1 'Ba Korintoa 'Diyi 5
5
Eyo liza ali ’bazasiri
1 #
Azi 22:30; Lev 18:7, 8 E’yo ku adaru kini ali ’baza ovu emi eselia indi, te ali ’baza ’di ’dileri ovuni ’ba jururu ma eselia ku; kini ’ba azini ovu oku i atini be. 2Te emi ovu afuru! Emi ovuni candisi, ’ba e’yo ’diri ’yepiri nzezu emi eselia ani ra ’dini ku.
3 #
Kol 2:5
Te ma’i, ada, mani ovuria emi eselia rua be yo ti, te ovuria emi be indi orindisi, ma li ’ba e’yo ’dini ’diri ’yepiri ma e’yo ’bo, ekile ma ovu indirile, 4#Mat 16:19; 18:18; 2 Kor 13:10Opi amani Yesu ma rusi, emini emi okuria tualu, de orindi mani indi, azini Opi amani Yesu Kristo ma okpo vini indi, 5#1 Tim 1:20; 1 Pet 4:6emi ma fe ’ba ’dinileri Satani dri ruani dri jazu, orindini ma nga i pa ani o’du Opi Yesuniri ma alia beni.
6 #
Gal 5:9
Emini ovuzu afu beri ovuni onyiru ku. Emi nini ku, akufi gakandiari fe mikate atiza aluni pizu dria ya? 7#Efu 12:5, 21; 13:7; Isa 53:7; 1 Pet 1:19Emi ma nze akufi okuri, eco emini ovuzaru mikate atiza o’diru, ekile emini ovule akufi kokorurile. A’disiku ede edeta omu agaza ’ba drilesi amanirini ’bo, eri Kristo’i. 8#Efu 13:7; 12:3-20; Azi 16:3E’yo ’dirisi ama ma ’ba omu nderi akufi okurisi ku, kani akufi asi onzi pinisi e’yo onzi be ’dini ku, re mikate akufi kokoru e’yo lokiri kokoru pinisi e’yo adaru be.
9 #
Mat 18:17; 2 Tes 3:14 Ma si ndra e’yo emi vu waraga mani ma alia kini emi ma eci emi ovuzu ’ba ali o’bapi ’diyi be ku; 10efini kini emi ma eci emi ’ba wudrikuru ’diria ali o’bapi ’diyi pi be aluani ku ’dini ku, kani ’ba li ’bapi ’ba azi ma afasi ’diyi pie, kani ’ba ’ba azi ma afa pamvu ripi nyapi okposi ’diyi pie, kani ’ba wura inzile inziri inzipi ’diyi pie dria, kini emi ma eci emi yi be aluani ku ’dini ku; ka adri, dinile emi ma fu angu wudrikuruarisi amve ka. 11#2 Tes 3:6; Tit 3:10; 2 Yoh 1:10Te ma si e’yo emi vu kini ’ba omvele adripiru ka adri ’ba ali o’bapiriru, kani ’ba li ’bapi ’ba azi ma afasiriru, kani ’ba wura inzile inziri inzipiriru, kani ’ba ’ba o’dapiriru, kani ’ba ewa mvupiriru, kani ’ba ’ba azi ma afa pamvu ripiriru--emi ma eci emi ’ba ’dinileri be ku kpere nyaka nyaria indi. 12#Mar 4:11’Ba amveleru ’diyi ma e’yo lizuri ovu e’yo mani ngoni ya? Emi lini ’ba kanisa ma alia ’diyi ma e’yo’i ku ya? 13#Azi 13:5; 17:7; 22:24Te Munguni ’ba ovupi amveleru, diyi ma e’yo lini. Emi ma ofu ’ba onzi ’yepiri emi eseliasi ra.
S'ha seleccionat:
1 'Ba Korintoa 'Diyi 5: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.