Wulo Mukenye
Mukenye
Pɔɔlo kɛlata ne mɔɔ ɔhɛlɛle ɔhɔmanle Wulomuma la, ɔhɛlɛle ɔvale ɔkpakyele adenle wɔ ɔdaye Pɔɔlo ye akpɔsa mɔɔ yehyehyɛ kɛ ɔbahɔ wɔ Wulomu yeahɔkpɔla asɔnema mɔɔ wɔ ɛkɛ ne la. Pɔɔlo adwenle a le kɛ ɔ nee Kelaese ɛdoavolɛma mɔɔ wɔ ɛkɛ ne la kayɛ gyima mekɛ ekyi bie, na akee ɔlua bɛ moalɛ zo yeahɔ Sepeen. Ɔhɛlɛle ɔhilele ye ndelebɛbo wɔ Kelease ɛdoavolɛma diedi ne anwo nee kɛ ɔwɔ kɛ ɔsi ɔfinde Kelease ɛdoavolɛ biala ɛbɛla ɛbɔlɛ nu la. Pɔɔlo edwɛkɛ kpɔkɛ mɔɔ di munli bɔkɔɔ wɔ ye nolobɔlɛ ne anwo la wɔ buluku ne anu.
Pɔɔlo bizale asɔnema mɔɔ wɔ Wulomu la ahye, na ɔhanle kɛ ɔsi ɔsɛlɛ ɔmaa bɛ la anwo edwɛkɛ ɔwiele la, akee ɔhanle deɛ mɔɔ gyi ɔ nyunlu mɔɔ yemɔti ɔhɛlɛle kɛlata ne la kɛ, “Edwɛkpa ne kile kɛ Nyamenle si maa menli sɔ ɔ nye la; ɔlua diedi zo, ɔvi mɔlebɛbo ne kɔdwu awieleɛ” (1.17).
Pɔɔlo akee kilehile kpɔkɛ ɛhye anu zɛhae: Aleɛabo amra amuala, Dwuuma o, bɛdabɛ mɔɔ bɛnle Dwuuma la o, ɔwɔ kɛ bɛmaa bɛsɔ Nyamenle anye, ɔluakɛ bɛ muala bɛwɔ ɛtane tumi ne abo. Menli dua bɛ diedi mɔɔ wɔ Gyisɛse Kelaese anu la azo a sɔ Nyamenle anye a. Pɔɔlo eza kilehile ɛbɛla ɛbɔlɛ fofolɛ ne mɔɔ bɛdabɛ mɔɔ bɛ nee Kelaese le ko la bɔ wɔ mekɛ mɔɔ bɛkɛnwu Nyamenle la. Nyamenle Sunsum ne kpɔne diedinli ne fi ɛtane nee ewule tumi bo na ɔmaa ɔ nzo nu dwo ye kɛ yenwu Nyamenle a. Wɔ mgbakyelɛ 5-8 ne mɔ anu, Pɔɔlo eza kilehile Nyamenle Mɛla ne deɛ mɔɔ ɔgyi zolɛ la anu, nee kɛ Nyamenle Sunsum ne si di gyima wɔ diedinli ne ɛbɛla nu la. Akee ɛzoanvolɛ ne ka Dwuuma nee bɛdabɛ mɔɔ bɛnle Dwuuma la edwɛkɛ, nee kɛ ko biala si ba Nyamenle ngyehyɛlɛ ne mɔɔ ɔlɛ ɔmaa aleɛabo amra amuala la anu la. Awieleɛ ne, ɛzoanvolɛ ne kile nu kɛ Dwuuma ɛkpolɛ mɔɔ kpole Gyisɛse Kelaese la le Nyamenle ngyehyɛlɛ mɔɔ ɔfa yealua zolɛ yeava aleɛabo amra amuala yeara Nyamenle ɛlolɛ ne abo wɔ Gyisɛse Kelease ati na ɔdie ɔdi kɛ Dwuuma ɛnrɛhɔ zolɛ ɛnrɛkpo Gyisɛse dahuu. Akee Pɔɔlo kilehile kɛ ɔwɔ kɛ Kelaese ɛdoavolɛ biala si bɔ ye ɛbɛla la, bɔbɔ mɔɔ fane bɛ nwo ngoko ɛhulolɛ la anwo. Akee ɔvale ninyɛne mɔɔ le kɛ Nyamenle ɛzonlenlɛ, Kelaese ɛdoavolɛma gyima mɔɔ ɔwɔ kɛ di maa maanle ne nee bɛ nwo ngoko, yɛɛ adwenle nu wienyi ɛyɛlɛ nwo edwɛkɛ ɔhanle. Akee ɔvale ɔdaye ye nrɛlaleɛ nee Nyamenle ayɛlɛyelɛ ɔwiele kɛlata ne.
Mɔɔ wɔ nu la
Ngilenu nee kɛlata ne kpɔkɛ mɔɔ gyi zolɛ la 1.1-17
Sonla hyia ngoanelielɛ 1.18—3.20
Nyamenle ngoanelielɛ nwo adenle 3.21—4.25
Kelaese anu ɛbɛla ɛbɔlɛ fofolɛ 5.1—8.39
Yizilayɛma nee Nyamenle ngyehyɛlɛ ne 9.1—11.36
Kelaese ɛdoavolɛma nyɛleɛ 12.1—15.13
Ahyebizalɛ nee adwulaleɛ 15.14—16.27
S'ha seleccionat:
Wulo Mukenye: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.