Xo̱jo̱n Salmoo̱ 142

142

Néná boá xi konna

Ndabii̱ katsꞌénda kui soó kjiꞌanga tsangaa̱ Sauu̱l, kósꞌe̱ ngo ti̱xa̱na̱xi̱ kijíkꞌíjñaꞌma.

1Nda̱na boá xi sa̱ꞌinkjièn án nga ni̱ma̱ xiáa̱n Néná,

nda̱na boá xi sa̱ꞌinkjièn án nga ꞌniú kuíꞌáa̱ kjo̱a̱ni̱ma̱takón Néná.

2Ngindyi̱ko̱n Kui xiyàa̱ ni xi kjimataꞌin an,

ngindyi̱ko̱n Kui xiyàa̱ ni xi nda̱ kjimana.

3Tji̱e̱nga a̱si̱énni̱xtjinna je kjiꞌme ngi̱jii̱n yojona,

ta̱nga Ji jè yé Ji ndi̱yà xí tsoꞌbá an,

kui ndi̱yà xí ngo chja̱ya̱ ikꞌíndoꞌmána nínga foaꞌa an.

4Tsitsíjin Ji nga fojnína, kó tsitsíjin cha̱n cha̱a̱n,

nga nde ta̱ꞌyajín xi tsꞌensénna,

ta̱ꞌyajín xi kónna, kó nde ngojín xi bosíyá kjo̱a̱a̱ an.

5¡Jí boá xi ni̱ma̱ tꞌíxiaán, Ji Ne!

Jí boá xi bi̱ tꞌíxiaán: Jí boá xi tichínní,

Jí boá xi ngayeje ni xi tjínna, kui nga̱sondie nínga síndo xotaa̱.

6¡Ndaꞌyé Ji nga ni̱ma̱ tsꞌénchji̱a̱a̱ Ji,

ngatꞌa̱ jè ngiti̱ jmí ngaꞌniújínna!

ꞌNa̱xiéꞌéní ngi̱ya tsja kondra̱ xi an ndyi̱mongatji̱ngina,

ngatꞌa̱ tjín ngasee̱ ngaꞌniú, ta̱bo̱a̱jiín an.

7ꞌNa̱xié Ji ini̱ma̱na kui ndo̱bo̱a̱ya̱à,

tsi̱ꞌe̱ nga ka̱ma tsja an ndokꞌóchjì nga sa̱ꞌinkjièn án Jaꞌée̱n.

Kó bo̱a̱ tsꞌén xota̱ xi kixi̱i̱ kjo̱a̱ꞌatjiyajonna, ngatꞌa̱ be nga nda tiniꞌínje̱ní Jí.

S'ha seleccionat:

Xo̱jo̱n Salmoo̱ 142: MAIX

Subratllat

Comparteix

Compara

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Xo̱jo̱n Salmoo̱ 142