alatararurisi indi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.