2 इतिहास 19
19
येहू की फटकार
1यहूदा का राजा यहोशापात यरुशलेम म्ह अपणे भवन म्ह सही-सलामत बोहड़ ग्या। 2फेर हनानी नाम के दर्शी का बेट्टा येहू यहोशापात राजा तै भेंट करण नै आया अर उसतै कहण लाग्या, “के दुष्टां की मदद करणी#19:2 दुष्टां की मदद करणी अहाब एक मूर्तिपूजक था वो राज्य म्ह झूठा धर्म ल्याया जो नया तो था पर घणा भटकाण आळा था। इस कारण यहोशापात उसतै सम्बन्धित अलग करण पर बिरोध होया। अर यहोवा के बैरियाँ तै प्यार करणा चाहिये? इस काम कै कारण यहोवा की और तै तेरे पै छो भड़क्या सै। 3फेर भी तेरे म्ह किमे आच्छी बात पाई जावैं सैं। तन्नै तो देश म्ह तै अशेरा ताहीं नाश करया अर अपणे मन नै परमेसवर की खोज म्ह लगाया सै।”
यहोशापात के सुधार
4यहोशापात यरुशलेम म्ह रहवै था, अर उसनै बेर्शेबा नगर तै लेकै एप्रैम की पहाड़ी देश ताहीं अपणी प्रजा म्ह फेर दौरा करकै, उन ताहीं उनके पितरां के परमेसवर यहोवा की और मोड़ दिया। 5फेर उसनै यहूदा के एक-एक गढ़आळे नगर म्ह न्यायी ठहराए। 6अर यहोशापात नै न्यायियाँ ताहीं सलाह दी, “सोचो के, के करो सो, क्यूँके थम जो न्याय करोगे, वो माणस खात्तर न्ही, यहोवा खात्तर करोगे; अर वो न्याय करदे बखत थारे गैल रहवैगा। 7इब यहोवा का भय थारे म्ह बण्या रहवै; चौकसी तै काम करियो, क्यूँके म्हारे परमेसवर यहोवा म्ह किमे कुटिलता न्ही सै, अर ना वो किसे का पक्ष करै अर ना घूस लेवै सै#19:7 रोमियों 2:11।”
8यरुशलेम म्ह भी यहोशापात नै लेवियाँ अर याजकां अर इस्राएल के पितरां के घरान्यां के कुछ खास माणसां नै यहोवा की और तै न्याय करण अर मुकद्दमां नै जाँचण खात्तर#19:8 न्याय करण अर मुकद्दमां नै जाँचण खात्तर न्याय करण का अर्थ सै, धार्मिक अनिवार्यताओं से सम्बन्धित मतभेद सुळझाणा। ठैहराया। उनका न्याय-आसन यरुशलेम म्ह था। 9उसनै उनतै हुकम दिया, “यहोवा का भय मानकै, सच्चाई अर निष्कपट मन तै इसा करियो। 10थारे भाई जो अपणे-अपणे नगर म्ह रहवैं सैं, उन म्ह तै जिसका कोए मुकद्दमा थारै स्याम्ही आवै, चाए वो खून का हो, चाए नियम-कायदे, या किसे हुकम या विधि या नियम कै बारै म्ह हो, उननै चिता देणा के यहोवा कै बारै म्ह दोषी ना हो। इसा ना हो के थारे पै अर थारे भाईयाँ पै उसका छो भड़कै। इसा करो तो थम दोषी ना ठहरोगे। 11अर देक्खो, यहोवा कै बारै म्ह सारे मुकद्दमें म्ह तो अमर्याह महायाजक, अर राजा कै बारै म्ह सारे मुकद्दमें म्ह यहूदा के घरान्ने का प्रधान इश्माएल का बेट्टा जबद्याह थारे उप्पर अधिकारी सै; अर लेवीय थारे स्याम्ही सरदारां का काम करैंगे। ज्यांतै हिम्मत बाँधकै काम करो अर भले माणस कै गैल यहोवा रहवैगा।”
S'ha seleccionat:
2 इतिहास 19: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.