IINDUMISO 12
12
Ukucela uncedo
Umhobe kaDavide; kumbhexeshi-kwayara; uvunywa ngebhasi.
1Nceda, *Ndikhoyo!
Akukho namnye umnt' olungileyo;
baphelile abantw' abathembekileyo.
2Bathetha ubuxok' abantu, bekhohlisana.
Bav' amantyontyelo baxokisane ngeentethw' ezimbaxa.
3Wobaqhawul' imilebe uNdikhoyo abantw' abakhohlisayo;
wobashunqul' iilwimi abantw' abazigwagwisayo.
4Nditsho nkqu abo bathi: “Sophumelela ngolwimi lwethu.
Iyeyethu nje imilebe le, ngubani owosixelela emasikuthethe?”
5“Ndiza kulamla ke ngoku,” utsho uNdikhoyo,
“ngenxa yokuba amahlwempu ayacinezelwa,
neentsizana ziyancwina.
Ndobanika oko kuphumla bakulangazelelayo.”
6-7Zithembekile izithembiso zikaNdikhoyo,
azinasibhidi, zinjengesiliva enyityilikiswe eziko kasixhenxe.
Uzigcinile izithembiso zakho, Ndikhoyo;
sigcine sikhuselekile kubantw' abagwenxa.
8Basingqonge macal' onke abantw' abagwenxa,
lo gama wonke ubani ekuvuyela ukungcola.
S'ha seleccionat:
IINDUMISO 12: XHO96
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Bible Society of South Africa 1996. Used with permission. All rights reserved.