IINDUMISO 150
150
Bayethe, Mhlekazi!
1Sithi: “Bayethe, Mhlekazi!”
Khahlelani, nimbonge uThixo endlwini yakhe engcwele;
mdumiseni ngenxa yamandla akhe esibhakabhakeni.
2Mbongeni ngenxa yemisebenzi yobugorha bakhe,
nimdumise kuba yena usisihandiba sesikhulu!
3Yitshoni ngomtyangampo wexilongo nimdumise;
yombelani nimbonge ngomrhubhe nehapu!
4Dumisani nimbonge ngegubu nomdudo;
ngqungqani nimbonge ngezeengcingo nesigodlo!
5Tshilani nimbonge ngamacangci akhenkcezayo;
yitshoni ngentswahla nimdumise ngamacangci ahlokomayo!
6Ewe, konke okushukumayo makudume kubonge *uNdikhoyo!
Masidanduluke sonke sithi: “Bayethe, Mhlekazi!”
S'ha seleccionat:
IINDUMISO 150: XHO96
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Bible Society of South Africa 1996. Used with permission. All rights reserved.