भजन संहिता 138
138
परमेसवर की कृपा खात्तर धन्यवाद
दाऊद का भजन
1मै पूरे मन तै तेरा धन्यवाद करुँगा;
देवत्यां कै स्याम्ही मै तेरा भजन गाऊँगा।
2मै तेरे पवित्र मन्दर की ओड़ झुककै दण्डवत करुँगा,
अर तेरी करुणा अर सच्चाई कै कारण तेरे नाम का धन्यवाद करुँगा;
क्यूँके तन्नै अपणे वचन ताहीं, अपणे नाम अर हुकम तै सबतै ऊँच्चा करया सै।#138:2 क्यूँके तन्नै अपणे वचन ताहीं, अपणे नाम अर हुकम तै सबतै ऊँच्चा करया सै। क्यूँके तन्नै अपणे वचन ताहीं अपणे बड़े नाम ताहीं सबतै घणा खास जाण्या सै।
3जिस दिन मन्नै पुकारया, उसे दिन तन्नै मेरी सुण ली,
अर तन्नै ताकत देकै मेरी हिम्मत बन्धाई।
4हे यहोवा, धरती के सारे राजा तेरा धन्यवाद करैगें,
क्यूँके उननै तेरे वचन सुणे सै;
5अर वो यहोवा की चाल कै बारै म्ह गावैगें,
क्यूँके यहोवा की महिमा बड़ी सै।
6यहोवा महान सै, फेर भी वो नरम माणसां की ओड़ निगांह करै सै;
पर घमण्डी नै दूर तै ए पिच्छाणै सै।
7चाहे मै मुसीबत कै बीच म्ह चाल्लूँ, फेर भी तू मन्नै सही-सलामत राक्खैगा#138:7 सलामत राक्खैगा दुबारा जिन्दा करणा ,
तू मेरे छो तै भरे होये दुश्मनां कै खिलाफ हाथ बढ़ावैगा,
अर अपणे सोळे हाथ तै मेरा उद्धार करैगा।
8यहोवा मेरै खात्तर सब कुछ पूरा करैगा;
हे यहोवा तेरी करुणा सदा की सै।
तू अपणे हाथ्थां के काम्मां नै ना छोड़।
S'ha seleccionat:
भजन संहिता 138: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.