2 इतिहास 9
9
शेबा की राणी का सुलैमान तै मिलणा
1जिब शेबा की राणी नै सुलैमान की कीर्ति सुणी, फेर वा मुश्किल-मुश्किल सवालां तै उसकी परीक्षा करण खात्तर यरुशलेम नै चाल्ली। वा घणा भारी दल अर मसाल्यां अर घणे सोन्ने अर मणि तै लदे ऊँट गैल लिये होए आई, अर सुलैमान के धोरै पोहचकै उसतै अपणे मन की सारी बात्तां कै बारै म्ह बात करी#9:1 बारै म्ह बात करी 1 राजा 10:1-2। 2अर सुलैमान नै उसके सारे सवालां का जवाब दिया, कोए बात सुलैमान की बुद्धि तै इसी बाहर ना रही के वो उस ताहीं ना बता सकै। 3जिब शेबा की राणी नै सुलैमान की बुद्धिमानी अर उसका बणाया होया भवन देख्या, 4अर उसकी मेज पै का भोजन, अर उसके कर्मचारी किस रीति बैठदे, अर उसके टहलुए किस रीति खड़े रहन्दे अर किसे-किसे कपड़े पहरे रहवै सैं, अर उसके पिलाण आळे किसे सैं, अर वे किसे कपड़े पहरै सैं, अर वो किसी चढ़ाई सै जिसतै वो यहोवा के भवन म्ह जाया करै सै, जिब उसनै यो सारा देख्या, फेर वो हैरान होगी।
5फेर उसनै राजा तै कह्या, “मन्नै तेरे काम्मां अर बुद्धिमानी की जो चर्चा अपणे देश म्ह सुणी वा सच ए सै। 6पर जिब ताहीं मन्नै आप आकै अपणी आँखां तै यो ना देख्या, तब ताहीं मन्नै उनपै बिश्वास ना करया; पर तेरी बुद्धि की आध्धी बड़ाई भी मेरे ताहीं ना बताई गई थी; तू उस कीर्ति तै बढ़कै सै जो मन्नै सुणी थी#9:6 बढ़कै सै जो मन्नै सुणी थी 1 राजा 10:7। 7धन्य सैं तेरे माणस, धन्य सैं तेरे ये सेवक, जो रोज तेरै स्याम्ही उपस्थित रहकै तेरी बुद्धि की बात सुणै सैं। 8धन्य सै तेरा परमेसवर यहोवा, जो तेरे तै इसा खुश होया, के तेरे ताहीं अपणी राजगद्दी पै ज्यांतै विराजमान करया के तू अपणे परमेसवर यहोवा की और तै राज करै; तेरा परमेसवर जो इस्राएल तै प्रेम करकै उननै सदा खात्तर स्थिर करणा चाहवै था, इस कारण उसनै तेरे ताहीं न्याय अर धार्मिकता करण नै उनका राजा बणा दिया।” 9उसनै राजा ताहीं एक सौ बीस किक्कार सोन्ना#9:9 एक सौ बीस किक्कार सोन्ना चार टन तै घणा सोन्ना, भोत सा सुगन्ध-द्रव्य, अर मणि#9:9 मणि बहुमूल्य पत्थर दिए; जिस तरियां के सुगन्ध-द्रव्य शेबा की राणी नै राजा सुलैमान तै दिए, उस तरियां के देखण म्ह न्ही आए।
10फेर हीराम अर सुलैमान दोन्नु के जहाजी जो ओपीर तै सोन्ना ल्याया करदे, वे चन्दन की लाकड़ी अर मणि भी ल्याया करदे। 11राजा नै चन्दन की लाकड़ी तै यहोवा के भवन अर राजभवन कै खात्तर चबूतरे अर गाण आळयां खात्तर वीणा अर सारंगी बणवाई; इसी चीज उसतै पैहले यहूदा परदेस म्ह ना दिखाई पड़ी थी। 12फेर शेबा की राणी नै जो किमे चाह्या वोए राजा सुलैमान नै उस ताहीं उसकी इच्छा कै मुताबिक दिया; यो उसतै घणा था, जो वा राजा कै धोरै ले आई थी। फेर वा अपणे माणसां समेत अपणे देश म्ह बोहड़गी।#9:12 1 राजा 10:13
सुलैमान का धन अर शक्ति
13जो सोन्ना हर साल सुलैमान कै धोरै पोहचै करै था, उसका तौल छः सौ छियासठ किक्कार#9:13 छः सौ छियासठ किक्कार 22,644 किलो था। 14यो उसतै घणा था जो सौदागर अर व्यापारी ल्याया करदे; अर अरब देश के सारे राजा अर देश के अधिपति भी सुलैमान कै धोरै सोन्ना-चाँदी ल्याया करदे। 15राजा सुलैमान नै सोन्ना गढ़ा कै दो सौ बड़ी-बड़ी ढाल बणवाई; एक-एक ढाल म्ह छः-छः सौ शेकेल गढ़या होया सोन्ना लाग्या। 16फेर उसनै सोन्ना गढ़ा कै तीन सौ छोट्टी ढाल और भी बणवाई; एक-एक छोट्टी ढाल म्ह तीन सौ शेकेल सोन्ना लाग्या, अर राजा नै उन ताहीं लबानोन का बण नाम के महल म्ह धर दिया। 17राजा नै हाथी दाँत का एक बड़ा सिंहासन बणाया अर शुद्ध सोन्ने तै मढ़ाया। 18उस सिंहासन म्ह छः सीढ़ियाँ अर सोन्ने का एक पायदान था; ये सारे सिंहासन तै जुड़े थे, अर बैठण की जगहां के दोन्नु और टेक लाग्गी थी अर दोन्नु टेकां कै धोरै एक-एक शेर खड्या होया बण्या था। 19छहों सीढ़ियाँ के दोन्नु और एक-एक शेर खड्या होया बण्या था, वे सारे बारहा होए। किसे कै राज म्ह इसा कदे भी ना बण्या। 20राजा सुलैमान के पीण के सारे बरतन सोन्ने के थे, अर लबानोन का बण नाम के महल के सारे बरतन भी शुद्ध सोन्ने के थे; सुलैमान के दिनां म्ह चाँदी का कोए मोल ना था। 21क्यूँके हीराम के जहाजियां के गैल राजा सुलैमान के जहाज तर्शीश म्ह जाया करदे, अर तीन-तीन साल के बाद तर्शीश के ये जहाज सोन्ना, चाँदी, हाथी दाँत, बन्दर अर मोर ले आया करदे।
22आखर राजा सुलैमान धन अर बुद्धि म्ह धरती के सारे राजयां तै बढ़कै होग्या। 23धरती के सारे राजा#9:23 धरती के सारे राजा यानिके उस क्षेत्र के सारे राजा यानिके वे सारे राजा जिनके राज्य सुलैमान के साम्राज्य म्ह जुड़ गए थे। सुलैमान की उस बुद्धि की बात सुणण नै जो परमेसवर नै उसके मन म्ह पैदा करी थी उसका दर्शन करणा चावै थे। 24वे हर साल अपणी-अपणी भेंट यानिके चाँदी अर सोन्ने के बरतन, वस्त्र-शस्त्र, सुगन्ध-द्रव्य, घोड़े अर खच्चर ले आया करदे। 25अपणे घोड़यां अर रथां खात्तर सुलैमान के च्यार हजार घुड़साळ#9:25 घुड़साळ घोड़े राक्खण की जगहां अर बारहा हजार घुड़सवार भी थे, जिन ताहीं उसनै रथां के नगरां म्ह अर यरुशलेम म्ह राजा कै धोरै ठहरा राख्या। 26वो फरात नदी तै पलिश्तियाँ के देश अर मिस्र की सीमा ताहीं के सारे राजयां पै प्रभुता करै था। 27राजा नै इसा करया के बहुतायत के कारण यरुशलेम म्ह चाँदी का मोल पत्थरां का सा अर देवदार का मोल नीच्चै के देश के गूलरां का सा होग्या। 28माणस मिस्र तै अर दुसरे सारे देशां तै सुलैमान खात्तर घोड़े ल्याया करदे।
सुलैमान की मौत
29शरु तै आखिर ताहीं सुलैमान के और सारे काम नातान नबी की किताब म्ह, अर शीलोवासी अहिय्याह की नबूवत की किताब म्ह, अर नबात के बेट्टे यारोबाम के बारै म्ह इद्दो दर्शी के दर्शन की किताब म्ह लिक्खे सैं। 30सुलैमान नै यरुशलेम म्ह सारे इस्राएल पै चाळीस साल ताहीं राज करया। 31फेर सुलैमान अपणे पुरखां कै गैल जा मिल्या अर उसतै उसके पिता दाऊद के नगर म्ह माट्टी दी गई; अर उसका बेट्टा रहबाम उसकी जगहां पै राजा होया।
S'ha seleccionat:
2 इतिहास 9: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.