Amós 9
9
Diospa castigonmantaqa mana pipas lluptinanmanta
1Señortam altarpa waqtanpi sayachkaqta rikurqani, paymi niwarqa:
Pilarkunata waqtay cimientonkuna kuyurinankama, ñutukuspa runakunapa hawanman wichimuchun.
Chaymanta puchuqtam espadawan wañuchisaq;
paykunamantaqa manam hukllapas lluptinqachu, nitaqmi pipas vidanta salvanqachu.
2Allpa ukupiña pakakuptinkupas
chaymantam paykunata hurqomusaq,
cielomanña seqaruptinkupas
chaymantam uraykachimusaq.
3Carmelo orqopa puntanpiña pakakuptinkupas chaypi maskaykuspaymi hapimusaq;
qayllaymanta lluptinankupaq
lamar qochapa ukunpiña pakakuptinkupas,
maqta uruta kamachiptiymi chaypi kachumunqa.
4Enemigonkupa preso apasqanña rispankupas chaypim espadawan wañuchisqa kanqaku;
paykunataqa ñakarinankupaqmi qawarisaqpas, manam yanapanaypaqñachu.
5Tukuy Atiyniyuq Tayta Dios llapchaykuptinmi kay pacha chullurin,
chaypi yachaqkunam lliw waqanku;
chulluspanmi mayu hinaraq timpurin,
Egiptopi mayu hinaraqmi yawyarinpas.
6Tayta Diosmi yachananta hanaq pachapi unancharqa,
hinaspanmi kay pachapa hawanpi sapincharqa; lamar qochapa yakunta qayaspanmi,
kay pachaman chaqchurimun.
Tayta Diosmi sutin.
7Tayta Diosmi kaynata nin:
Israelpa mirayninkuna,
qamkunaqa manam huk rikchaqchu kankichik, aswanqa Etiopía runakuna hinallam;
imaynam qamkunata Egiptomanta hurqomurqaykichik,
chaynam filisteokunatapas Cretamanta hurqomurqani,
Kir lawmantañataqmi Aramta hurqomurqani, nispa.
8Cheqaptapunim Tayta Diosqa hucha-sapa nacionpa contranpi kachkan, chay-raykum nin:
Chayna naciontam kay pachamanta chinkachisaq.
Jacobpa mirayninkutam ichaqa wakillantapas puchuykusaq, nispa.
9Ñoqam kamachisaq Israelpa mirayninkuna llapa nacionkunapa suysusqan kanankupaq;
imaynam trigota harneropi suysuptinku mana chullallapas allpaman wichinchu,
chayna suysusqa kanankupaq.
10Llaqtaypi huchasapakunam ninku:
Manam imapas pasawasunchikchu,
nitaqmi ima castigopas chayamuwasunchu, nispanku.
Ichaqa paykunam guerrapi wañunqaku.
Israel nación musoqmanta hatarichisqa kananmanta
11 #
Hch 15.16-18. Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq. 12Chaynapim yupaychaqniy runakuna Edompa allpanta hinaspa llapa nacionkunapa allpankunatapas munaychakunqaku, nispa.
13Tayta Diosmi kaynata nin: Ha-muchkanmi tiempo yapuqpas rutuqta haypananpaq, uvasta tarpuqpas uvas saruqta haypananpaq; orqokunawan moqokunapas vinotam weqeri-munqaku. 14Israel llaqtaytam preso risqanmanta kutichimusaq; pay-kunam tuñichisqa llaqtakunata hatarichispa chaypi yachanqaku. Uvasta tarpuspam vinotapas upyanqaku, chakrakunapi tarpuspam rurunta mikunqaku. 15Paykunatam allpankupi sapinchasaq, chaynapi paykunaman qosqay allpamanta manaña haykapipas hurqosqa kanankupaq.
Tayta Diosmi chaynata nin.
S'ha seleccionat:
Amós 9: RCQ12
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012