2 इतिहास 13
13
अबिय्याह का राज
1यारोबाम के राज्य के अठारहवें साल म्ह अबिय्याह#13:1 अबिय्याह उरै अहिय्याह के राज्यकाल का इतिहास राजयां के वृत्तान्त की किताब म्ह भोत घणा विस्तृत सै, विशेष करकै यारोबाम के साथ उसका युद्ध। यहूदा पै राज करण लाग्या। 2वो तीन साल ताहीं यरुशलेम म्ह राज करदा रह्या, अर उसकी माँ का नाम मीकायाह था; जो गिबा नगर के ऊरीएल की बेट्टी थी।
फेर अबिय्याह अर यारोबाम कै बीच म्ह लड़ाई होई। 3अबिय्याह नै तो बड़े योद्धाओं का दल, यानिके च्यार लाख छाँटे होए माणस लेकै लड़ण खात्तर पाँति बँधाई, अर यारोबाम नै आठ लाख छाँटे होए माणस जो बड़े शूरवीर थे, लेकै उसकै खिलाफ पाँति बँधाई। 4फेर अबिय्याह समारैम नाम के पहाड़ पै, जो एप्रैम के पहाड़ी देश म्ह सै, खड्या होकै कहण लाग्या, “हे यारोबाम, हे सारे इस्राएलियों, मेरी सुणो। 5के थमनै न्ही जाणणा चाहिए, के इस्राएल के परमेसवर यहोवा नै नूण आळे करार बाँधकै दाऊद ताहीं अर उसके वंश ताहीं इस्राएल का राज सदा खात्तर दे दिया सै#13:5 नूण के करार का अर्थ सै के करार अटूट था। 6फेर भी नबात का बेट्टा यारोबाम जो दाऊद के बेट्टे सुलैमान का कर्मचारी था, वो अपणे स्वामी के खिलाफ उठ्या सै। 7उसके धोरै हळके अर ओच्छे माणस कठ्ठे होगे सैं अर जिब सुलैमान का बेट्टा रहबाम छोरा अर अल्हड़ मन#13:7 अल्हड़ मन कम अनुभव आळा जवान का था अर उनका सामना ना कर सकै था, फेर वे उसकै खिलाफ सामर्थी होगे। 8इब थम सोचो सो के हम यहोवा के राज का सामना करांगे, जो दाऊद की सन्तान के हाथ म्ह सै; क्यूँके थम सारे मिलकै बड़ा समाज बणगे सो अर तेरे धोरै वे सोन्ने के बाछड़े भी सैं जिन ताहीं यारोबाम नै थारे देवता होण खात्तर बणवाया। 9के थमनै यहोवा के याजकां ताहीं, यानिके हारुन की सन्तान अर लेवियाँ ताहीं लिकाड़कै देश-देश के माणसां कै बराबर याजक नियुक्त न्ही कर लिए? जो कोए एक बाछड़ा अर सात मिंढे अपणा संस्कार कराण नै ले आन्दा, वो उनका याजक हो जावै सै जो ईश्वर न्ही सै#13:9 यिर्मयाह. 2:11। 10पर हम माणसां का परमेसवर यहोवा सै अर हमनै उस ताहीं न्ही नकारा, अर म्हारे धोरै यहोवा की सेवा टहल करण आळे याजक, हारुन की सन्तान अर अपणे-अपणे काम म्ह लाग्गे होए लेवीय सैं। 11वे रोज सबेरै अर शाम नै यहोवा खात्तर होमबलि अर सुगन्ध-द्रव्य का धूप जळावैं सैं, अर शुद्ध मेज पै भेंट की रोट्टी सजावै अर सोन्ने की दीवट अर उसके दीवे साँझ-साँझ नै जळावैं सैं; हम तो अपणे परमेसवर यहोवा के हुकमां नै मान्दे रहे सां, पर थमनै उस ताहीं त्याग दिया सै। 12देक्खो, म्हारे गैल म्हारा प्रधान परमेसवर सै, अर उसके याजक थारे खिलाफ साँस बाँधकै फूँकण नै तुरहियाँ लिये होए भी म्हारे गैल सैं। हे इस्राएलियों अपणे पूर्वजां के परमेसवर यहोवा तै मत लड़ो, क्यूँके थम सफल ना होओगे।”
13पर यारोबाम नै घातकां ताहीं उनकै पाच्छै भेज दिया, वे तो यहूदा कै स्याम्ही थे, अर घातक उनकै पाच्छै थे। 14जिब यहूदियाँ नै पाच्छै मुँह फेरया, तो देख्या के म्हारे आग्गै अर पाच्छै दोन्नु ओड़ तै लड़ाई होण आळी सै; फेर उननै यहोवा की दुहाई दी, अर याजक तुरहियाँ नै फूँकण लाग्गे। 15फेर यहूदी माणसां नै जयजयकार करया, अर जिब यहूदी माणसां नै जयजयकार करया, फेर परमेसवर नै अबिय्याह अर यहूदा कै स्याम्ही, यारोबाम अर सारे इस्राएलियाँ ताहीं मारया। 16फेर इस्राएली यहूदा कै स्याम्ही तै भाज्जे, अर परमेसवर नै उन ताहीं उनके हाथ म्ह कर दिया। 17अबिय्याह अर उसकी प्रजा नै उन ताहीं बड़ी मार तै मारया, उरै ताहीं के इस्राएल म्ह तै पाँच लाख छाँटे होए माणस मारे गए। 18उस बखत तो इस्राएली दबगे, अर यहूदा की सेना इस कारण हावी होई के उननै अपणे पितरां के परमेसवर यहोवा पै भरोस्सा राख्या था। 19फेर अबिय्याह नै यारोबाम का पिच्छा करकै उसतै बेतेल, यशाना अर एप्रोन नगरां अर उनके गाम्मां ताहीं ले लिया। 20अबिय्याह के जीवन भर यारोबाम फेर सामर्थी ना होया; अर यहोवा नै उस ताहीं इसा मारया#13:20 यहोवा नै उस ताहीं इसा मारया यारोबाम की मृत्यु उसके पापां के दण्ड का नतिज्जा था। के वो मर ग्या। 21पर अबिय्याह और भी सामर्थी होग्या अर चौदाह जनान्नी ब्याह ली जिनतै बाईस बेट्टे अर सोलह बेट्टी पैदा होई। 22अबिय्याह के काम अर उसका चाल चलण, अर उसके वचन, इद्दो नबी की कथा म्ह लिखे सैं।
S'ha seleccionat:
2 इतिहास 13: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.