भजन संहिता 149
149
इस्राएल परमेसवर की स्तुति करै
1यहोवा की स्तुति करो!
यहोवा खात्तर नया गीत गाओ,
भगतां की सभा म्ह उसकी स्तुति गाओ!
2इस्राएल अपणे बणाण आळे परमेसवर तै खुश हो,
सिय्योन के रहण आळे अपणे राजा कै कारण खुश हो!
3वे नाचदे होए उसकै नाम की स्तुति करैं,
अर डफ अर वीणा बजान्दे होए उसके गीत गावैं!
4क्यूँके यहोवा अपणी प्रजा तै खुश रहवै सै;
वो नरम माणसां का उद्धार करकै उनका आदर बढ़ावैगा।
5भगत माणस उनकी महिमा#149:5 उनकी महिमा महिमा कै कारण मगन हों;
अर अपणे बिछोणे पै भी पड़े-पड़े जयजयकार करैं।
6उनके गळे तै परमेसवर की तारीफ हो,
अर उनके हाथ्थां म्ह दोधारी तलवार रहवैं,
7ताके वो जात-जात तै बदला ले सकै;
अर राज्य-राज्य के माणसां नै ताड़ना दे,
8अर उनके राजाओ नै साँकलां तै,
अर उनके धनी माणसां नै लोहे की बेल्लां तै बाँधे राक्खे,
9अर उन ताहीं ठहराई होई सजा देगें!
उसके सारे भगतां का इसाए आदर मान होवैगा।
यहोवा की स्तुति करो।
S'ha seleccionat:
भजन संहिता 149: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.