2 राजाओं 8
8
एलीशा के अदभुत काम्मां की कीर्ति
1जिस जनान्नी के बेट्टे ताहीं एलीशा नै जिन्दा करया था, उसतै उसनै कह्या था के अपणे घरान्ने समेत उरै तै जाकै जित्त किते तू रह सकै ओड़ै रह; क्यूँके यहोवा की इच्छा सै के अकाळ पड़ै, अर वो इस देश म्ह सात साल ताहीं बण्या रहवैगा।#8:1 2 राजाओं 7:18-19 2परमेसवर के भगत के इस वचन कै मुताबिक वो जनान्नी अपणे घरान्ने समेत पलिश्तियाँ के देश म्ह जाकै सात साल रही। 3सात साल के बीतण पै वो पलिश्तियाँ के देश तै बोहड़ आई, अर अपणे घर अर धरती कै खात्तर दुहाई देण नै राजा कै धोरै गई। 4राजा उस बखत परमेसवर के भगत एलीशा के सेवक गेहजी तै बात कर रहया था, अर उसनै कह्या, “जो बड़े-बड़े काम एलीशा नै करे सैं उनका मेरे तै बखान कर।” 5जिब वो राजा तै यो बखान करे रहया था के एलीशा नै एक मुर्दे ताहीं जिवाया, फेर जिस जनान्नी के बेट्टे ताहीं उसनै जिवाया था वाए आकै अपणे घर अर धरती कै खात्तर दुहाई देण लाग्गी। फेर गेहजी नै कह्या, “हे मेरे प्रभु! हे राजा! या वाए जनान्नी सै अर योए उसका बेट्टा सै जिस ताहीं एलीशा नै जिवाया था।” 6जिब राजा नै जनान्नी तै पूच्छया, फेर उसनै उसतै सब किमे कह दिया। फेर राजा नै एक हाकिम तै न्यू कहकै उसके गैल कर दिया के जो कुछ इसका था बलके जद तै इसनै देश ताहीं छोड़ दिया जद तै इसके खेत की जितनी आमदणी इब तक होई हो सारी इसनै बोहड़ा दे।
हजाएल का अराम की गद्दी खोस लेणा
7एलीशा दमिश्क नै गया। अर जिब अराम के राजा बेन्हदद नै जो रोगी था यो समाचार मिल्या, “परमेसवर का भगत#8:7 परमेसवर का भगत हो सकै सै के दमिश्कवासी नामान के रोग निवारण के समय से ही एलीशा को इस नाम से जाणदे थे। उरै भी आया सै,” 8फेर उसनै हजाएल#8:8 एक अगुवां तै कह्या, “भेंट लेकै परमेसवर के भगत तै मिलण नै जा, अर उसके जरिये यहोवा तै न्यू पूछ, ‘के बेन्हदद जो रोगी सै वो बचैगा के न्ही?’” 9फेर हजाएल भेंट कै खात्तर दमिश्क की सारी उत्तम-उत्तम चिज्जां म्ह तै चाळीस ऊँट लदवा कै, उसतै मिलण नै चल्या, अर उसकै स्याम्ही खड़या होकै कहण लाग्या, “तेरे बेट्टे अराम के राजा बेन्हदद नै मन्नै तेरे तै यो पूछण नै भेज्या सै, ‘के मै जो रोगी सूं बचूँगा के न्ही?’”#8:9 या भाव उस माणस खात्तर होवै था जो परमेसवर के भगत की दया पै जीवै था 10एलीशा नै उसतै कह्या, “जाकै कह, ‘तू पक्का बच सकै था,’ फेर भी यहोवा नै मेरे ताहीं प्रगट करया सै, के तू बेसक मर ज्यागा।” 11अर एलीशा हजाएल की और टकटकी लगाकै देखदा रहया#8:11 टकटकी लगाकै देखदा रहया एलीशा हजाएल ताहीं देर तक अर्थ पूर्ण दृष्टि तै देखदा रहया जब तक के उसनै नजर निच्ची न्ही करी। एलीशा नै हजाएल के मन का अपराधी विचार भांप लिया था अर हजाएल नै जान लिया की एलीशा नै उसे पकड़ लिया सै।, उरै तक के वो लज्जित होया। अर परमेसवर का भगत रोण लाग्या। 12फेर हजाएल नै पूच्छया, “मेरा प्रभु क्यूँ रोवै सै?” उसनै जवाब दिया, “ज्यांतै के मन्नै बेरा सै के तू इस्राएलियाँ पै के-के उपद्रव करैगा; उनके गढ़आळे नगरां नै तू फूँक देगा; उनके जवानां नै तू तलवार तै घात करैगा, उनके बाल-बच्यां नै तू पटक देगा, अर उनकी गर्भवती जनानियाँ नै तू चीर देगा।” 13हजाएल नै कह्या, “तेरा दास जो कुत्ता जिसा सै, वो के सै के इसा बड़ा काम करै?” एलीशा नै कह्या, “यहोवा नै मेरे ताहीं यो प्रगट करया सै के तू अराम का राजा हो जावैगा।” 14फेर वो एलीशा तै विदा होकै अपणे माल्लिक कै धोरै गया, अर राजा बेन्हदद नै हजाएल तै पूछ्या, “एलीशा नै तेरे तै के कह्या?” उसनै जवाब दिया, “एलीशा नै मेरे तै कह्या के बेन्हदद जरुर बचैगा।” 15दुसरे दिन उसनै रजाई ताहीं लेकै पाणी तै भिगो दिया, अर उस ताहीं उसके मुँह पै इसी उढ़ादी के वो मर ग्या। फेर हजाएल उसकी जगहां पै राज करण लाग्या।
इस्राएली योराम का राज
16इस्राएल के राजा अहाब के बेट्टे योराम के राज के पाँचवें साल म्ह, जिब यहूदा का राजा यहोशापात जिन्दा था, फेर यहोशापात का बेट्टा यहोराम यहूदा पै राज करण लाग्या। 17जिब वो राजा होया, तब बत्तीस साल का था, अर आठ साल ताहीं यरुशलेम म्ह राज करदा रहया। 18वो इस्राएल के राजयां की जिसी चाल चल्या, जिसा अहाब का घरान्नां चालदा रहया था, क्यूँके उसकी जनान्नी अहाब की बेट्टी थी; अर वो उस काम नै करै था जो यहोवा की नजर म्ह बुरा था।#8:18 यहोवा की नजर म्ह बुरा था। अहाब अर उसके परिवार के साथ यहोशापात का राजनैतिक एवं सामाजिक सम्बन्ध उसके बिश्वास की पवित्रता को प्रभावित न्ही कर पाया था। यहोराम, उसका बेट्टा अपणी पत्नी के प्रभाव म्ह आकै (अहाब की बेट्टी अतल्याह), इस्राएल के राजयां की सी चाल चल्या, उसनै बाल की पूजा की इजाजत दी। 19फेर भी यहोवा नै यहूदा ताहीं नाश करणा ना चाह्या, यो उसके दास दाऊद के कारण होया, क्यूँके उसनै उसतै वचन दिया था, के तेरे वंश कै बारै म्ह मै सदा तेरै खात्तर एक दीवा जळदा होया राक्खूँगा।
20यहोराम के राज कै दिनां म्ह एदोम नै यहूदा की अधीनता छोड़कै अपणा एक राजा बणा लिया। 21फेर योराम अपणे सारे रथ गैल लिये होए साईर नै गया, अर रात नै उठकै उन एदोमियां ताहीं जो उसनै घेरे होए थे, अर रथां के प्रधान्ना ताहीं भी मारया; अर माणस अपणे-अपणे डेरे नै भाजगे। 22आखर एदोम यहूदा कै वश तै छूट ग्या, अर आज तक उसाए सै। उस बखत लिब्ना नगर नै भी यहूदा की अधीनता छोड़ दी। 23योराम के और सारे काम अर जो कुछ उसनै करया, के वो यहूदा के राजयां के इतिहास की किताब म्ह न्ही लिख्या सै? 24अन्त म्ह योराम मरकै अपणे पुरखां कै गैल जा मिल्या अर उनकै बीच दाऊदपुर#8:24 दाऊदपुर यरुशलेम म्ह उस ताहीं माट्टी दी गई; अर उसका बेट्टा अहज्याह उसकी जगहां पै राज करण लाग्या।
यहूदी अहज्याह का राज्य
25अहाब के बेट्टे इस्राएल के राजा योराम के राज के बारहवें साल म्ह यहूदा के राजा यहोराम का बेट्टा अहज्याह राज करण लाग्या। 26जिब अहज्याह राजा बण्या, फेर बाईस साल का था, अर यरुशलेम म्ह एके साल राज करया। अर उसकी माँ का नाम अतल्याह था, जो इस्राएल के राजा ओम्री की पोत्ती थी। 27अहज्याह अहाब के घरान्ने की चाल चल्या, अर अहाब के घरान्ने कै बराबर वो काम करदा रहया था, जो यहोवा की नजर म्ह बुरा सै, क्यूँके वो अहाब के घरान्ने का जमाई था। 28वो अहाब के बेट्टे योराम कै गैल गिलाद के रामोत म्ह अराम के राजा हजाएल तै लड़ण नै गया, अर अरामियां नै योराम ताहीं घायल करया। 29राजा योराम ज्यांतै बोहड़ ग्या, के यिज्रेल के शहर म्ह उन जख्मां का ईलाज करावै, जो उस ताहीं अरामियां कै हाथ तै उस बखत लाग्गे, जिब वो हजाएल कै गैल लड़ रहया था। अर अहाब का बेट्टा योराम तो यिज्रेल म्ह रोगी था, इस कारण यहूदा के राजा यहोराम का बेट्टा अहज्याह उसनै देखण गया।
S'ha seleccionat:
2 राजाओं 8: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.