भजन संहिता 20
20
जीत खात्तर प्रार्थना
प्रधान बजाण आळे खात्तर दाऊद का भजन
1मुसीबत कै दिन यहोवा तेरी सुण ले!
याकूब के परमेसवर का नाम तेरे ताहीं
ऊँच्चा पद दे!
2वो पवित्र जगहां तै तेरी मदद करै,
अर सिय्योन तै तन्नै सम्भाळै!
3वो तेरी सारी भेटां नै याद करै,
अर तेरे होमबलि नै कबूल करै। (सेला)
4वो तेरे मन की इच्छा नै पूरी करै,
अर तेरी सारी योजना नै सफल करै!
5फेर हम तेरे उद्धार के कारण ऊँच्ची आवाज तै
खुश होकै खावांगें,
अर अपणे परमेसवर के नाम तै झण्डे खड़े करैंगें
यहोवा तेरी सारी बिनती सुणै।
6इब मै जाण ग्या के यहोवा अपणे अभिषिक्त नै बचावैगा;
वो अपणे पवित्र सुर्ग तै,
अपणे सोळे हाथ के उद्धार करण आळें सामर्थ्य तै उस ताहीं जवाब देवैगा।
7किसे नै रथां का अर किसे नै घोड्या का भरोस्सा सै,
पर हम तो अपणे परमेसवर यहोवा का ए नाम लेवांगें।
8वे तो झुक ग्ये अर गिर ग्ये
पर हम उठ्ठे अर सीध्धे खड़े सां।
9हे यहोवा, राजा नै छुड़ा#20:9 छुड़ा जितवा दे,
जिब हम पुकारा तो म्हारी मदद कर।
S'ha seleccionat:
भजन संहिता 20: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.