ZAKARIA 5
5
Parnidaan taringot tu balunan ni pustaha na habang
1Hupamanat ma mangulahi, jana huida ma balunan ni pustaha na habang di awang-awang i. 2Mangkuling ma ia tu au, “Aha dehe na niidamu? Hualusi ma: Sada balunan ni pustaha na habang di awang-awang i. Sambilan meter ginjangna jana opat satonga meter bidangna.”
3Jadi didok ia ma tu au, “On ma angka bura na ro maradopkon sude luat; harana marhite hata bura i ganop panangko na adong dison gabe malua ma sian uhuman, jana ganop halak na marsumpa pargabus pe laing malua do sian uhuman. 4Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”
Parnidaan taringot tu dadaboru na di bagasan karanjang
5Tarida ma mangulahi surusuruan i jana didok ia ma, “Ligi ma! Aha dope he na ro an!”
6“Aha do i?” ningku manyapai.
“Sada karanjang,” ning ia mangalusi. “I ma gambaran ni dosa sian sude tano on.”
7Sian simbora do tutup ni karanjang i. Jadi taran hupamanat-manat, mungkap ma tutupna i, hapengani adong do sahalak dadaboru juguk di bagasan karanjang i.
8Didok surusuruan i ma, “Manggambarkon hajahatan do anak boru on.” Lalu dionjarkon ia anak boru i mangulahi tu bagasan karanjang i jana ditutupkon ia. 9Manaili ma au tu ginjang jana huida ma dua dadaboru na habang adop au. Tohong do habong ni halahi songon habong ni sibarung. Dibuat halahi ma karanjang sinangkin lalu dihabangkon halahi.
10Husapai ma tu surusuruan i, “Tu dia do obanon ni halahi karanjang i?”
11Ning ia ma mangalusi, “Tu Babel do i; pajongjongon ni halahi ma disi bagas pamelean disia. Muda dung sidung pamelean i, baenon ma karanjang i disi anso disomba.”
S'ha seleccionat:
ZAKARIA 5: LAIAKB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Indonesian Bible Society