आमोस 3
3
1हे इस्राएलियों, दण्ड का यो सन्देस सुणो जो यहोवा नै थारे बारे म्ह यानिके उस सारे कुल कै बारै म्ह कह्या सै जिसनै मै मिस्र देश तै ल्याया सूं: 2“धरती के सारे कुलां म्ह तै मन्नै सिर्फ थारे पै मन लगाया सै#3:2 धरती के सारे कुलां म्ह तै मन्नै सिर्फ थारे पै मन लगाया सै माणस परमेसवर के जितना घणा धोरै आवै सै उतनाए घणा उसका चूकणा अर परीक्षा म्ह गिरणा बुरा होवै सै, उसनै भोत घणी कठोर सजा मिलै सै। परमेसवर तै नजदीकी अमूल्य सै, लेकिन एक महिमामय उपहार सै। आजाद इच्छा के दुरूपयोग कै कारण घणी महान आशीष सबतै भयानक दुःख म्ह बदल जावैं सै।, इस कारण मै थारे सारे अधर्म कै काम की सजा देऊँगा।”
भविष्यवक्ता का काम
3“आमोस नै फेर तै कह्या,” “जै दो माणस कठ्ठे सहमत ना हों, तो के वे एक साथ चाल सकैगें? 4के शेर बिना शिकार पाए बण म्ह गरजैंगे? के जवान शेर बिना कुछ पकड़े अपणी माँद म्ह तै गुर्रावैगा? 5के चिड़िया बिना फंदा लगाऐ फँसैगी? के बिना कुछ फँसे फंदा धरती पै तै उचकैगा? 6के किसे नगर म्ह नरसिंगा फूँकण पै माणस ना थरथरावैंगे? के यहोवा के बिना भेज्जे किसे नगर म्ह कोए विपत्ति पड़ैगी? 7इस्से तरियां तै प्रभु यहोवा अपणे दास भविष्यवक्तावां पै अपणा मर्म बिना प्रगट करे कुछ भी ना करैगा।#3:7 प्रका. 10:7; भजन. 25:14; यूह. 15:15 8शेर गरज्या; कौण ना डरैगा? परमेसवर यहोवा बोल्या; कौण भविष्यवाणी ना करैगा?”
9अश्दोद के भवन अर मिस्र देश के राजभवन पै प्रचार करकै कहो: “सामरिया के पहाड़ां पै कठ्ठे होकै देक्खो के उस म्ह के कितना बड़ा रोळा अर उसके बीच कितणे अंधेर के काम हो रहे सैं!” 10यहोवा की या वाणी सै, “ये माणस अपणे भवनां म्ह उड़दंग अर डकैती का धन बटोरकै राक्खैं सैं, वे सिधाई तै काम करणा जाण्दे ए न्ही।” 11इस करकै परमेसवर यहोवा न्यू कहवै सै: “देश का घेरण आळा एक दुश्मन होवैगा, अर वो तेरा बल तोड़ैगा, अर तेरे भवन लूटे जावैंगे।”
12यहोवा न्यू कहवै सै: “जिस तरियां चरवाहा शेर के मुँह तै दो टाँग या कान का एक टुकड़ा छुड़ावै सै#3:12 जिस तरियां चरवाहा शेर के मुँह तै दो टाँग या कान का एक टुकड़ा छुड़ावै सै जिब जंगळी जानवरां के जरिये एक जानवर की मौत हो जावै, तो चरवाहे का कर्तव्य था के वो मृत पशु के कुछ टुकड़े माल्लिक नै दिखावै ताके वो जाण सके के जानवर किस तरियां मरया। जै चरवाहा इसा ना करै, तो उसनै जानवर के बदले माल्लिक ताहीं भुगताण करणा पड़ै था।, उसे तरियां ए इस्राएली माणस, जो सामरिया म्ह बिछोणे के एक कुणा या रेशमी गद्दी पै बैठ्या करैं सैं, वे भी छुड़ाए जावैंगे।”
13सेनाओं के परमेसवर, प्रभु यहोवा की या वाणी सै, “देक्खो, अर याकूब के घरान्ने तै या बात चिताकै कहो: 14जिस बखत मै इस्राएल नै उसके अपराध्धां की सजा देऊँगा, मै बेतेल की वेदियाँ नै भी नाश कर देऊँगा, अर वेदी के सींग टूटकै धरती पै गिर पड़ैंगे। 15अर मै सर्दी के भवन ताहीं अर धूपकाल के भवन, दोनुआं नै गिराऊँगा; अर हाथी दाँन्द के बणे भवन भी नाश होवैंगें, अर बड़े-बड़े घर नाश हो जावैंगे,” यहोवा की याए वाणी सै।
S'ha seleccionat:
आमोस 3: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.