Wulo 16
16
Ahye ɛbizalɛ
1Mekanvo adiema Fobi, mɔɔ le sonvolɛ raalɛ wɔ Sɛnkilia asɔne ne anu la meahile bɛ. 2Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.
3 #
Gyi 18.2
Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye. 4Bɛvale bɛ ngoane bɛdole me ti nzeleba na bɛnwunle amaneɛ dɔɔnwo. Meyɛ bɛ mo somaa; na tɛ me ngome bɔbɔ o, menli mɔɔ ɛnle Dwuuma la asɔne ne mɔ amuala yɛ bɛ mo somaa. 5Mebiza asɔnema mɔɔ dahuu yia nu wɔ bɛ sua nu ɛkɛ yɛ nzɛlɛlɛ la noko ahye.
Mebiza me gɔnwo kpalɛ Ɛpaenɛtɛse mɔɔ yemɔ a le sonla mɔɔ lumuale liele Kelaese lile wɔ Ehyea maanle ne anu la ahye. 6Mebiza Mɛle mɔɔ ɔdaye noko yeyɛ gyima kpole kpalɛ wɔ bɛ nu wɔ lɔ la ahye. 7Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase,#16.7 Dwuniase: anzɛɛ Dwulia. mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.
8Mebiza Ampeleatɛse ahye. Ɔle me gɔnwo kpalɛ wɔ Awulae ɛzonlenlɛ ye anu. 9Mebiza Ɛbeenɛse mɔɔ yɛ muala a yɛyɛ Kelaese gyima ye la, nee Setakese mɔɔ ɔdaye ɔle me gɔnwo la ahye. 10Mebiza Apɛlizi. Ye nɔhalɛlilɛ sɔ Kelaese anye. Mebiza bɛdabɛ mɔɔ bɛwɔ Alesetobulɛse abusua nu la amuala ahye. 11Mebiza me busuanli Dwuunli Hilodeɔn nee mediema mɔɔ doa Kelaese abo zo na bɛwɔ Naasesɛse abusua nu la amuala ahye.
12Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo. 13#Mak 15.21 Mebiza Wulufɛse ahye. Ɔle sonla mɔɔ anwo ɛnla aze wɔ Awulae gyima ye anu a. Mebiza ɔ nli noko; ɔyɛle me kɛ ɔ ra la. 14Mebiza Asenkeletɛse, Felɛgɔn, Hɛmɛse, Patulobase, Hɛmase, yɛɛ mediema Kelaese ɛdoavolɛma mɔɔ nee bɛ de la amuala ahye. 15Mebiza Felɔlɔgɛse nee Dwulia, Niliyuso nee ɔ diema raalɛ ne, Ɔlempase yɛɛ Nyamenle menli mɔɔ wɔ bɛ nwo ɛkɛ ne la amuala ahye.
16Bɛva mediema ɛhulolɛ bɛyɛ bɛ nwo atuu dahuu. Kelaese asɔnema ne amuala biza bɛ ahye somaa.
Awieleɛ folɛdulɛ
17Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo. 18Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle. 19Awie biala ɛde bɛ nganeɛ wɔ bɛ nɔhalɛlilɛ wɔ Edwɛkpa ne anwo, yemɔti me nye die bɛ nwo kpole kpalɛ. Mekpondɛ kɛ bɛnwu nrɛlɛbɛ wɔ mɔɔ le kpalɛ la anwo na bɛkpɔlɔkpɔla bɛ sa anwo bɔkɔɔ bɛfi ɛtane nwo. 20Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo.
[Yɛ Awulae ɛlolɛ ne nee bɛ ɛdɛnla.]
21Me gɔnwo gyimayɛvolɛ Temɔte biza bɛ muala ahye. Luseɛse, Gyeesen, yɛɛ Sosepatɛ mɔɔ bɛdabɛ noko bɛle Dwuuma la se bɛbiza bɛ ahye.
22Medame Tɛhyeɛse, mɔɔ hɛlɛle kɛlata ɛhye la, melua Awulae duma nu mebiza bɛ ahye.
23Me sokoɛvolɛ Gayɛse mɔɔ ye sua nu a yɛyia yɛyɛ nzɛlɛlɛ la biza bɛ ahye. Yilasetɛse, maanle gyaneavolɛ ne nee yɛ diema Koatɛse biza bɛ ahye.
[ 24Awulae Gyisɛse Kelaese ɛlo bɛ na ɔ nee bɛ muala ɛdɛnla. Amen.]
Adwulaleɛ ayɛlɛyelɛ nzɛlɛlɛ
25-27Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la.
Anyunlunyia ɛha Nyamenle dahuu! Amen.
S'ha seleccionat:
Wulo 16: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.
Wulo 16
16
Ahye ɛbizalɛ
1Mekanvo adiema Fobi, mɔɔ le sonvolɛ raalɛ wɔ Sɛnkilia asɔne ne anu la meahile bɛ. 2Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.
3 #
Gyi 18.2
Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye. 4Bɛvale bɛ ngoane bɛdole me ti nzeleba na bɛnwunle amaneɛ dɔɔnwo. Meyɛ bɛ mo somaa; na tɛ me ngome bɔbɔ o, menli mɔɔ ɛnle Dwuuma la asɔne ne mɔ amuala yɛ bɛ mo somaa. 5Mebiza asɔnema mɔɔ dahuu yia nu wɔ bɛ sua nu ɛkɛ yɛ nzɛlɛlɛ la noko ahye.
Mebiza me gɔnwo kpalɛ Ɛpaenɛtɛse mɔɔ yemɔ a le sonla mɔɔ lumuale liele Kelaese lile wɔ Ehyea maanle ne anu la ahye. 6Mebiza Mɛle mɔɔ ɔdaye noko yeyɛ gyima kpole kpalɛ wɔ bɛ nu wɔ lɔ la ahye. 7Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase,#16.7 Dwuniase: anzɛɛ Dwulia. mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.
8Mebiza Ampeleatɛse ahye. Ɔle me gɔnwo kpalɛ wɔ Awulae ɛzonlenlɛ ye anu. 9Mebiza Ɛbeenɛse mɔɔ yɛ muala a yɛyɛ Kelaese gyima ye la, nee Setakese mɔɔ ɔdaye ɔle me gɔnwo la ahye. 10Mebiza Apɛlizi. Ye nɔhalɛlilɛ sɔ Kelaese anye. Mebiza bɛdabɛ mɔɔ bɛwɔ Alesetobulɛse abusua nu la amuala ahye. 11Mebiza me busuanli Dwuunli Hilodeɔn nee mediema mɔɔ doa Kelaese abo zo na bɛwɔ Naasesɛse abusua nu la amuala ahye.
12Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo. 13#Mak 15.21 Mebiza Wulufɛse ahye. Ɔle sonla mɔɔ anwo ɛnla aze wɔ Awulae gyima ye anu a. Mebiza ɔ nli noko; ɔyɛle me kɛ ɔ ra la. 14Mebiza Asenkeletɛse, Felɛgɔn, Hɛmɛse, Patulobase, Hɛmase, yɛɛ mediema Kelaese ɛdoavolɛma mɔɔ nee bɛ de la amuala ahye. 15Mebiza Felɔlɔgɛse nee Dwulia, Niliyuso nee ɔ diema raalɛ ne, Ɔlempase yɛɛ Nyamenle menli mɔɔ wɔ bɛ nwo ɛkɛ ne la amuala ahye.
16Bɛva mediema ɛhulolɛ bɛyɛ bɛ nwo atuu dahuu. Kelaese asɔnema ne amuala biza bɛ ahye somaa.
Awieleɛ folɛdulɛ
17Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo. 18Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle. 19Awie biala ɛde bɛ nganeɛ wɔ bɛ nɔhalɛlilɛ wɔ Edwɛkpa ne anwo, yemɔti me nye die bɛ nwo kpole kpalɛ. Mekpondɛ kɛ bɛnwu nrɛlɛbɛ wɔ mɔɔ le kpalɛ la anwo na bɛkpɔlɔkpɔla bɛ sa anwo bɔkɔɔ bɛfi ɛtane nwo. 20Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo.
[Yɛ Awulae ɛlolɛ ne nee bɛ ɛdɛnla.]
21Me gɔnwo gyimayɛvolɛ Temɔte biza bɛ muala ahye. Luseɛse, Gyeesen, yɛɛ Sosepatɛ mɔɔ bɛdabɛ noko bɛle Dwuuma la se bɛbiza bɛ ahye.
22Medame Tɛhyeɛse, mɔɔ hɛlɛle kɛlata ɛhye la, melua Awulae duma nu mebiza bɛ ahye.
23Me sokoɛvolɛ Gayɛse mɔɔ ye sua nu a yɛyia yɛyɛ nzɛlɛlɛ la biza bɛ ahye. Yilasetɛse, maanle gyaneavolɛ ne nee yɛ diema Koatɛse biza bɛ ahye.
[ 24Awulae Gyisɛse Kelaese ɛlo bɛ na ɔ nee bɛ muala ɛdɛnla. Amen.]
Adwulaleɛ ayɛlɛyelɛ nzɛlɛlɛ
25-27Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la.
Anyunlunyia ɛha Nyamenle dahuu! Amen.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.