यिर्मयाह 19
19
टूटी सुराही का उदाहरण
1यहोवा नै न्यू कह्या, “तू जाकै कुम्हार तै माट्टी की बणाई होई एक सुराही मोल ले, अर प्रजा के कुछ पुरनियां म्ह तै अर याजकां म्ह तै भी कुछ प्राचीनां ताहीं गैल लेकै, 2हिन्नोमियां की तराई की ओड़ उस फाटक कै धोरै चल्या जा जड़ै ठीकरे फेंक दिए जावै सैं; अर जो वचन मै कहूँ, उसनै ओड़ै प्रचार कर।#19:2 यिर्म. 7:31 अर उननै हिन्नोमवंशियाँ की तराई म्ह तोपेत नाम की ऊँच्ची जगहां बणाकै 3तू न्यू कहिए, ‘हे यहूदा के राजाओं अर यरुशलेम के सारे बासिन्दयों, यहोवा का वचन सुणो। इस्राएल का परमेसवर सेनाओं का यहोवा न्यू कहवै सै, इस जगहां पै मै इसी मुसीबत गेरण पै सूं के जो कोए उसकी खबर सुणै, उसपै सन्नाटा छा जावैगा। 4क्यूँके उरै के माणसां नै मेरे ताहीं छोड़ दिया, अर इस जगहां म्ह दुसरे देवत्यां कै खात्तर जिन ताहीं ना तो वे जाणै सैं#19:4 इस जगहां म्ह दुसरे देवत्यां कै खात्तर जिन ताहीं ना तो वे जाणै सैं उननै इस जगहां की पवित्रता ताहीं न्ही समझा पर इस ताहीं एक अनजाण जगहां बणा दिया इस म्ह दुसरे देवत्यां की पूजा करी।, अर ना उनके पुरखा या यहूदा के पुराणे राजा जाणै थे धूप जळाया सै अर इसनै पराया कर दिया सै; अर उननै इस जगहां ताहीं बेकसूरां के लहू तै भर दिया, 5अर बाल की पूजा की ऊँच्ची जगहां ताहीं बणाकै अपणे बाल-बच्यां ताहीं बाल कै खात्तर होम कर दिया, जै मन्नै कदे भी जिसका हुकम न्ही दिया, ना उसकी चर्चा करी अर ना वो कदे मेरे मन म्ह आया। 6इस कारण यहोवा की या वाणी सै के इसे दिन आवै सैं के या जगहां फेर तोपेत या हिन्नोमियां की तराई ना कुह्वावैगी, बलके घात ए की तराई कुह्वावैगी। 7अर मै इस जगहां म्ह यहूदा अर यरुशलेम की युक्तियाँ नै बेकार कर देऊँगा; अर उननै उनके प्राणां के दुश्मनां कै हाथ की तलवार चलवाकै गिरा देऊँगा। उनकी लाशां ताहीं मै अकास कै पन्छियाँ अर धरती के जीव-जन्तुआं का भोजन बणा देऊँगा। 8मै इस यरुशलेम नगर नै इसा उजाड़ दियुँगा के माणस इसनै देखकै डरैगें; जो कोए इसकै धोरै तै होकै जावै वो इसकी सारी विपत्तियाँ कै कारण हैरान होवैगा अर घबरावैगा। 9अर घिर जाण अर उस सकेती कै बखत जिस म्ह उनकी जान के दुश्मन उननै गेर देवैंगे, मै उनके बेट्टे-बेटियाँ का माँस उननै खुव्वाऊँगा एक दुसरे का भी माँस खुव्वाऊँगा।’”
10“फेर तू उस सुराही ताहीं उन माणसां कै स्याम्ही तोड़ देणा जो तेरै गैल जावैंगे, 11अर उनतै कहिए, ‘सेनाओं का यहोवा न्यू कहवै सै के जिस तरियां यो माट्टी का बरतन जो टूट ग्या के फेर बणाया ना जा सकै, इस्से तरियां मै इस देश के माणसां ताहीं अर इस नगर ताहीं तोड़ गेरूँगा। अर तोपेत नाम की तराई म्ह इतणी कब्रां होवैगी के कब्र कै खात्तर और जगहां ना रहवैगी। 12यहोवा की या वाणी सै के मै इस नगर अर इसके रहण आळयां कै गैल इसाए काम करुँगा, मै इस नगर नै तोपेत की तरियां बणा देऊँगा। 13अर यरुशलेम के घर अर यहूदा के राजाओं के भवन, जिनकी छात्तां पै अकास की सारी सेना कै खात्तर धूप जळाया गया, अर दुसरे देवत्यां कै खात्तर तपावन दिया गया सै, वे सारे तोपेत की तरियां अशुद्ध हो जावैंगे।#19:13 प्रेरि. 7:42’”
14फेर यिर्मयाह तोपेत तै बोहड़कै, जड़ै यहोवा नै उस ताहीं भविष्यवाणी करण खात्तर भेज्या था, यहोवा के भवन कै आँगण म्ह खड़या होया, अर सारे माणसां तै कहण लाग्या; 15“इस्राएल का परमेसवर सेनाओं का यहोवा न्यू कहवै सै, देक्खो, सारे गाम्मां समेत इस नगर पै वा सारी विपत्ति गेरणा चाहूँ सूं जो मन्नै इसपै ल्याण नै कह्या सै, क्यूँके उननै ढीठ बणकै मेरे वचन ताहीं न्ही मान्या सै।”
S'ha seleccionat:
यिर्मयाह 19: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.