Wulo 15
15
Dwenle ɛ gɔnwo mɔ anwo
1Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala. 2Mɔɔ ɔwɔ kɛ yɛyɛ la a le kɛ yɛkɛmaa yɛ gɔnwo mɔ anye kɛlie bɛ nwo wɔ bɛ boɛlilɛ ti, amaa bɛ diedi anyi. 3#Edw 69.9 Ɔluakɛ Kelaese andwenle ɔdaye mumua ne ɔ nwo. Nyamenle Edwɛkɛ ne se, “Aholoba mɔɔ menli bɔle wɔ la ɛragua me nwo zo.” 4Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo. 5Nyamenle mɔɔ maa yɛgyinla kpundii na ɔmaa yɛ akɛnrazilɛ la, ɛboa bɛ ɛmaa bɛ muala bɛdɛnla anloanzɛlɛ nu, na bɛva Kelaese Gyisɛse agyakɛ, 6amaa bɛ muala kɔsɔɔti bɛava ɛnelɛ ko bɛaye yɛ Awulae Gyisɛse Kelaese ɔ ze Nyamenle ne ayɛlɛ.
Bɛdabɛ mɔɔ bɛnle Dwuuma la ɛnyia Edwɛkpa ne
7Zɔhane ati bɛlie bɛ nwo ngoko ngoko wɔ Nyamenle anyunlunyia ti, kɛmɔ Kelaese liele bɛ la. 8Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane, 9#2 Sam 22.50; Edw 18.49 na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se,
“Zɔhane ati mebaye wɔ ayɛlɛ
wɔ menli mɔɔ ɛnle Dwuuma la avinli.
Mebado ayɛlɛyelɛ edwɛne meayeyɛ wɔ”
10 #
Mɛla 32.43
Bieko, ɔse,
“Maanle maanlema mɔɔ ɛnle Dwuuma la,
bɛ nee Nyamenle menli ne
mɔɔ yekpa nu yeye bɛ la ɛli fɛlɛko.”
11 #
Edw 117.1
Eza ɔse,
“Bɛmɛ mɔɔ bɛnle Dwuuma la, bɛye Awulae ayɛlɛ;
menli kɔsɔɔti, bɛye ye ayɛlɛ.”
12 #
Aye 11.10
Ayezaya noko se,
“Gyɛsi anlɔnra bie bavinde;
ɔbara yearazie maanle maanle mɔɔ ɛnle Dwuuma la kɔsɔɔti,
na bɛdabɛ mɔɔ bɛnle Dwuuma la
bava bɛ rɛle awula ye nu.”
13Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.
Pɔɔlo anwosesebɛ mɔɔ ɔnyianle ye ɔhɛlɛle la
14Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko. 15Noko wɔ kɛlata ɛhye anu, mezi me kɛnra meha ninyɛne bie anwo edwɛkɛ mehakye bɛ adwenle wɔ nwolɛ. Menyɛle ye zɔhane, ɔlua gyinlabelɛ mɔɔ Nyamenle ɛva me ɛzie la ati, 16kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la. 17Zɔhane ati, Kelaese Gyisɛse ati, mekola mefa gyima mɔɔ meyɛ memaa me Nyamenle la metu me nwo. 18Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu, 19ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua. 20Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo. 21#Aye 52.15 Nyamenle Edwɛkɛ ne se,
“Bɛdabɛ mɔɔ bɛanga ɔ nwo edwɛkɛ bɛangile bɛ la banwu ye,
yɛɛ bɛdabɛ mɔɔ bɛtɛtele ɔ nwo edwɛkɛ ɛlɛ la
banyia ndelebɛbo.”
Pɔɔlo bahɔ Wulomu
22 #
Wulo 1.13
Ɛhye ati a mekɛ dɔɔnwo mɔɔ ɛze ɛhɔ la meannyia adenle meambamkpɔla bɛ la. 23Na kɛkala mɔɔ akee mewie me gyima di wɔ maanzinli ɛhye mɔ anu, na eza ɛvolɛ dɔɔnwo mɔɔ ɛraze ɛhɔ la mehulo kɛ menwɔra bɛ nwo lɔ la ati, 24me nye la kɛ akee mebara. Saa mese meahɔ Sepeen a mebava bɛ nwo ɛkɛ ne, amaa medi mekɛ ekyi wɔ bɛ nwo ɛkɛ a, bɛaboa me bɛamaa meazɔ me adendulɛ ne azo. 25#1 Kɔl 16.1-4 Kɛkala, melɛ nwanle bie mekamaa Nyamenle menli ne mɔɔ wɔ Gyɛlusalɛm la. 26Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la. 27#1 Kɔl 9.11 Ɔle bɛdabɛ bɛ ti anwo adwenle mɔɔ bɛvale ɛdeɛ, noko nɔhalɛ nu, bɛdi ɛzonle kɛ ɔwɔ kɛ bɛyɛ ye zɔhane na bɛboa bɛ. Kɛmɔ Dwuuma ɛmaa bɛdabɛ mɔɔ bɛnle Dwuuma la sunsum nu nyilalɛ ne bie la, ɔwɔ kɛ bɛdabɛ mɔɔ bɛnle Dwuuma la noko fa bɛ ɛbɛla nu nyilalɛ ne bie boa Dwuuma. 28Saa mewie gyima ɛhye di na mefa mɔɔ bɛnyia ye la mekɔmaa bɛ mewie a, mebaraze meahɔ Sepeen, na mebava bɛ nwo ɛkɛ ne mearakpɔla bɛ. 29Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.
30Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me. 31Bɛzɛlɛ kɛ Nyamenle kɛlie me kɛvi Dwudiyama ne mɔɔ ɛnlɛ diedi la asa anu, na eza me gyima mɔɔ mekali ye wɔ Gyɛlusalɛm la kɛzɔ Nyamenle menli ne mɔɔ wɔ ɛkɛ ne la anye, 32amaa saa ɔyɛ Nyamenle ɛhulolɛ a, meava anyelielɛ mearakpɔla bɛ. Medie medi kɛ meba a me nye balie. 33Nyamenle mɔɔ maa anzonudwolɛ la nee bɛ muala ɛdɛnla. Amen.
S'ha seleccionat:
Wulo 15: NB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.
Wulo 15
15
Dwenle ɛ gɔnwo mɔ anwo
1Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala. 2Mɔɔ ɔwɔ kɛ yɛyɛ la a le kɛ yɛkɛmaa yɛ gɔnwo mɔ anye kɛlie bɛ nwo wɔ bɛ boɛlilɛ ti, amaa bɛ diedi anyi. 3#Edw 69.9 Ɔluakɛ Kelaese andwenle ɔdaye mumua ne ɔ nwo. Nyamenle Edwɛkɛ ne se, “Aholoba mɔɔ menli bɔle wɔ la ɛragua me nwo zo.” 4Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo. 5Nyamenle mɔɔ maa yɛgyinla kpundii na ɔmaa yɛ akɛnrazilɛ la, ɛboa bɛ ɛmaa bɛ muala bɛdɛnla anloanzɛlɛ nu, na bɛva Kelaese Gyisɛse agyakɛ, 6amaa bɛ muala kɔsɔɔti bɛava ɛnelɛ ko bɛaye yɛ Awulae Gyisɛse Kelaese ɔ ze Nyamenle ne ayɛlɛ.
Bɛdabɛ mɔɔ bɛnle Dwuuma la ɛnyia Edwɛkpa ne
7Zɔhane ati bɛlie bɛ nwo ngoko ngoko wɔ Nyamenle anyunlunyia ti, kɛmɔ Kelaese liele bɛ la. 8Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane, 9#2 Sam 22.50; Edw 18.49 na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se,
“Zɔhane ati mebaye wɔ ayɛlɛ
wɔ menli mɔɔ ɛnle Dwuuma la avinli.
Mebado ayɛlɛyelɛ edwɛne meayeyɛ wɔ”
10 #
Mɛla 32.43
Bieko, ɔse,
“Maanle maanlema mɔɔ ɛnle Dwuuma la,
bɛ nee Nyamenle menli ne
mɔɔ yekpa nu yeye bɛ la ɛli fɛlɛko.”
11 #
Edw 117.1
Eza ɔse,
“Bɛmɛ mɔɔ bɛnle Dwuuma la, bɛye Awulae ayɛlɛ;
menli kɔsɔɔti, bɛye ye ayɛlɛ.”
12 #
Aye 11.10
Ayezaya noko se,
“Gyɛsi anlɔnra bie bavinde;
ɔbara yearazie maanle maanle mɔɔ ɛnle Dwuuma la kɔsɔɔti,
na bɛdabɛ mɔɔ bɛnle Dwuuma la
bava bɛ rɛle awula ye nu.”
13Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.
Pɔɔlo anwosesebɛ mɔɔ ɔnyianle ye ɔhɛlɛle la
14Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko. 15Noko wɔ kɛlata ɛhye anu, mezi me kɛnra meha ninyɛne bie anwo edwɛkɛ mehakye bɛ adwenle wɔ nwolɛ. Menyɛle ye zɔhane, ɔlua gyinlabelɛ mɔɔ Nyamenle ɛva me ɛzie la ati, 16kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la. 17Zɔhane ati, Kelaese Gyisɛse ati, mekola mefa gyima mɔɔ meyɛ memaa me Nyamenle la metu me nwo. 18Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu, 19ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua. 20Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo. 21#Aye 52.15 Nyamenle Edwɛkɛ ne se,
“Bɛdabɛ mɔɔ bɛanga ɔ nwo edwɛkɛ bɛangile bɛ la banwu ye,
yɛɛ bɛdabɛ mɔɔ bɛtɛtele ɔ nwo edwɛkɛ ɛlɛ la
banyia ndelebɛbo.”
Pɔɔlo bahɔ Wulomu
22 #
Wulo 1.13
Ɛhye ati a mekɛ dɔɔnwo mɔɔ ɛze ɛhɔ la meannyia adenle meambamkpɔla bɛ la. 23Na kɛkala mɔɔ akee mewie me gyima di wɔ maanzinli ɛhye mɔ anu, na eza ɛvolɛ dɔɔnwo mɔɔ ɛraze ɛhɔ la mehulo kɛ menwɔra bɛ nwo lɔ la ati, 24me nye la kɛ akee mebara. Saa mese meahɔ Sepeen a mebava bɛ nwo ɛkɛ ne, amaa medi mekɛ ekyi wɔ bɛ nwo ɛkɛ a, bɛaboa me bɛamaa meazɔ me adendulɛ ne azo. 25#1 Kɔl 16.1-4 Kɛkala, melɛ nwanle bie mekamaa Nyamenle menli ne mɔɔ wɔ Gyɛlusalɛm la. 26Ɔluakɛ asɔnema mɔɔ wɔ Masidonea nee Akaya (Giliki maanle nu) la ɛdwenle nwo ɛbɔ kpɔkɛ kɛ bɛkeha bɛ sa aze bɛahɔboa ehyianvolɛma mɔɔ wɔ Nyamenle menli ne anu, wɔ Gyɛlusalɛm la. 27#1 Kɔl 9.11 Ɔle bɛdabɛ bɛ ti anwo adwenle mɔɔ bɛvale ɛdeɛ, noko nɔhalɛ nu, bɛdi ɛzonle kɛ ɔwɔ kɛ bɛyɛ ye zɔhane na bɛboa bɛ. Kɛmɔ Dwuuma ɛmaa bɛdabɛ mɔɔ bɛnle Dwuuma la sunsum nu nyilalɛ ne bie la, ɔwɔ kɛ bɛdabɛ mɔɔ bɛnle Dwuuma la noko fa bɛ ɛbɛla nu nyilalɛ ne bie boa Dwuuma. 28Saa mewie gyima ɛhye di na mefa mɔɔ bɛnyia ye la mekɔmaa bɛ mewie a, mebaraze meahɔ Sepeen, na mebava bɛ nwo ɛkɛ ne mearakpɔla bɛ. 29Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.
30Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me. 31Bɛzɛlɛ kɛ Nyamenle kɛlie me kɛvi Dwudiyama ne mɔɔ ɛnlɛ diedi la asa anu, na eza me gyima mɔɔ mekali ye wɔ Gyɛlusalɛm la kɛzɔ Nyamenle menli ne mɔɔ wɔ ɛkɛ ne la anye, 32amaa saa ɔyɛ Nyamenle ɛhulolɛ a, meava anyelielɛ mearakpɔla bɛ. Medie medi kɛ meba a me nye balie. 33Nyamenle mɔɔ maa anzonudwolɛ la nee bɛ muala ɛdɛnla. Amen.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Nzema © Bible Society of Ghana, 1998.