2 'Ba Korintoa 'Diyi 13
13
1 #
Azi 17:6; 19:15; Mat 18:16; 1 Tim 5:19 ’Diri pale na mani muzu emi vuri. E’yo driani nga pa so e’yo efupi ’ba e’yo eti nzepi iri kani na ’diyi ma tiliarisi. 2Ma li ndra ’ba e’yo ezapi ’bo’diyi pi ma bilendu ’ba acepi, diyi be dria, ma vini yi ma bilendu li curu’do mani ovuria yi ma eselia yoria, ekile mani ’yele ndra o’du mani ovuzu yi ma eselia pale iri ’dasirile, kini ma ka nga mu dika, ma ngani yi ku asi ndrizasi ku- 3a’disiku emi le Kristo e’yo ’yopi ma aliari ma eceta ni Eri ovuni emi vu okpo kokoru ku, te eri okporu emi alia. 4#Fil 2:7, 8Di ndra eri pati ruaa okpoakosi, te eri ovu di idriru okpo Mungunisi. ’Dini ama ovu okpo kokoru eri alia, he ama nga ovu idriru eri be okpo Mungunisi kpere emi vu.
5 #
1 Kor 11:28
Emi o’bi emi ngulupi, kani emi ovu a’ita ma alia ya. Emi o’bi emi ngulupi ceni. Kani emi nini emi ngulupi ma e’yo, kini Yesu Kristo ovu emi alia indiri ku ya? -ka’dini ku, emi ’ba agapi o’bitasi ku ’diyiru 6Te ma ’ba asi, emi nga ni kini ama ovuni ’ba agapi o’bitasi ku ’diyiru ku. 7Te ama adri Mungu zi kini emi ma ’ye onzi aluni ku--amani lezu ama e’dazu ekile ’ba agapi o’bitasi ra ’diyile ’dini ku, te emi ma ’ye ani ie’Yo ovupi onyiruri, ama ka e’da ekile ’ba agapi o’bitasi ku ’diyile ti. 8#1 Kor 13:6A’disiku ama ovuni okpo be e’yo ’aluni ’yezu e’yo adaruri fuzu ku, te ’e’yo adaruri ma aza kozu. 9’Dini jama ovu ayikosi, ama ka ovu amani lokpo kokoru, te emi emini okpo be. E’yo amani zile Mungu tiari eri ’di’i, emini cazu kililiru kpere tiniri’i. 10#2 Kor 2:3; 10:8, 11E’yo ’disi ma si e’yo ’diyi, mani de ovuria emi eselia yoria, ’dini mani ngaria ovuria emi be indiria, ma ma ’ye okposi okpo Opini fele ma dri emi sizu uru te anzuzu va kurisi lu.
Ezi di emi ci ci ’yozuri
11 #
Fil 4:4; Rum 15:33 E’yo asizuri ’di, ma adripi, ma zi di emi ci ci. Emi ma ede di e’yoi emini kililiru, emi ma a’i asi omiza ’diri fo, emi ma ovu asi alusi, emi ma ovu asi anzuru be, te Mungu leta avasirini azini asi anzuruniri nga ovu emi be. 12#1 Kor 16:20Emi zi emi emi eselia o’deza ava alatararunisi. 13’Ba alatararu dria zi emi ci ci.
14’Yeta anzutiri Opi Yesu Kristoni pi, ale Munguni pie, ti ecita Orindi Alatararuni pie, ma ovu emi be dria.
S'ha seleccionat:
2 'Ba Korintoa 'Diyi 13: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.