यहो. 1
1
यहोशू खात्तर परमेसवर का हुकम
1यहोवा के दास मूसा की मौत के बाद यहोवा नै उसके सेवक यहोशू तै जो नून का बेट्टा था कह्या, 2“मेरा दास मूसा मर ग्या सै; तो इब तू उठ, कमर बाँध, अर इस सारी प्रजा समेत यरदन नदी कै पार जाकै उस देश म्ह जा जिसनै मै उन ताहीं यानिके इस्राएलियाँ ताहीं दियुँ सूं। 3उस वचन कै मुताबिक जो मन्नै मूसा तै कह्या, यानिके जिस-जिस जगहां पै थम पैर धरोगे वो सब थमनै दियुँ सूं। 4जंगळ अर उस लबानोन तै लेकै फरात महानद ताहीं, अर पश्चिम की और भूमध्य-सागर#1:4 भूमध्य-सागर महासमुद्र ताहीं हित्तियाँ का सारा देश थारा हिस्सा ठहरैगा। 5तेरी जिन्दगी भर कोए तेरै स्याम्ही ठहर न्ही सकैगा; जिस तरियां मै मूसा कै गैल रह्या उस्से तरियां ए तेरै गैल भी रहूँगा; अर ना तो मै तन्नै धोक्खा देऊँगा, अर ना तन्नै छोड़ूँगा। 6ज्यांतै हिम्मत करकै मजबूत हो जा; क्यूँके जिस देश के देण की कसम मन्नै इन माणसां के पूर्वजां तै खाई थी उसका अधिकारी तू इननै करैगा। 7इतणा हो के तू हिम्मत करकै अर घणा मजबूत होकै जो नियम-कायदे मेरे दास मूसा नै तेरे ताहीं दिए सै उन सब कै मुताबिक करण म्ह चौकसी करिये; अर उसतै ना तो दाएँ मुड़िए अर ना बाएँ, फेर जित्त-जित्त तू जावैगा ओड़ै-ओड़ै तेरा काम सफल होवैगा। 8नियम-कायदे की या किताब#1:8 नियम-कायदे की या किताब या नियम-कायदा की किताब तेरे ध्यान तै कदे भी ना उतरण पावै, इस्से म्ह दिन-रात ध्यान दिए रहणा, ज्यांतै के जो कुछ उस किताब म्ह लिख्या सै उसके मुताबिक करण की तू चौकसी करै; क्यूँके इसाए करण तै तेरे सारे काम सफल होवैंगे, अर तू प्रभावशाली होवैगा। 9के मन्नै तेरे ताहीं हुकम न्ही दिया? हिम्मत करकै मजबूत हो जा; भय ना खावै, अर तेरा मन कच्चा न्ही होवै; क्यूँके जित्त-जित्त तू जावैगा ओड़ै-ओड़ै तेरा परमेसवर यहोवा तेरै गैल रहवैगा।”
गोत्रां का हुकम मानणा
10फेर यहोशू नै प्रजा के सरदारां ताहीं यो हुकम दिया, 11“छावणी म्ह आस्सै-पास्सै जाकै प्रजा के माणसां ताहीं यो हुकम द्यो, के अपणे-अपणे खात्तर खाणा त्यार करकै राक्खो; क्यूँके तीन दिन कै भित्तर थमनै इस यरदन नदी ताहीं पार करकै उस देश पै अपणा अधिकार करण खात्तर जाणा सै जिस ताहीं थारा परमेसवर यहोवा थारे अधिकार म्ह करण आळा सै।”
12फेर यहोशू नै रूबेनियाँ, गादियाँ के गोत्र, अर मनश्शे के आध्धे गोत्र के माणसां तै कह्या, 13“जो बात यहोवा के दास मूसा नै थारे ताहीं कही थी, के थारा परमेसवर यहोवा थमनै आराम देवै सै, अर योए देश थमनै देवैगा, उसकी सुधि ल्यो। 14थारी जनान्नी, बाल-बच्चे, अर पशु तो इस देश म्ह रहवैगें जो मूसा नै थारे ताहीं यरदन के इस पार दिया, पर थम जो शूरवीर हो पाँति बाँधे होए अपणे भाईयाँ कै आग्गै-आग्गै पार उतर चाल्लों, अर उनकी मदद करो; 15अर जिब यहोवा उन ताहीं इसा आराम देगा जिसा वो थमनै दे चुक्या सै, अर वे भी थारे परमेसवर यहोवा के दिए होए देश के अधिकारी हो जावैंगे; फेर थम अपणे वायदे के देश म्ह, जो यहोवा के दास मूसा नै यरदन के इस पार पूर्व दिशा की और थमनै दिया सै, बोहड़कै इसके अधिकारी होवैंगे।” 16फेर उननै यहोशू ताहीं जवाब दिया, “जो कुछ तन्नै म्हारे ताहीं करण का हुकम दिया सै वो हम सब किमे करागें, अर जित्त किते तू हमनै भेज्जे ओड़ै हम जावैंगे। 17जिस तरियां हम सारी बात्तां म्ह मूसा की मान्ना थे उस्से तरियां तेरी भी मान्या करागें; इतणा हो के तेरा परमेसवर यहोवा जिसा मूसा के गैल रहवै था उसाए तेरे गैल भी रहवै। 18चाहे कोए भी क्यूँ ना हो जो तेरै बिरुध्द बलवा करै, अर जितने हुकम तू दे उन ताहीं वो ना मान्नै, तो वो मार दिया जावैगा। पर तू दृढ़ अर हिम्मत बाँधे रह।”
S'ha seleccionat:
यहो. 1: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.