2 'Ba Korintoa 'Diyi 4
4
1 #
2 Kor 3:6; 1 Kor 7:25 E’yo ’dirisi amani ovuria azi ngaza ’diri be, ekile amani yiki isulerile, ama andeni ku. 2#2 Kor 2:17; 1 Tes 2:5Te ama ga e’yo drinzaru zizaru ’diyi si, ama acini lokirisi ku, ama ojani e’yo Munguni inzo be ku; te amani e’yo adaru ecelerisi, ama ama e’da onyiru asisile ’ba driani vu Mungu ma milia. 3#1 Kor 1:18Te e’yo baru amaniri ka ovu a’buzaru, eri ovu a’buzaru ’ba dri japi ’diyi dri. 4#Ebra 1:3; Efe 2:2; 2 Tes 2:11; Kol 1:15’Ba ’diyisi adrou nyaku ’dirini ofu ’ba a’ipi ku ’diyi ma asisile ma mile efi ra, angu ’iza diza Kristo ovupi wura Munguniri ma e’yo baruniri kazu dizu yi vu ku beni. 5#2 Kor 1:24Te ama oluni ama ngulupi ma e’yo ku, te Kristo Yesu ma e’yo’i, kini eri Opi’i, azini ama’i ama ati’ba emini Yesu ma e’yosi. 6#E’do 1:3; 2 Kor 3:18; Isa 9:1A’disiku Mungu ’yopi, Diza ma di ini alia-ri di asi amani alia ’bo, nita diza Munguni ovupi Yesu Kristo mamiliariniri ma angu ’iza fezu.
Adriza a’itasiri
7 #
2 Kor 5:1; ’Yeta 9:15 Te ama ovu afa aje amboru ’diri be imvu sile odrisi ’diyi ma alia, okpo agapi turi ma ovu ani Munguni, te amaniri’i ku. 8#2 Kor 1:8; 7:5Inza ama e’yo driasi, te ombeni ama ku; fe ama dri asi otiza ra, te asi amani funi ku; 9dro ama vuti okposi ra, te kuni ama ari’ba dri ku; o’be ama va nyakua,te jania ma driku; 10#1 Kor 15:31o’du vusi dria ama fuza yini Yesuni fuzu kairi oji ama ruaa, idri Yesuni ma e’da i ani ama ruaa indi. 11#Rum 8:36A’disi-ku ama’i ovupi idriru ’diyi ovu fezaru o’du dria drata vu Yesu ma e’yosi, idri Yesuni ma e’da i ani rua draza amani ma alia indi beni. 12’Dini drani azi nga okposi ama alia, te idrini emi alia.
13 #
Zab 116:10
Te amani ovuria orindi a’itani ’diri be, ekile e’yoni ovule sizaru kini, Ma a’i ra, ma ’yo ani-rile, ama alu indi ama a’i ra, arua ’yo ani ’di, 14#1 Kor 6:14amani niria eri’i Opi Yesuni engapiri nga ama enga indi Yesu be, azini nga ama e’da emi be eri ma milia. 15#2 Kor 1:3-6E’yo dria ovu emisi, ’yeta anzutiri ezupi tre ’ba kakau ma e’yosiri ma ’ba ani awa’difo fezani i erezu tu diza fezu Mungu dri.
16 #
Efe 3:16
E’yo ’dirisi ama andeni ku, te agu amani amveri ka ’ye dra dra ti, agu amani alealeruri ovu ’bazaru o’diru o’diru o’du dria. 17#Rum 8:17, 18Te inzata amani nzipi ku ovupi o’du werea a’duleri eri ama dri diza nzipi tu ’dani ’dani agapi drile drileri ’ye’i, 18#Ebra 11:1, 3; Kol 1:16amani afa ndrele ra ’diyi luria ku, te afa ndrele ku ’diyi; a’disiku afa ndrele ra ’diyi yi ovu etu ’disi a’dule, te afa ndrele ku ’diyi yi ovu ’dani ’dani.
S'ha seleccionat:
2 'Ba Korintoa 'Diyi 4: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.