भजन संहिता 13
13
उद्धार खात्तर प्रार्थना
प्रधान बजाण आळे खात्तर दाऊद का भजन
1हे यहोवा, तू कद तक? मन्नै भूल्या रहवैगा?
तू कद ताहीं अपणा मुँह मेरै तै ल्हकोए राक्खैगा?
2मै कद तक अपणे मन म्ह योजना बणान्दा रहूँ,
अर दिन भर अपणे मन म्ह दुखी होंदा रहूँ,
कद ताहीं मेरा दुश्मन मेरै पै हावी रहवैगा?
3हे मेरे परमेसवर यहोवा मेरे कान्ही ध्यान दे अर मन्नै जवाब दे,
मेरी आँखां म्ह चमक आण दे, न्ही तो मन्नै मौत की नींद आ जावैगी;
4इसा ना हो के मेरा दुश्मन कहवै, “मै उसपै हावी होग्या”,
अर इसा ना हो के जिब मै डगमगाण लाग्गू तो मेरे दुश्मन मगन हों।
5पर मन्नै तो तेरी करुणा पै भरोस्सा राख्या सै;
मेरा मन तेरे उद्धार तै मगन होवैगा।
6मै यहोवा के नाम का भजन गाऊँगा,
क्यूँके उसनै मेरी भलाई करी सै।
S'ha seleccionat:
भजन संहिता 13: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.