Byubilo 18
18
Paulo byo ajinga mu Kolinda
1Kabiji pakupita bibye aye wafumine ku Atene ne kuya ku Kolinda. 2Kabiji wataineko mu Yudea umo, jizhina janji Akwila, wasemekelwe mu Pontusa, po po aki fuminetu ku Italya, ne mukazhanji Pilisila, mambo Kaludiusa wakambiizhe amba, Bayudea bonse bafume mu Loma. Ne aye Paulo wayile na kwibamona. 3Kabiji waikajile ne kwingila naabo pamo, mambo ne aye wajinga na busendwe pamo nobe abo, bwa kuluka matente. 4Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.
5Kabiji byo baishile ba Silasa ne Timoti, kufuma ku Makedonya, Paulo wapaine kimye kyanji kyonse na kusapwila, kasa ebabujisha Bayudea amba Yesu ye Kilishitu. 6Kabiji byo bakanyishetu na lupata ne kumuba mwenga, aye wakunchile lukungu ku bivwalo byanji ne kwibambila amba, “Mashi enu ekale pa mitwe yenu anweba bene, amiwa nabinga kufuma ku ja leelo nkaya ku Bangentila.”
7Ne aye wafumineko ne kuya ku nzubo ya muntu umo jizhina janji Titusa Yusitusa, wapopwelanga Lesa. Nzubo yanji yalamankene na shinagoga. 8Kilishipusa, mukulumpe wa shinagoga, wamwitabijile Nkambo ne ba munzubo yanji bonse pamo; ne bavula bena Kolinda byo ba umvwine mambo baitabijile ne kubatizhiwa.
9Ne Nkambo wamwambijile Paulo bufuku mu kimwesho amba, “Kuuba moyo ne, ambangatu na kuchinchika, 10mambo amiwa nji ne obewa, kafwako muntu ukakuuba kyatama ne, mambo bavula baji mu yeuno muzhi bo bantu bami.” 11Ne aye waikajileko mwaka umo ne bang'ondo batanu na umo, na kwibafunjisha mambo a Lesa.
12Pakuba Galio, byo ajinga mukulumpe wa kyalo kya Akaya, Bayudea baishile pamo na kumulwisha Paulo, kabiji bamutwajile ku kije. 13Ne kwamba amba, “Uno muntu ubena kukanjikizha bantu amba, bapopwele Lesa mwabula kuyila mizhilo!”
14Pakuba Paulo byo asakile kwamba, Galio wibambijile Bayudea amba, “Inge aji mambo akuuba bintu byatama nangwa a kulenga mambo, abyo inge naji kwimutekenya anweba Bayudea namba nemumvwe. 15Pakuba byo aji mepuzho a byambo ne a mazhina ne a mizhilo yenu, apwishai anweba bene; amiwa kechi naswa kwimuchibilao ne!” 16Ne aye wibapangile mukije, 17Ponkapo bonse bakwachile Sositenesa, mukulumpe wa shinagoga, ne kumupumina konka ku meso a kije. Bino aye Galio kechi wateleko muchima ku byobya ne.
Paulo byo abwelele ku Antioka
18 #
Bala 6:18
Kabiji Paulo waikajileko moba avula, wibashajikilepo balongo, ke lwendo lwa mu bwato kuya ku Silya pamo ne ba Pilisila ne Akwila. Kasa atenda kala nsuki yanji mu Kenkelea; mambo a luchipo lwanji.#18:18 Mambo a luchipo lwanji: kino kibena kutongola kisela kya bena Isalela kya kutenda nsuki amba ko kayukilo kamwesha amba walama luchipo 19Kabiji byo afikile ku Efisesa waabene naabo, bino aye mwine wakatwelele mu shinagoga ka aipuzhang'ane naabo Bayudea. 20Kabiji byo bamusakile amba abandeko, aye kechi waswile ne. 21Bino pa kwibashajikapo, aye wibalayile amba, “Nkabwela ko muji umvwe aye Lesa waswa.” Kabiji wafumineko ku Efisesa na bwato.
22Kabiji byo afikile ku Kesalea, wayile na kwimuna kipwilo, kabiji ponkapo wakunkulukijile ku Antioka. 23Byo aikajileko bimye bimo wafumineko, wakapichile mu kyalo kya Ngalatiya ne Filigya, monka mo ya londankena mizhi na kukosesha baana babwanga bonse.
Apolosa byo ajinga mu Efisesa ne mu Kolinda
24Pano umo mu Yudea jizhina janji Apolosa, wa ku Alekesandiliya, waishile ku Efisesa wajinga wafunda bingi, kabiji wajinga wa bulume mu binembelo, wayukile binembelo kya kine kine. 25Uno wafunjishiwe mwayila jishinda ja Nkambo. Kabiji byo ajinga na muchima walupata, wa ambilenga ne kufunjisha bulongo bintu bya kwa Yesu, nangwa wayukiletu lonkalwa lubatizhilo lwa kwa Yoano. 26Watatwile kwamba na kuchinchika mu shinagoga. Kabiji byo bamumvwine ba Pilisila ne Akwila, bamutwajile kwabo, ne kumulumbulwila bulongo mwayila jishinda ja Lesa. 27Kabiji Apolosa wasakile kwabukila mu Akaya, balongo bamukoseshe, ne kumunembela nkalata ya ku baana babwanga amba, bakamutambule. Byo afikileko wibakwashishe bingi aba baitabijile na mambo a bupe bwa Lesa. 28Mambo aye wibashinkishe bulaka Bayudea na bulume, ku meso a bantu pa kwibamwesha na binembelo amba Yesu ye Kilishitu.
S'ha seleccionat:
Byubilo 18: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Byubilo 18
18
Paulo byo ajinga mu Kolinda
1Kabiji pakupita bibye aye wafumine ku Atene ne kuya ku Kolinda. 2Kabiji wataineko mu Yudea umo, jizhina janji Akwila, wasemekelwe mu Pontusa, po po aki fuminetu ku Italya, ne mukazhanji Pilisila, mambo Kaludiusa wakambiizhe amba, Bayudea bonse bafume mu Loma. Ne aye Paulo wayile na kwibamona. 3Kabiji waikajile ne kwingila naabo pamo, mambo ne aye wajinga na busendwe pamo nobe abo, bwa kuluka matente. 4Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.
5Kabiji byo baishile ba Silasa ne Timoti, kufuma ku Makedonya, Paulo wapaine kimye kyanji kyonse na kusapwila, kasa ebabujisha Bayudea amba Yesu ye Kilishitu. 6Kabiji byo bakanyishetu na lupata ne kumuba mwenga, aye wakunchile lukungu ku bivwalo byanji ne kwibambila amba, “Mashi enu ekale pa mitwe yenu anweba bene, amiwa nabinga kufuma ku ja leelo nkaya ku Bangentila.”
7Ne aye wafumineko ne kuya ku nzubo ya muntu umo jizhina janji Titusa Yusitusa, wapopwelanga Lesa. Nzubo yanji yalamankene na shinagoga. 8Kilishipusa, mukulumpe wa shinagoga, wamwitabijile Nkambo ne ba munzubo yanji bonse pamo; ne bavula bena Kolinda byo ba umvwine mambo baitabijile ne kubatizhiwa.
9Ne Nkambo wamwambijile Paulo bufuku mu kimwesho amba, “Kuuba moyo ne, ambangatu na kuchinchika, 10mambo amiwa nji ne obewa, kafwako muntu ukakuuba kyatama ne, mambo bavula baji mu yeuno muzhi bo bantu bami.” 11Ne aye waikajileko mwaka umo ne bang'ondo batanu na umo, na kwibafunjisha mambo a Lesa.
12Pakuba Galio, byo ajinga mukulumpe wa kyalo kya Akaya, Bayudea baishile pamo na kumulwisha Paulo, kabiji bamutwajile ku kije. 13Ne kwamba amba, “Uno muntu ubena kukanjikizha bantu amba, bapopwele Lesa mwabula kuyila mizhilo!”
14Pakuba Paulo byo asakile kwamba, Galio wibambijile Bayudea amba, “Inge aji mambo akuuba bintu byatama nangwa a kulenga mambo, abyo inge naji kwimutekenya anweba Bayudea namba nemumvwe. 15Pakuba byo aji mepuzho a byambo ne a mazhina ne a mizhilo yenu, apwishai anweba bene; amiwa kechi naswa kwimuchibilao ne!” 16Ne aye wibapangile mukije, 17Ponkapo bonse bakwachile Sositenesa, mukulumpe wa shinagoga, ne kumupumina konka ku meso a kije. Bino aye Galio kechi wateleko muchima ku byobya ne.
Paulo byo abwelele ku Antioka
18 #
Bala 6:18
Kabiji Paulo waikajileko moba avula, wibashajikilepo balongo, ke lwendo lwa mu bwato kuya ku Silya pamo ne ba Pilisila ne Akwila. Kasa atenda kala nsuki yanji mu Kenkelea; mambo a luchipo lwanji.#18:18 Mambo a luchipo lwanji: kino kibena kutongola kisela kya bena Isalela kya kutenda nsuki amba ko kayukilo kamwesha amba walama luchipo 19Kabiji byo afikile ku Efisesa waabene naabo, bino aye mwine wakatwelele mu shinagoga ka aipuzhang'ane naabo Bayudea. 20Kabiji byo bamusakile amba abandeko, aye kechi waswile ne. 21Bino pa kwibashajikapo, aye wibalayile amba, “Nkabwela ko muji umvwe aye Lesa waswa.” Kabiji wafumineko ku Efisesa na bwato.
22Kabiji byo afikile ku Kesalea, wayile na kwimuna kipwilo, kabiji ponkapo wakunkulukijile ku Antioka. 23Byo aikajileko bimye bimo wafumineko, wakapichile mu kyalo kya Ngalatiya ne Filigya, monka mo ya londankena mizhi na kukosesha baana babwanga bonse.
Apolosa byo ajinga mu Efisesa ne mu Kolinda
24Pano umo mu Yudea jizhina janji Apolosa, wa ku Alekesandiliya, waishile ku Efisesa wajinga wafunda bingi, kabiji wajinga wa bulume mu binembelo, wayukile binembelo kya kine kine. 25Uno wafunjishiwe mwayila jishinda ja Nkambo. Kabiji byo ajinga na muchima walupata, wa ambilenga ne kufunjisha bulongo bintu bya kwa Yesu, nangwa wayukiletu lonkalwa lubatizhilo lwa kwa Yoano. 26Watatwile kwamba na kuchinchika mu shinagoga. Kabiji byo bamumvwine ba Pilisila ne Akwila, bamutwajile kwabo, ne kumulumbulwila bulongo mwayila jishinda ja Lesa. 27Kabiji Apolosa wasakile kwabukila mu Akaya, balongo bamukoseshe, ne kumunembela nkalata ya ku baana babwanga amba, bakamutambule. Byo afikileko wibakwashishe bingi aba baitabijile na mambo a bupe bwa Lesa. 28Mambo aye wibashinkishe bulaka Bayudea na bulume, ku meso a bantu pa kwibamwesha na binembelo amba Yesu ye Kilishitu.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.