MARKUS PEU INTAT HABA
PEU INTAT HABA
Kitab Haba Gét nyang geutuléh lé Markus geupeu phon deungon haba lagée nyoe: “Nyoe kheueh Haba Gét keuhai Isa, Aneuëk Allah”. Lam Haba Gét nyan Isa geupeuleumah sidroe ureuëng nyang lumpah le meubuet dan meuwibawa. Wibawa Gobnyan deuh teungieng pakriban cara Gobnyan geuseumeubeuet, lam kuasa Gobnyan teuhadab roh-roh jeuhet, dan lam hai Gobnyan geupeu amphon desya. Isa geupeuleumah droe gobnyan lagée sidroe Aneuëk Manusia nyang geubri nyawöng gobnyan mangat manusia beubaih nibak mandum desya.
Calitra keuhai Isa lam kitab nyoe teupeugah seucara udeb dan troh trang. Buet-buet Gobnyan leubeh jai teupeugah nibak haba dan nyang geupeurunoe. Óh ka lheueh tutoe haba nyang paneuk keuhai Nabi Yahya Pumanö dan keuhai Isa teupumanö meunan cit cubaan-cubaan ateueh droe Gobnyan, kitab Markus nyoe langsong teucalitra buet-buet Isa, khusos jih keuhai buet-buet nyang geupeu puléh ureuëng-ureuëng sakét dan keuhai peue-peue nyang geupeurunoe. Pasai-pasai nyang akhé teucalitra keuhai peue-peue nyang teujadi bak aleuhat akhé watée udeb Tuhan Isa nyang paleng akhé lam donya nyoe, nyang lumboi sa keuhai Gobnyan teusaleb dan keuhai Gobnyan geubeudôh nibak maté.
Man dua bagian akhé nibak kitab Markus, nyang teupeutamong lam tanda kurong rayeuk, umum jih teuanggab bukon tulésan nyang tuléh kitab Markus, teuma na kheueh sidroe ureuëng nyang laén.
Asoe jih
Haba phon 1:1-13
Isa geuseumeubeuet lamkawan masyarakat di Galilea 1:14–9:50
Nibak Galilea u Yerusalem 10:1-52
Aleuhat akhé di Yerusalem dan keulileng nyan 11:1–15:47
Isa geubeudôh 16:1-8
Geupeuleumah droe dan teupeu ék Isa lam syeuruga 16:9-20
S'ha seleccionat:
MARKUS PEU INTAT HABA: LAIACE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Old and New Testament in Today's Aceh Language @ LAI, 1997.