मरकुस 3
3
सुके दे अथ्थ आले मानु दा चंगा ओना
1ते यीशु पी युदियें दा बसां दा देन प्रार्थनाकार च गीया। उत्थें एक मनुक्ख हा जेदा अथ्थ सुक्की गेदा हा। 2ते केश फरीसी ओदे उपर दोष लाने बासतै ओदी तकर च लग्गे दे हे के दिखनयां, के यीशु बसां दे देन उसी चंगा करदा ऐ यां नेई। 3ओसने सुके अथ्थ आले मनुक्ख गी आखया, “उठ, सारें दे बेच खड़ोई जा।” 4ओ मानु खडोता ते यीशु ने उनेंगी गलाया जेड़े ओदे खलाफ हे, “के बसां दे देन पला करना ठीक ऐ यां बुरा करना, प्राण गी बचाना यां मारना ठीक ऐ?” पर उनै कोई जबाब नेई दित्ता। 5ते ओसने उन्दे मन दी कठोरता दुखी ओईयै, उनेंगी गुस्सै च चारें पासे दिखया, ते ओस मनुक्ख गी आखया, “अपना अथ्थ बदा।” ओसने बदाया, ते ओदा अथ्थ चंगा ओई गीया। 6ओसबेलै फरीसी बार जाईयै तौलै गै यीशु दे खलाफ हेरोदियें दे कन्ने सलहा करन लगे के उसी कियां मारचै।
पीड दा यीशु कोल औना
7ओदे बाद यीशु अपने चेलें कन्ने चील आले पासेगी लोकें कोलां दूर चली गीया ते गलील जिले दे लोकें दी एक बड़ी पीड ओदे पिछें आई गेई।
8ते यहूदीया जिला, ते यरूशलेम शैर, ते इदूमिया जिला, ते यरदन नदी दे पार, ते सूर ते सैदा दे आसे-पासे दी एक बड़ी पीड ए सुनीयै के यीशु कियां चमत्कार दे कम करदा ऐ ओदे कोल आए।
9ते ओसने चेलें गी आखया, “पीड दे कारन एक निकी किशती मेरे लेई त्यार करो तां जे ओ मिगी केरी नेई लैंन।” 10किके ओनें मते लोकें गी चंगा कित्ता हा; एसकरी जिन्नें लोक रोगें मारे दे हे, ओ उसी छुने आसतै ओदे अगें पीडै दी पीड किरी पौंदी ही।
11अशोद्ध आत्मा बी, जेलै उसी दिखदी हियां, तां ओ बी ओदे अग्गें चुगी जंदियां हां, ते करलाईयै आखदियां हां के तुं परमेसर दा पुत्तर ऐं। 12ते ओसने दुष्ट आत्में गी जोर परियै आखया के मेरे बारै च कुसे गी नेई सनायो,
यीशु थमां बारां चेलें गी चुननां
13पी ओ पाड उपर चढ़ी गीया ते जिन्नें गी ओ चांदा हा उनेंगी अपने कोल बलाया; ते ओ ओदे कोल आए। 14पी ओनें उन्देचा बारह प्रेरिते गी चुनयां के ओ उन्दे कन्ने-कन्ने रौन, ते ओ उनेंगी पेजन के ओ प्रचार करन, 15ते दोष्टआत्मायें गी कढने दा अख्त्यार रखन।
16ते पी ओ बारां चेलें जिनेंगी यीशु ने चुनयां; शमौन, जेदा नां ओसने पतरस रखया ओदा निक्का प्रा अन्द्रियास, 17ते जब्दी दा पुत्तर याकूब, ते याकूब दा निक्का प्रा यूहन्ना जेदा नां ओनें बुअनरगिस मतबल लोक जेड़े आला लेखा।
18ते अन्द्रियास, ते फिलिप्पुस, ते बरतुल्मै, ते मत्ती, ते थोमा, ते हलफई दा पुत्तर याकूब, ते तद्दै, ते शमौन कनानी जेड़ा रोमी सरकार गी खत्म चांदा हा। 19ते यहूदा इस्करियोती, जेस ने उसी पकडाई बी दित्ता।
यीशु ते बालजबूल
20पी ओ कफरनहूम च अपने कार आया ते ऐसी बड़ी पीड किठी ओई गेई के ओ रुट्टी बी खाई नेई सके। 21जेलै यीशु दे कार दे लोकें ए सुनया के यीशु इत्त्थैं आएदा ऐ, ते ओ उसी पकड़ने बासतै निकले, किके ओ आखदे हे के ओदा चेत ठकाने नेई ऐ।
22शास्त्री बी जेड़े यरूशलेम च आए दे हे, ए बोलदे हे, “ओदे च शतान ऐ,” ते एबी के “ओ दोष्टआत्मायें दे प्रधान दी मदत कन्ने दोष्टआत्मायें गी कढदा ऐ।”
23ते यीशु ने उनेंगी अपने कोल बलाईयै उन्दे कन्ने मसालें च बोलन लगया, “शतान कियां शतान गी ते अपनी दोष्टआत्में दे खलाफ ओईयै उनेंगी कढी सकदा ऐ? 24जेकर इकै देश दे लोक अप्पुं बिचें लड़न लग्गी पौन, तां ओ देश कियां ठीक रेई सकदा ऐ? 25ते जेकर कुसे कर च फोट पेई जा, तां ओ कर कियां चली सकग? 26ते जेकर शतान अपने गै खलाफ खड़ोई जा ते अपने च गै फोट पा, तां के ओदा राज बनी रेई सकदा ऐ? ओदा तां ऐन्त गै ओई जाग!
27“लेकन कोई मनुक्ख कुसे तकड़े मानु दे करै बेच जाईयै ओसदा माल नेई लूटी सकदा, जदू तकर के ओ पैलैं ओस तकड़े मानु गी नेई बन्नी लै; एदे बाद गै ओ पी ओस कर गी लूटी सकदा ऐ।”
28“आऊँ तुसेंगी सच-सच आखना ऐं मानुऐं दी औलाद दे सारे पाप ते निन्दक जेड़े ओ करदे न, माफ़ कित्ते जाग, 29लेकन जेड़ा कोई पवित्र आत्मा दे खलाफ निंदया करग, ओ कदें बी माफ़ नेई कित्ता जाग किके ओ पवित्र आत्मा गी दोष लांदे हे, यनिके ओ मेशा लेई पाप दा कसुरबार आखया जाग।” 30किके ओ ए बोलदे हे के यीशु च अशोद्ध आत्मा ऐ।
यीशु दी माता ते प्रा
31यीशु दी माता ते ओदे निक्के प्रा आए, ते बार खडोईयै उसी बलाने गी पेजया। 32ते पीड ओदे आसे-पासे बैठी दी ही, ते उनै उसी आखया, “देख्ख, थूआडी माता ते थुआड़े निक्के प्रा बार तुसेंगी बुला करदे न।”
33ओसने उनेंगी जबाब दिता, “मेरी मा ते मेरे प्रा कोन न?” 34ईसतुं बाद जेड़े ओदे आसे-पासे बैठे दे हे, उन्दे आले पासे दिखियै आखया, “दिखो, मेरी माता ते मेरे निक्के प्रा ए न। 35किके जेड़ा कोई परमेसर दी मरजी दे उपर चलग, उवै मेरा प्रा, ते मेरी पैन, ते मेरी माता ऐ।”
S'ha seleccionat:
मरकुस 3: DOG
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
This work is licensed under Creative Commons Attribution-ShareAlike 4.0 License.