’Yeta 11
11
Peteroni e’yo ecezu kanisa Yerusalemua ’diyi driri
1’Ba ti opele azini adripi ovupi Yudiaa ’diyi, yi eri e’yo ’ba Jururu ’diyini e’yo Munguni a’izu indiri. 2#’Yeta 10:45Te Petero ka tu Yerusalemua, ’ba azini ’ba liza ’diyi ma eselia ga agata eri be, 3#Gal 2:12; Efe 2:11’yozu kini, A’di e’yosi mi fi ’ba lile ku ’diyi ma eselia nyaka nyazu tualu yi be? 4Te Petero ’ba e’yo ece yi dri alu alu kini: 5#’Yeta 10:9-48Ma ovu ndra aku amboru Yoparia Mungu zizu; ma avani otiria ma ndre eceta alia afazu ekile bongo walarule, o’izaru oji kalania su ’diyia, osile va engazu ’buari; eri esi va ma vu. 6Mani mile suria ruania okposi, ma dro asisile drinia, ma ndre anyapa pa su be ’diyi dria, anyapa asea ’diyi be, afa acipi agatisi ’diyi, aria ’bua ’diyi be indi. 7Te ma eri o’dukoni ’yoria ma tia kini, Mi enga, Petero; mi li, mi nya, 8Te ma ’yo, ’Dini yo, Opi; te afa saaru azini alatara kokoru fini nga drio ma tilia aluni ku. 9O’duko omvi e’yoni pale iririsi engazu ’bua kini, Afa Munguni ’bale alatararu ’diyi mi ma omve yi saaru ku. 10E’yo ’diri ovu ’yezaru ’dini pale na, vutinia afa dria ovu ’duzaru dika ’bua. 11Mi ne, coti ’ba na tini epele ma vu engapi Kaisariaa ’diyi yi oso pa jo amani ovuzuri ma drilialeru. 12Orindi nga ’yo ma tia kini, Mi mu yi be ’ba ma esele cozu ku. Adripi azia ’diyi nga mu ma be tualu, ama fi ’ba nderi ma joa. 13Eri nga ece ama dri e’yo erini malaika nezu pa soria jo ini ma aliari, ’yo eri tia kini, Mi pe ’ba ti Yopaa Simoni yini omvele Peterori omvezu; 14eri nga mi dri e’yo olu mini ngazu mi pazu ani, mi’i tualu ’ba mi vile joa ’diyi be dria beni. 15Mani ’baria ’yoria, Orindi Alatararuri nga esi va yi dria ekile ama dria okorile, 16#’Yeta 1:5Ma nga di e’yo Opini ndra ’yoleri ega, kini, Yohana fe ndra ini baputizi yisi, te emi’i, emi nga baputizi bi Orindi Alatararusi. 17Awa’dini Mungu ka feta fe yi dri trotro erini fele ama dri amani Opi Yesu Kristo a’izurisirile, ma a’di’i ya ecozu Mungu ogazu ’dini? 18#’Yeta 13:48; 14:27Yi ka e’yo nderi eri ’bo, yi ovu ciri, azini yi inzi Mungu ’yozu kini, Ka’dini Mungu fe luru dri asi ojazu fizu idria indi.
Kanisa Antiokiaari
19 #
’Yeta 8:1-4
Te ’ba ovupi erezaru inzata engapi Setefano ma e’yosirisi ’diyi, yi ca kpere Foenikia azini Kuporoa azini Antiokiaa, yi olu e’yo kiri ’ba Yahudini dri a’dule. 20Te ’ba azini yi eselia, ’ba engapi Kuporoa azini Kurenea ’diyi, yini ecaria Antiokiaa yi ’ba e’yo ’yo ’ba Girikiru ’diyi tia indi, Opi Yesuni oluzu. 21#’Yeta 2:47Dri Opini ovu yi be, ’ba ongulumuru kakau a’ipi ’diyi yi oja yi Opi vu. 22#’Yeta 4:36E’yo yini ku cazu kpere kanisa ovupi Yerusalemuari ma bilia, yi pe Baranaba ma ti Antiokiaa. 23#’Yeta 13:43Erini ecaria, erini asi ndriza Munguni ndreria, eri ovu ayikosi;eri omi asi yini dria yi ma ’ba asi yini okporu yi ebizu Opi vu ’dani; 24#’Yeta 5:14; 6:5erini ovule ’ba onyi be, gazaru Orindi Alatararusi azini a’itasi trerisi. Te ’ba kakau lo’ba yi Opi vu. 25#’Yeta 9:30Te Baranaba fu muzu Tarisoa Sauioni ndazu; 26#Gal 2:11; ’Yeta 26:28; 1 Pet 4:16ka eri isu ’bo, eri ji eri Antiokiaa. Eri eca ’dini, eli alu pi ma alia yi eci yi ti tualu ’ba kanisani be, yi imba,’ba karakarau; ’ba e’do ’ba Yesu vuti bipi ’diyi ma ru omve ’ba Kristoniru okoni Antiokiaa.
27 #
’Yeta 13:1; 15:32 Ewu nderisi nabi esi engazu Yerusalemua ecazu Antiokiaa. 28#’Yeta 21:10’Ba alu yi eselia eri ma ru Agabo, eri so pa uru e’yo ondrizu Orindisi kini tiki amboruni nga ’de angu wudrikuru dria ma alia; eri eca ’dinile ewu Kilaudionisi. 29#Gal 2:10’Ba Yesu vuti bipi ’diyi ’ba asi yini afa feza ti pezu adripi Yudiaa ’diyi vu ekile yi alu aluni ecolerile; 30#’Yeta 12:25yi ’ye ’dini indi, tini pezu ’ba ’wara vu Baranaba pi ma dria Saulo be.
S'ha seleccionat:
’Yeta 11: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.