Loma 16
16
Lwimu lwa kwimuna bipwilo
1Na mulumbulula nyenga yetu Fibe, namba ye wamwingilo wa mu kipwilo kya mu Kenkelea. 2Namba mu mutambule bulongo mwi Nkambo mwafwainwa bazhijikwa, ne kumukwasha mu byonse byo akakajilwa, mambo ne aye naye wibakwashishenga bavula, ne amiwa mwine pamo.
3 #
Byu 18:2
Bemunai ba Pilisila ne Akwila, bakwetu bo ng'ingila naabo ba mwi Kilishitu Yesu; 4bo baswile kutapwa na mambo a mweo wami. Kechi amiwa yenka mbena kusanta ne, nanchi ne bipwilo byonse bya Bangentila pamo. 5Imunai ne kipwilo kiji mu nzubo yabo.
Imunai ne mutemwe wami Epanetusa, aye ye kipangwa kitanshi kya mu Asha kya kwa Kilishitu. 6Imunai ne Maliya, yenka wimwingijilenga kyakosa. 7Bemunai ne ba Andelonyikusa ne Yunyiasa,#16:7 Yunyia: nangwa amba Yunyiasa.amo mabuku muji amba Yulia balongo bami, botwakashilwe naabo pamo, bo bayukanyikwa bulongo ku batumwa, bo batanshi baitabijile mwi Kilishitu, amiwa kasa nkyangye.
8Mwimunai ne Ampilyatusa mutemwe wami mwi Nkambo. 9Imunai Ulabanusa mukwetu mu mwingilo wa mwi Kilishitu, ne Satakisa mutemwe wami. 10Imunai Apelesa ye waitabilwa mwi Kilishitu. Imunai ne ba munzubo ya Alisatobulusa. 11Imunai ne Helodyona mulongo wami. Bemunai ne baji mu nzubo ya Nakisusa, baji mwi Nkambo.
12Bemunai ba Tilifena ne Tilifosa bengila mwi Nkambo. Imunai ne Pelesisi mutemwe, ye waingijilenga kyakosa mwi Nkambo. 13#Mako 15:21 Imunai Lufusa wasalululwa mwi Nkambo, ne inanji, ye waikala kwi amiwa ke mama. 14Bemunai ba Asinyikilitusa, ne Felegonyi, ne Helimesa, ne Patilobasi, ne Helimasa, ne balongo bo baji naabo. 15Imunai ba Filologusa, ne Yulya, ne Neleusa, ne nyenga yanji, ne Olimpasa, ne bazhijikwa bonse bo baji naabo.
16Iimunai anweba bene na lwimu lwazhila. Bipwilo byonse bya Kilishitu bimwimuna.
Bya kwibafunda byapelaako
17Anweba bakwetu, ne musashijila namba, batajishai aba baleeta lwabano ne bintu byabula kwesakana na mafunjisho o mwafunjile; mwabane naabo. 18Mambo ba byonkabyo kechi bamwingijila Nkambo yetu Kilishitu ne, bengijila munda mwabo abo bene, kabiji na byambo byabo bya mulambisha ne kuwama beyongola michima ya babula kujimuka. 19Mambo lukookelo lwenu lwaya nkuwa ku bantu bonse, byonkabyo nasekela bingi na mambo anweba. Kabiji nasaka namba mwikale bamaana mu byawama, kabiji mwikale babula bujimuku mu byatama. 20Ne aye Lesa wa mutende ukamuchakakanya Satana munshi ya maulu enu palutwe kacheche.
Bupe bwa Nkambo yetu Yesu Kilishitu bwikale ne anweba.
21 #
Byu 16:1
Timoti mukwetu mu mwingilo wimwimuna; ne Lukiusa ne Yasona ne Sosipata, balongo bami, nabo bemwimuna, 22Amiwa Teletiusa, wanemba byaamba Paulo, nemwimuna monka mwi Nkambo. 23#Byu 19:29; 1 Ko 1:14; 2 Tim 4:20Ngayusa, mwine ye nafikilako, ne kipwilo kyonse pamo, bemwimuna. Elasatusa, kalama wa muzhi, wimwimuna, ne Kwalitusa mulongo wetu pamo. 24Bupe bwa Nkambo yetu Yesu Kilishitu bwikale ne anweba bonse. Amena.#16:24 Amo ma buku a mu Kigiliki kechi aji na veleshi 24 Bupe bwa Nkambo yetu Yesu Kilishitu bwikale ne anweba bonse. Amena Akwabo babika bino kumpelo ya veleshi 27.
Milombelo yapelaako ya lutotelo
25Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala. 26Pakuba pano, kyasololwa, kabiji kyayukanyikwa mu binembelo bya bangauzhi, monka mwayila mukambizho wa Lesa wa myaka yonse, amba bonse Bangentila belukokele lwitabilo. 27Kwi Lesa, yenka wa maana, kwikale lukumo monka mwi Yesu Kilishitu, myaka ne myaka. Amena.#16:27 Amo ma buku a mu kigiliki muji veleshi 25-27 muno panyuma ya veleshi 14:23; akwabo panyuma ya 15:33.
S'ha seleccionat:
Loma 16: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.