’Yeta 12
12
Fu Yakoboni ra, ’be Peteroni arujoa
1 #
’Yeta 4:3
O’du nde ’diyi ma eselia opi Herode ’ba ’ba kanisani azini ’diyi inza okporu i drisi. 2Eri fu Yakobo adripi Yohananiri seisi; 3ka ndre ’ba Yahudini ovu ani ayikosi eri ’ye Peteroni bi vuni indi. ’Diri ovu o’du ’ba Yahudini mikate akufi kokoruri nyazu ’diyi ma eselia. 4#Efu 12:1-27Eri ka eri bi ’bo, eri ’ba eri arujoa, fe eri asikari mudri drini azia ’diyi dri ageini tezu su su; eri ega eri ofuzu amve ’ba ma drilia omu Agaza ’ba drilesiri ka i de raria. 5#Yak 5:16’Dini yi te Petero ma agei arujoa; te ’ba kanisani ’diyi ri Mungu zi eri dri asi driasi.
Malaikani Peteroni ofuzu arujoari
6 #
’Yeta 5:22, 23 Ini nde Herodeni ’yezu eri ofuzu amverisi, Petero ovupi otizaru anziriku irisirini o’du koria asikari iri eselia, isu de asikari pa sopi jotilea ’diyi yi arujo agei te; 7#’Yeta 5:19mi ndre, malaika Opini so pa eri ageia, te diza aza angu jo aliza nderi alia; eri sa Peteroni ejea eri oruzu, kini, Mi nga mbele! Anziriku eri dri otizuri nga di ayi va. 8Malaika ’yo eri tia kini, Mi a’di mi opile, mi su enyiriko mini mi paa. Eri ’ye ’dinile. Eri ’yo tinia, Mi ’be bongo mini mi ruaa, mi emu di ma vutisi. 9Eri efu ra, mu eri vutisi; te eri nini ku kani e’yo malaikani ’yeleri ovu adaru kani yo, eri ega i ndre afa ndrezani. 10Yini asikari arujo agei tepi esele okori agaria iriri be ’boria, yi eca kalitile ayaru ’bani efuzu aku amboruriaria. Kalitile nderi zi i ceni, yi fu amve aga geri ariti alu; coti malaika ku eri ra. 11Petero ma asi ka emvi ’bo eri ’yo kini, Curu’do ma ni adaru Opi epe malaika ini ma ti ma pazu Herode ma driani, azini e’yo dria ’ba Yahudini egale ’yele ma vuri ma alia indi.
12 #
’Yeta 12:25; 15:37 Eri ka e’yo ’di iyiki ra, eri mu ca Maria vile akua, eri Yohana yini omvele ru azinisi Marako’iri ma andri’i, pari ’ba kakauni yi okuzu Mungu zizuria. 13Eri ka jotile kpo ra, zamva runi Roda’i emu eri alu. 14Erini niria eri Petero ma o’duko, eri zini jotile ayiko dri ku, te eri fi ongusi, ’yo ra Petero so pa amve jotilea ’daa! 15#’Yeta 26:24; Luk 24:37Yi ’yo eri tia kini, Mi aza aza. Te eri ’yo yi tia ’dani okposi kini eri ’dini. Awa’dini yi ’yo ra, Eri ovu malaika erini! 16Te Petero ri jotile kpo ’dani; te yini ziria yi ndre eri, yi ovu taisi. 17Te eri oga drisi yi dri e’yo ’yoko si, eri ece yi dri e’yo Opini eri ofuzu arujoari. Eri ’yo kini, Emi olu e’yo ’diri Yakobo pi dri adripi be indi. Eri ko dri muzu pari azinia.
18 #
’Yeta 5:21, 22 Anguni atiria ’boria, o’yona ovu asikari ma eselia ambo Peteroni muzu ngoa yari ma e’yosi. 19Herode ka eri nda ti, eri ozi asikari arujo agei tepi ’diyi e’yo yini lizu, eri azi yi ofuzu. Te eri enga Yudiaa sizu Kaisariaa, eri te ’dale.
Drata Herodeni
20 # 1 Opi 5:25; Eze 27:17 Asi Herodeni ovu adrasi ’ba Turoa azini ’ba Sidonia ’diyi be; yi eca eri vu asi alusi, azini yi ka Blasito ’ba azi ngapi opi vile joa ’diyi ma driliari ’ba yi agyiru ’bo, yi a’i asi anzuru adra dezu, a’disiku ’ba yi vile angua ’diyi adri nyaka yini isu opi vile angua. 21O’du pelerisi Herode su bongo ini opiniri, erini riria va oguna dria e’yo aziria yi tia. 22#Eze 28:2’Ba ongulumuru yi otre o’duko urusi kini, ’Di o’duko munguni, ’baniri yo! 23#Dan 5:20Coti malaika Opini co eri ra, a’disiku eri feni diza Mungu dri ku; o’bu nya aleni, dra ra.
24 #
’Yeta 6:7; Isa 55:11 Te e’yo Munguni zo dika, ezu tre.
Baranaba pi ma ti pezu Saulo be e’yo oluzuri
25 #
’Yeta 11:29; 12:12; 15:37 Baranaba pi emvi engazu Yerusalemuarisi Saulo be, yi ka azi yini de ’bo; yi e’du Yohana yini omvele ru azinisi Marako’iri emvizu yi be.
S'ha seleccionat:
’Yeta 12: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.
’Yeta 12
12
Fu Yakoboni ra, ’be Peteroni arujoa
1 #
’Yeta 4:3
O’du nde ’diyi ma eselia opi Herode ’ba ’ba kanisani azini ’diyi inza okporu i drisi. 2Eri fu Yakobo adripi Yohananiri seisi; 3ka ndre ’ba Yahudini ovu ani ayikosi eri ’ye Peteroni bi vuni indi. ’Diri ovu o’du ’ba Yahudini mikate akufi kokoruri nyazu ’diyi ma eselia. 4#Efu 12:1-27Eri ka eri bi ’bo, eri ’ba eri arujoa, fe eri asikari mudri drini azia ’diyi dri ageini tezu su su; eri ega eri ofuzu amve ’ba ma drilia omu Agaza ’ba drilesiri ka i de raria. 5#Yak 5:16’Dini yi te Petero ma agei arujoa; te ’ba kanisani ’diyi ri Mungu zi eri dri asi driasi.
Malaikani Peteroni ofuzu arujoari
6 #
’Yeta 5:22, 23 Ini nde Herodeni ’yezu eri ofuzu amverisi, Petero ovupi otizaru anziriku irisirini o’du koria asikari iri eselia, isu de asikari pa sopi jotilea ’diyi yi arujo agei te; 7#’Yeta 5:19mi ndre, malaika Opini so pa eri ageia, te diza aza angu jo aliza nderi alia; eri sa Peteroni ejea eri oruzu, kini, Mi nga mbele! Anziriku eri dri otizuri nga di ayi va. 8Malaika ’yo eri tia kini, Mi a’di mi opile, mi su enyiriko mini mi paa. Eri ’ye ’dinile. Eri ’yo tinia, Mi ’be bongo mini mi ruaa, mi emu di ma vutisi. 9Eri efu ra, mu eri vutisi; te eri nini ku kani e’yo malaikani ’yeleri ovu adaru kani yo, eri ega i ndre afa ndrezani. 10Yini asikari arujo agei tepi esele okori agaria iriri be ’boria, yi eca kalitile ayaru ’bani efuzu aku amboruriaria. Kalitile nderi zi i ceni, yi fu amve aga geri ariti alu; coti malaika ku eri ra. 11Petero ma asi ka emvi ’bo eri ’yo kini, Curu’do ma ni adaru Opi epe malaika ini ma ti ma pazu Herode ma driani, azini e’yo dria ’ba Yahudini egale ’yele ma vuri ma alia indi.
12 #
’Yeta 12:25; 15:37 Eri ka e’yo ’di iyiki ra, eri mu ca Maria vile akua, eri Yohana yini omvele ru azinisi Marako’iri ma andri’i, pari ’ba kakauni yi okuzu Mungu zizuria. 13Eri ka jotile kpo ra, zamva runi Roda’i emu eri alu. 14Erini niria eri Petero ma o’duko, eri zini jotile ayiko dri ku, te eri fi ongusi, ’yo ra Petero so pa amve jotilea ’daa! 15#’Yeta 26:24; Luk 24:37Yi ’yo eri tia kini, Mi aza aza. Te eri ’yo yi tia ’dani okposi kini eri ’dini. Awa’dini yi ’yo ra, Eri ovu malaika erini! 16Te Petero ri jotile kpo ’dani; te yini ziria yi ndre eri, yi ovu taisi. 17Te eri oga drisi yi dri e’yo ’yoko si, eri ece yi dri e’yo Opini eri ofuzu arujoari. Eri ’yo kini, Emi olu e’yo ’diri Yakobo pi dri adripi be indi. Eri ko dri muzu pari azinia.
18 #
’Yeta 5:21, 22 Anguni atiria ’boria, o’yona ovu asikari ma eselia ambo Peteroni muzu ngoa yari ma e’yosi. 19Herode ka eri nda ti, eri ozi asikari arujo agei tepi ’diyi e’yo yini lizu, eri azi yi ofuzu. Te eri enga Yudiaa sizu Kaisariaa, eri te ’dale.
Drata Herodeni
20 # 1 Opi 5:25; Eze 27:17 Asi Herodeni ovu adrasi ’ba Turoa azini ’ba Sidonia ’diyi be; yi eca eri vu asi alusi, azini yi ka Blasito ’ba azi ngapi opi vile joa ’diyi ma driliari ’ba yi agyiru ’bo, yi a’i asi anzuru adra dezu, a’disiku ’ba yi vile angua ’diyi adri nyaka yini isu opi vile angua. 21O’du pelerisi Herode su bongo ini opiniri, erini riria va oguna dria e’yo aziria yi tia. 22#Eze 28:2’Ba ongulumuru yi otre o’duko urusi kini, ’Di o’duko munguni, ’baniri yo! 23#Dan 5:20Coti malaika Opini co eri ra, a’disiku eri feni diza Mungu dri ku; o’bu nya aleni, dra ra.
24 #
’Yeta 6:7; Isa 55:11 Te e’yo Munguni zo dika, ezu tre.
Baranaba pi ma ti pezu Saulo be e’yo oluzuri
25 #
’Yeta 11:29; 12:12; 15:37 Baranaba pi emvi engazu Yerusalemuarisi Saulo be, yi ka azi yini de ’bo; yi e’du Yohana yini omvele ru azinisi Marako’iri emvizu yi be.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.