भजन संहिता 76
76
जयवन्त परमेसवर
प्रधान बजाण आळे खात्तर: तारआळे बाज्यां कै गैल, आसाप का भजन, गीत
1परमेसवर यहूदा म्ह जाण्या गया सै,
उसका नाम इस्राएल म्ह महान होया सै।
2अर उसका मण्डप शालेम#76:2 शालेम यरुशलेम का नगर म्ह,
अर उसका धाम सिय्योन म्ह सै।
3ओड़ै उसनै तीरां ताहीं,
अर ढाल, तलवार अर लड़ाई के और हथियारां ताहीं तोड़ गेरया। (सेला)
4हे परमेसवर तू तो ज्योतिर्मय सै,
तू शिकार तै भरे होए पहाड़ां तै भी घणा बढ़कै अर महान सै।
5मजबूत मन आळे लुटगे, अर गहरी नींद म्ह पड़े सै;
अर शूरवीरां म्ह तै किसे का हाथ कोनी चाल्या।
6हे याकूब के परमेसवर, तेरी धमकी तै,
रथां समेत घोड़े गहरी नींद म्ह पड़े सै।
7सिर्फ तू ए भययोग्य सै;
अर जिब तू छो करण लाग्गै, फेर तेरे स्याम्ही कौण खड्या रह सकैगा?
8तन्नै सुर्ग तै फैसला सुणाया सै,
धरती उस बखत सुणकै डरगी, अर चुप रही,
9जिब परमेसवर न्याय करण नै,
अर धरती के सारे नरम माणसां का उद्धार करण नै उठ्या। (सेला)
10जरुर माणस की जळजळाहट तेरी बड़ाई का कारण हो ज्यागी,
अर जो जळजळाहट रह जावै, उसनै तू रोक्कैगा।#76:10 अर जो जळजळाहट रह जावै, उसनै तू रोक्कैगा। जो माणस युद्ध म्ह बचगे वो तेरा त्यौहार मनावैंगे
11अपणे परमेसवर यहोवा की मन्नत ओट्टो अर पूरी भी करो,
वो जो भय कै योग्य सै, उसके लोवै-धोरै के सारे उसकै खात्तर भेंट ले आवै।
12वो तो प्रधानां का घमण्ड मिटा देगा;
वो धरती के सारे राजयां नै भययोग्य जाण पड़ै सै।
S'ha seleccionat:
भजन संहिता 76: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.