भजन संहिता 29
29
परमेसवर की आवाज
दाऊद का भजन
1हे सुर्गदूत्तों, यहोवा का,
हाँ, यहोवा ए का गुणगान करो,
यहोवा की महिमा अर ताकत नै सराहो।
2यहोवा के नाम की महिमा करो;
पवित्रता तै शोभायमान होकै यहोवा नै दण्डवत करो।
3यहोवा की वाणी बादळां कै उप्पर सै;
प्रतापी परमेसवर गरजै सै,
यहोवा घणे बादळां कै उप्पर रहवै सै।
4यहोवा की वाणी शक्तिशाली सै,
यहोवा की वाणी प्रतापमय सै।
5यहोवा की वाणी देवदारां नै तोड़ देवै सै;
यहोवा लबानोन के देवदारां नै भी तोड़ देवै सै।
6वो लबानोन नै बाछड़े की तरियां
अर सिर्योन नै जंगळी बाछड़े की तरियां उछाळै सै।
7यहोवा की वाणी आग की लपटां नै चीर दे सै।
8यहोवा की वाणी बण नै हिला दे सै,
यहोवा कादेश के बण नै भी हिला दे सै।
9यहोवा की वाणी सागवान की लाकड़ियाँ नै भी तोड़दे सै।#29:9 सागवान की लाकड़ियाँ नै भी तोड़दे सैहिरणीयाँ का भी गर्भ गिरजा सै।
अर जंगळ म्ह पतझड़ होवै सै;
अर उसके मन्दर म्ह हरेक
महिमा ए महिमा बोल्दे रहवै सै।
10जल-प्रलय कै बखत यहोवा विराजमान था;
अर यहोवा सदा खात्तर राजा होकै
विराजमान रहवै सै।
11यहोवा अपणी प्रजा नै ताकत देवैगा;
यहोवा अपणी प्रजा नै शान्ति की आशीष देवैगा।
S'ha seleccionat:
भजन संहिता 29: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.