Byubilo 17
17
Kiwowo kyajinga mu Tesalonika
1Paulo ne Silasa bapichile mu Amafipolisa ne Apolonya, baishile ku Tesalonika, ko kwajinga shinagoga ya Bayudea. 2Kabiji monka mwayijile kisela kyanji aye Paulo watwelelenga mu mashinagoga mo bajinga, wisambilenga naabo mu binembelo moba a sabado asatu, 3kasa ebilumbulula ne kwibambila amba, kyafwainwe Kilishitu kumanama, ne kusanguka mu bafu. Kabiji amba, “Uno Yesu yenka, ye mbena kwimusapwila ye Kilishitu.” 4Ne bamo baitabijile kabiji bebikile kwi ba Paulo ne Silasa, mwi abo mwajinga jibumba jikatampe ja Bagiliki bapopwejilenga Lesa, ne banabakazhi bashing'ama nabo kechi bacheche ne. 5Pakuba Bayudea baubile kichima, kabiji bakaletele bamo ba malofwa batama, bamu kisankanyi ne pa kupwizha pamo jibumba, babushishe kiwowo kikatampe mu muzhi, kabiji bavulumukijile nzubo ya kwa Yasona amba bebalupwile ku bantu. 6Kabiji byo babujile kwibatanamo, bakokele Yasona ne balongo bamo bakwabo ku bakulumpe bamuzhi, babijikishe amba, “Bano bakuvumika ntanda baiya ne kuno, 7ne aye Yasona wibatambula. Kabiji bano bonse babena kuzhilulula mizhilo ya kwa Kesala, amba koaji mfumu ungi wa jizhina ja Yesu.” 8Ponkapo balukushishe michima ya jibumba ne ya bakulumpe bamuzhi, byo ba umvwine bino bintu. 9Kabiji byo batambwile mali kwi Yasona ne bakwabo a kwibalamwinako, bebalekele ke baye.
Paulo ne Silasa byo bajinga mu Beliya
10Ponkapo balongo batumine ba Paulo ne Silasa bufuku ku Beliya. Kabiji abo byo bafikileko batwelele mu shinagoga ya Bayudea. 11Bino bano Bayudea bakijile bena Tesalonika mushingi byo batambwile mambo na maboko abiji, ne kupima binembelo pa juba pa juba amba bamone kana bya ambilenga Paulo bya kine. 12Onkao mambo bavula ba mwi abo baitabijile, banabakazhi Bagiliki bashing'ama ne banabalume bavula. 13Bino Bayudea ba ku Tesalonika pakumvwa amba Paulo ubena kusapwila mambo a Lesa ne mu Beliya, baishile monka ne kwiavulumuna mabumba ne kwialukusha. 14Ponkapotu balongo bamwimenye Paulo amba afike ne ku kalunga ka mema, bino ba Silasa ne Timoti bashajile konka. 15Kabiji aba bamutwajile Paulo bamufikizhe ku Atene, ne byo babwelelenga aye Paulo wibakambizhe amba, Silasa ne Timoti bafwainwa kwiya ko aji bukiji.
Paulo byo ajinga mu Atene
16Bino aye Paulo, byo ebapembelejilenga ba Timoti ne Silasa ku Atene, kyamukolele ku muchima wanji byo amwene muzhi wayula na bankishi. 17Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba. 18Kabiji bamo bena Epikyulya ne bena Sitoiki batemwa maana, basambakene nanji. Kabiji bamo ba ambile amba, “Uno kyabauki ambe ka?”
Bakwabo amba, “Wauba nobe usapwila balesa bangi.” Mambo aye wasapwijilenga Mambo Awama a Yesu ne lusanguko lwa bafu. 19Ponkapo bamukwachile ne kumutwala ku Aleopagusa#17:19 Aleopagusa yanji mpunzha kwa sambakenanga kije kya muzhi. amba, “Tuyuke molwayila luno lufunjisho lupya, lomubena kufunjisha anweba. 20Mambo mubena kuleeta bintu bimo bipya mu matwi etu, kyotwasakila kuyuka mo byayila.” 21(Mambo bonse bena Atene ne benyi baikalangako kechi batayanga kimye mukuuba kintu kingi ne, kana mu kwamba nangwa kumvwa bintu bipya.)
22Ponkapo Paulo waimene mukachi ka kije kya Aleopagusa ne kwamba amba, “Anweba bena Atene, mu bintu byonse namona byo mwakizhamo kupandawila ba lesa. 23Mambo byo nabapitenga ne kumona bintu byo mupopwela, nataine kipandawilo panembwa amba, ‘KWI LESA WABULA KUYUKANYIKWA.’ Nanchi aye ye mupopwela kwakubula kumuyuka, iye ye mbena kwimusapwila. 24#1 Mfu 8:27; Isa 42:5; Byu 7:48Lesa yenkaye walengele ntanda ne byonsetu bijimo, byo aji Nkambo wa mwiulu ne panshi, kechi wikala mu mazubo o bashimika na maboko a bantu ne. 25Nangwa kwingijilwa na maboko a bantu nobe wakajilwa kintu ne, byo aji mwine upana mweo ne muuya ku bonse, ne bintu byonse. 26Kabiji walengele ku umo mikoka yonse ya bantu bekala pano pantanda ponse, ne kwibatongwela myaka yabo, ne mipaka ya kwikalamo. 27Amba bamukebe Lesa, kana kampe bakapapaate na kumukeba ne kumutaana, kabiji byonkabyo kechi uji kwalepa ne atweba bonse ne;” 28mambo
Mwi aye mo motumwena bumi bwetu, mo motupitang'ena, mo motwikela.
Monka mo ba ambijile bamo benu banembele nyimbo amba,
Mambo atweba twi bamu kisaka kyanji.
29Byonkabyo byo tuji ba mukisemi kya Lesa, kechi twafwainwa kulanguluka amba, bu Lesa bwapashang'ana na ngolode, nangwa na siliva, nangwa na jibwe, byo basonga na busendwe ne maana a bu muntu ne. 30Kabiji aya myaka bantu ya bulubi, Lesa wiileka, pakuba pano ubena kukambizha bantu bonse konse amba balapile ne kufuma ku mashinda abo atama. 31Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!
32Kabiji byo ba umvwine mambo a lusanguko lwa mu bafu, bamo kebamuseke mwenga, kabiji bakwabo amba, “Twasaka kumvwa ne jikwabo ano mambo.” 33Kepo Paulo alupukile mo bajinga. 34Pakuba banabalume bamo belamikile kwi aye ne kwitabila, mwi abo mwajinga ba Dionisiusa wa mukije kya Aleopagusa, ne mwanamukazhi jizhina janji Damalisa, ne bakwabo bamo.
S'ha seleccionat:
Byubilo 17: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.
Byubilo 17
17
Kiwowo kyajinga mu Tesalonika
1Paulo ne Silasa bapichile mu Amafipolisa ne Apolonya, baishile ku Tesalonika, ko kwajinga shinagoga ya Bayudea. 2Kabiji monka mwayijile kisela kyanji aye Paulo watwelelenga mu mashinagoga mo bajinga, wisambilenga naabo mu binembelo moba a sabado asatu, 3kasa ebilumbulula ne kwibambila amba, kyafwainwe Kilishitu kumanama, ne kusanguka mu bafu. Kabiji amba, “Uno Yesu yenka, ye mbena kwimusapwila ye Kilishitu.” 4Ne bamo baitabijile kabiji bebikile kwi ba Paulo ne Silasa, mwi abo mwajinga jibumba jikatampe ja Bagiliki bapopwejilenga Lesa, ne banabakazhi bashing'ama nabo kechi bacheche ne. 5Pakuba Bayudea baubile kichima, kabiji bakaletele bamo ba malofwa batama, bamu kisankanyi ne pa kupwizha pamo jibumba, babushishe kiwowo kikatampe mu muzhi, kabiji bavulumukijile nzubo ya kwa Yasona amba bebalupwile ku bantu. 6Kabiji byo babujile kwibatanamo, bakokele Yasona ne balongo bamo bakwabo ku bakulumpe bamuzhi, babijikishe amba, “Bano bakuvumika ntanda baiya ne kuno, 7ne aye Yasona wibatambula. Kabiji bano bonse babena kuzhilulula mizhilo ya kwa Kesala, amba koaji mfumu ungi wa jizhina ja Yesu.” 8Ponkapo balukushishe michima ya jibumba ne ya bakulumpe bamuzhi, byo ba umvwine bino bintu. 9Kabiji byo batambwile mali kwi Yasona ne bakwabo a kwibalamwinako, bebalekele ke baye.
Paulo ne Silasa byo bajinga mu Beliya
10Ponkapo balongo batumine ba Paulo ne Silasa bufuku ku Beliya. Kabiji abo byo bafikileko batwelele mu shinagoga ya Bayudea. 11Bino bano Bayudea bakijile bena Tesalonika mushingi byo batambwile mambo na maboko abiji, ne kupima binembelo pa juba pa juba amba bamone kana bya ambilenga Paulo bya kine. 12Onkao mambo bavula ba mwi abo baitabijile, banabakazhi Bagiliki bashing'ama ne banabalume bavula. 13Bino Bayudea ba ku Tesalonika pakumvwa amba Paulo ubena kusapwila mambo a Lesa ne mu Beliya, baishile monka ne kwiavulumuna mabumba ne kwialukusha. 14Ponkapotu balongo bamwimenye Paulo amba afike ne ku kalunga ka mema, bino ba Silasa ne Timoti bashajile konka. 15Kabiji aba bamutwajile Paulo bamufikizhe ku Atene, ne byo babwelelenga aye Paulo wibakambizhe amba, Silasa ne Timoti bafwainwa kwiya ko aji bukiji.
Paulo byo ajinga mu Atene
16Bino aye Paulo, byo ebapembelejilenga ba Timoti ne Silasa ku Atene, kyamukolele ku muchima wanji byo amwene muzhi wayula na bankishi. 17Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba. 18Kabiji bamo bena Epikyulya ne bena Sitoiki batemwa maana, basambakene nanji. Kabiji bamo ba ambile amba, “Uno kyabauki ambe ka?”
Bakwabo amba, “Wauba nobe usapwila balesa bangi.” Mambo aye wasapwijilenga Mambo Awama a Yesu ne lusanguko lwa bafu. 19Ponkapo bamukwachile ne kumutwala ku Aleopagusa#17:19 Aleopagusa yanji mpunzha kwa sambakenanga kije kya muzhi. amba, “Tuyuke molwayila luno lufunjisho lupya, lomubena kufunjisha anweba. 20Mambo mubena kuleeta bintu bimo bipya mu matwi etu, kyotwasakila kuyuka mo byayila.” 21(Mambo bonse bena Atene ne benyi baikalangako kechi batayanga kimye mukuuba kintu kingi ne, kana mu kwamba nangwa kumvwa bintu bipya.)
22Ponkapo Paulo waimene mukachi ka kije kya Aleopagusa ne kwamba amba, “Anweba bena Atene, mu bintu byonse namona byo mwakizhamo kupandawila ba lesa. 23Mambo byo nabapitenga ne kumona bintu byo mupopwela, nataine kipandawilo panembwa amba, ‘KWI LESA WABULA KUYUKANYIKWA.’ Nanchi aye ye mupopwela kwakubula kumuyuka, iye ye mbena kwimusapwila. 24#1 Mfu 8:27; Isa 42:5; Byu 7:48Lesa yenkaye walengele ntanda ne byonsetu bijimo, byo aji Nkambo wa mwiulu ne panshi, kechi wikala mu mazubo o bashimika na maboko a bantu ne. 25Nangwa kwingijilwa na maboko a bantu nobe wakajilwa kintu ne, byo aji mwine upana mweo ne muuya ku bonse, ne bintu byonse. 26Kabiji walengele ku umo mikoka yonse ya bantu bekala pano pantanda ponse, ne kwibatongwela myaka yabo, ne mipaka ya kwikalamo. 27Amba bamukebe Lesa, kana kampe bakapapaate na kumukeba ne kumutaana, kabiji byonkabyo kechi uji kwalepa ne atweba bonse ne;” 28mambo
Mwi aye mo motumwena bumi bwetu, mo motupitang'ena, mo motwikela.
Monka mo ba ambijile bamo benu banembele nyimbo amba,
Mambo atweba twi bamu kisaka kyanji.
29Byonkabyo byo tuji ba mukisemi kya Lesa, kechi twafwainwa kulanguluka amba, bu Lesa bwapashang'ana na ngolode, nangwa na siliva, nangwa na jibwe, byo basonga na busendwe ne maana a bu muntu ne. 30Kabiji aya myaka bantu ya bulubi, Lesa wiileka, pakuba pano ubena kukambizha bantu bonse konse amba balapile ne kufuma ku mashinda abo atama. 31Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!
32Kabiji byo ba umvwine mambo a lusanguko lwa mu bafu, bamo kebamuseke mwenga, kabiji bakwabo amba, “Twasaka kumvwa ne jikwabo ano mambo.” 33Kepo Paulo alupukile mo bajinga. 34Pakuba banabalume bamo belamikile kwi aye ne kwitabila, mwi abo mwajinga ba Dionisiusa wa mukije kya Aleopagusa, ne mwanamukazhi jizhina janji Damalisa, ne bakwabo bamo.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.