KITAB TEU-ULANG PEU INTAT HABA
PEU INTAT HABA
Kitab Teu-ulang meuasoe deungon meubagoe tabeulie-tabeulie nyang geupeugah lé Nabi Musa dikeue bansa Israel watée awaknyan na di nanggroe Moab. Awaknyan jidong nibak teumpat nyan óh ka lheueh jijak nyang jiôh that rot padang pasi dan sigohlom teutamong u nanggroe Kanaan keu teujak duek lam nanggroe nyan.
Na meupadub boh pokok nyang peunteng lam kitab nyoe na kheueh:
1. Nabi Musa geupeuingat ubak bansa Israel keuhai peuristiwa-peuristiwa rayeuk nyang treb jih na 40 thon nyan. Gobnyan geulakée ubak bansa Israel mangat awaknyan ji-ingat pakriban Po teu Allah geupimpén awaknyan rot padang pasi dan lé sabab nyan awaknyan harôh taát dan seutia ubak Po teu Allah.
2. Nabi Musa geu-ulang lom Siploh boh Peurintah Po teu Allah, dan gobnyan geuteugon that makna nibak Peurintah nyang Phon. Gobnyan geulakée ngon that-that meuharab mangat ureuëng Israel jimeu-iébadat ubak Tuhan mantong. Laju gobnyan geu-ulang meupadubboh huköm dan peurintah nyang teuatoe keuhai udeb bansa Israel nibak tanoh nyang ka geupeujanji nyan.
3. Nabi Musa geupeuingat bansa Israel makna nibak ikatan peujanjian Po teu Allah deungon awaknyan. Gobnyan geupaksa bansa nyan mangat jipeubarô keuhai jitem lé awaknyan keujipeupeunoh keuwajéban-keuwajéban awaknyan.
4. Yosua teutunyok sibagoe geunantoe Nabi Musa keugeupimpén umat Po teu Allah. Óh ka lheueh geumeulagu saboh lagu sibagoe puja ngon pujo keuseutia ubak Tuhan, dan teupeugah beureukat keu sukée-sukée Israel, Nabi Musa laju meuninggai donya di Moab, disiblaih timu Krueng Yordan.
Tema pokok lam kitab nyoe na kheueh bahwa Po teu Allah ka geupeuseulamat dan geubri beureukat keu umat nyang geupiléh, bansa nyang geugaséh nyan. Deungon nyan bansa Israel hana jeuet tuwoe keuhai nyan. Awaknyan harôh jitaát ubak Po teu Allah, mangat awaknyan teutab udeb dan sabe geubri beureukat.
Ayat-ayat nyang paleng peunteng lam kitab nyoe na kheueh 6:4-6. Ayat-ayat nyoe teutuléh tutoe haba nyang lé Isa geupeugah huköm nyang paleng rayeuk, “Cinta kheueh Tuhan Po teu Allah gata deungon sipeunoh até gata: Peuleumah kheueh nyan lam cara udeb gata dan nibak buet gata.”
Asoe jih
Tabeulie nyang phon 1:1–4:49
Tabeulie nyang keudua 5:1–26:19
a. Siploh Peurintah Allah 5:1–10:22
b. Huköm-huköm, peuratoran-peuratoran, dan nasihat-nasihat 11:1–26:19
Peutunyok-peutunyok keuteutamong lam nanggroe Kanaan 27:1–28:68
Peujanjian teupeubarô 29:1–30:20
Tutoe haba nyang keuneulheuh 31:1–33:29
Nabi Musa meuninggai donya 34:1-12
S'ha seleccionat:
KITAB TEU-ULANG PEU INTAT HABA: LAIACE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Old and New Testament in Today's Aceh Language @ LAI, 1997.