2 इतिहास 30
30
हिजकिय्याह जरिये फसह के त्यौहार की तैयारी
1फेर हिजकिय्याह नै सारे इस्राएल अर यहूदा म्ह कुह्वा भेज्जा, अर एप्रैम अर मनश्शे कै धोरै इस ऊमीद तै पत्र लिख भेज्जे, के थम यरुशलेम म्ह यहोवा के भवन म्ह इस्राएल के परमेसवर यहोवा खात्तर फसह#30:1 फसह यो मूसा के बखत म्ह मिस्र तै इस्राएल के छुटकारै की खुशी मनाण आळा धार्मिक त्यौहार था मनाण नै आओ। 2राजा अर उसके हाकिमां अर यरुशलेम की मण्डळी नै सलाह करी थी के फसह नै दुसरे महिन्ने म्ह मनावै। 3वे उसनै उस बखत इस कारण न्ही मना सकै थे, क्यूँके थोड़े ए याजकां नै अपणे-आपनै पवित्र करया था, अर प्रजा के माणस यरुशलेम म्ह कठ्ठे न्ही होए थे। 4या बात राजा अर सारी मण्डळी नै आच्छी लाग्गी। 5फेर उननै यो ठहरा दिया, के बेर्शेबा शहर तै लेकै दान के सारे इस्राएलियाँ म्ह यो प्रचार करया जावै, के यरुशलेम म्ह इस्राएल के परमेसवर यहोवा खात्तर फसह मनाण नै चले आओ; क्यूँके उननै इतणी बड़ी संख्या म्ह उस ताहीं इस तरियां न्ही मनाया था जिसा के व्यवस्था म्ह लिख्या सै। 6ज्यांतै हरकारे#30:6 हरकारे पत्रवाहक शायद जानलेवा थे जो राजा के पैहरेदारां का एक भाग थे। (2 राजा. 10:25) राजा अर उसके हाकिमां तै चिट्ठियाँ लेकै, राजा के हुकम कै मुताबिक सारे इस्राएल अर यहूदा म्ह घूमे, अर यो कहन्दे गए, “हे इस्राएलियों! अब्राहम, इसहाक, अर इस्राएल के परमेसवर यहोवा की और फिरो, के वो अश्शूर के राजयां कै हाथ तै बचे होए थम माणसां की और मुड़ै। 7अर अपणे पुरखां अर भाईयाँ के बराबर मत बणो, जिन नै अपणे पूर्वजां के परमेसवर यहोवा तै बिश्वासघात करया था, अर उसनै उन ताहीं हैरान होण का कारण कर दिया, जिसा के थम खुद देख रहे सो। 8इब अपणे पुरखां की तरियां हठ ना करो, बल्के यहोवा कै अधीन होकै उसकी उस पवित्र जगहां म्ह आओ जिस ताहीं उस नै सदा खात्तर पवित्र करया सै, अर अपणे परमेसवर यहोवा की उपासना करो, के उसका भड़क्या होया गुस्सा थारे पै तै दूर हो जावै। 9जै थम यहोवा की और फिरोगे तो जो थारे भाईयाँ अर बाल-बच्यां नै बन्दी बणाकै लेगे सैं, वे उनपै दया करैगें, अर वे इस देश म्ह बोहड़ सकैगें क्यूँके थारा परमेसवर यहोवा अनुग्रहकारी अर दयालु सै, अर जै थम उसकी और फिरोगे तो वो अपणा मुँह थारे तै ना मोड़ैगा।”
10इस तरियां हरकारे एप्रैम अर मनश्शे के देशां म्ह नगर-नगर होन्दे होए जबूलून क्षेत्र ताहीं गए; पर उननै उनका मजाक उड़ाया, अर उन ताहीं हाँस्सी म्ह उड़ाया। 11फेर भी आशेर, मनश्शे अर जबूलून गोत्र म्ह तै कुछ माणस दीन होकै यरुशलेम म्ह आए। 12यहूदा म्ह भी परमेसवर की इसी शक्ति होई, के वे एक मन होकै, जो हुकम राजा हिजकिय्याह अर हाकिमां ताहीं यहोवा के वचन कै मुताबिक दिया था, उस ताहीं मानण नै त्यार होए।
फसह का मनाया जाणा
13इस तरियां घणे माणस यरुशलेम म्ह ज्यांतै कठ्ठे होए, के दुसरे महिन्ने म्ह अखमीरी रोट्टी का त्यौहार मान्नै। अर भोत बड़ी सभा कठ्ठी होगी#30:13 अखमीरी रोट्टी का त्यौहार सात दिन का त्यौहार था जो महिन्ने के पन्द्रहवें दिन तै दुसरे दिन तक चाल्या करदा। (2 इतिहास 8.13)। 14उननै उठकै, यरुशलेम म्ह की वेदी अर धूप जळाण की सारी जगहां ताहीं ठाकै किद्रोन नाळे म्ह फेंक दिया। 15फेर दुसरे महिन्ने के चौदहवें दिन म्ह उननै फसह के पशुबलि करे फेर याजक अर लेवीय लज्जित होए अर अपणे-आपनै पवित्र करकै होमबलियाँ ताहीं यहोवा के भवन म्ह ले आए। 16वे अपणे नियम कै मुताबिक, यानिके परमेसवर के जन मूसा के नियम-कायदे कै मुताबिक, अपणी-अपणी जगहां पै खड़े होए, अर याजकां नै बलिदान करे होए खून ताहीं लेवियाँ के हाथ तै लेकै छिड़क दिया। 17क्यूँके सभा म्ह घणे इस्से थे जिननै अपणे आप ताहीं पवित्र न्ही करया था; ज्यांतै सारे अशुद्ध माणसां के फसह के पशुआं ताहीं बलि करण का हक लेवियाँ ताहीं दिया गया, के उननै यहोवा कै खात्तर पवित्र करैं#30:17 यूहन्ना 11:55। 18घणे माणसां नै यानिके एप्रैम, मनश्शे, इस्साकार अर जबूलून म्ह तै घण्या ए नै अपणे आप ताहीं शुद्ध न्ही करया था, फेर भी वे फसह के पशु का माँस लिक्खी होई विधि कै खिलाफ खावै थे। क्यूँके हिजकिय्याह नै उनकै खात्तर यो प्रार्थना करी थी, “यहोवा जो भला सै, वो उन सारया के पाप ढक दे; 19जो परमेसवर की यानिके अपणे पूर्वजां के परमेसवर यहोवा की खोज म्ह मन लगाऐ होए सैं, चाए वे पवित्र जगहां की विधि कै मुताबिक शुद्ध भी ना हों।” 20अर यहोवा नै हिजकिय्याह की या प्रार्थना सुणकै माणसां ताहीं ठीक करया। 21जो इस्राएली यरुशलेम म्ह उपस्थित थे, वे सात दिन ताहीं अखमीरी रोट्टी का त्यौहार बड़े आनन्द तै मनान्दे रहे; अर रोज लेवीय अर याजक ऊँच्चे शब्द के बाज्जे यहोवा खात्तर बजाकै यहोवा की स्तुति करदे रहे। 22जितने लेवीय यहोवा का भजन बुद्धिमानी कै गैल करै थे, उनतै हिजकिय्याह नै शान्ति के वचन कहे। इस तरियां वे मेलबलि चढ़ाकै अर अपणे पूर्वजां के परमेसवर यहोवा कै धोरै अंगीकार करदे रहे अर उस नियत त्यौहार के सात्तु दिन ताहीं खान्दे रहे।
फसह का दुसरी बार मनाया जाणा
23फेर सारी सभा नै सलाह करी के हम और सात दिन त्यौहार मनावांगे; आखर उननै और सात दिन आनन्द तै त्यौहार मनाया।#30:23 त्यौहार मनाया। यो विधान म्ह स्वैच्छिक परिवर्धन था, समय का लक्षण दर्शाने वाला भोत घणा जोश का नतिज्जा एवं निशान। 24क्यूँके यहूदा के राजा हिजकिय्याह नै सभा ताहीं एक हजार बाछड़े अर सात हजार भेड़-बकरी दे दी, अर हाकिमां नै सभा म्ह एक हजार बाछड़े अर दस हजार भेड़-बकरी दी, अर भोत-से याजकां नै अपणे आप ताहीं पवित्र करया। 25फेर याजकां अर लेवियाँ समेत यहूदा की सारी सभा, अर इस्राएल तै आए होया की सभा, अर इस्राएल के देश तै आए होए, अर यहूदा म्ह रहणआळे परदेशी, इन सारया नै आनन्द करया। 26इस तरियां यरुशलेम म्ह बड़ा आनन्द होया, क्यूँके दाऊद के बेट्टे इस्राएल के राजा सुलैमान के दिनां तै इसी बात यरुशलेम म्ह ना होई थी। 27अन्त म्ह लेवीय याजकां नै खड़े होकै प्रजा ताहीं आशीर्वाद दिया, अर उनकी सुणी गई, अर उनकी प्रार्थना उसके पवित्र धाम ताहीं यानिके सुर्ग ताहीं पोहची।
S'ha seleccionat:
2 इतिहास 30: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.