Ohubala 7
7
Ebiyaanwa by'abeemeresi
1Hu ludaalo lu Musa yamaliirisira elalira ohwoombaha Eyeema ly'Ohubaao hw'Omwaami, yalichuhaho amafuta mani yalyaawula yaaliyaana alala neende ebiindu byalyo byoosi, neende alutaari, neende ebichiiraho byoosi, eyiri Omwaami. 2Mani bulaanu, abahoongo b'enono abali nibahola koti abeemirisi mu njia cha Yisiraeli, abasaacha beene bala abali nibo ababalaanga abaandu, 3baleeta ebiyaanwa byaabwe eyiri Omwaami: ebigaari by'eng'oombe bisaasaba neende eng'oombe ndaawu ehumi neende chibiri, esigaari silala hu buli beemirisi babiri, neende endaawu ndala hu buli mwiimirisi. Mani nibamala ohubileeta, 4Omwaami yaboolera Musa ati, 5“Ewe bukaanira sa ebiyaanwa bino, byehoonyerweenge mu mulimo kuchia ohuholwa hu Yeema lino; biberese Abaleefi ohweema hu buli mulimo ku baba nibachia ohuhola.” 6Musa yabukula ebigaari ebyo alala neende endaawu echio yaabiberesa Abaleefi. 7Yakaba ebigaari bibiri neende endaawu chine Abagerisoni, 8haandi neende ebigaari bine alala neende endaawu chitaanu-na-chidatu Abameraari. Emirimo kyaabwe kino kyoosi kyali eky'ohuholwa aasi w'obwiimirisi bwa Yitamaari omwaana wa Arooni. 9Nae Musa yeecha yaahaya ohukabaho esigaari syoosi kata neende endaawu yoosi, Abakohati, olwohuba ebiindu bilafu bi bali nibachia ohuliindaanga byali nibihoyere ohukiingirwaanga hu mabeka.
10Abeemirisi bano haandi baleeta ebiyaanwa biindi eby'ohwehoonyera mu huhusa ohuyaanayo hw'alutaari. Mani nibali nibamalire ohweetekeha ohuyira ebiyaanwa hu alutaari, 11Omwaami yaboolera Musa ati, “Baboolere oti buli ludaalo, ohumala esiha sy'endaalo ehumi neende chibiri, mulala hu beemirisi ahoyere ohuyiraanga ebiyaanwa byae eby'ohuyaanayo alutaari.”
12Oyo owayaanaho esiyaanwa syae hu ludaalo lutaangira yali Nahasoni omwaana w'Aminadabbu, ow'enyuumba ya Yuda; 13nae esiyaanwa syae syali, olusaani lulala olw'efeesa olw'obusito bwoola sekeli emia ndala neende amahumi kadatu (130), ebbeseeni y'efeesa ey'obusito bwoola sekeli amahumi kataanu-na-kabiri, ohweema hu sekeli chali mu sanduuku ly'emigaati ky'Omwaami, kyoombi kino kyali nikiichuule obusye bunyuhe bweene obusasaaniiswe neende amafuta ohuba esiyaanwa sy'emere; 14endiisi ndala ey'esaabbu ey'obusito bwoola sekeli ehumi, eyichuule obubbaani; 15eng'oombe surusi njere, ekoondi emiiku lala, ekoondi hole yere ely'omwaaka mulala okw'obuhuluundu, hulw'esiyaanwa sisaambwa syaakwa ekohe; 16embusi hole ndala hulw'esiyaanwa sy'esyonoono; 17haandi neende hulw'esiyaanwa sy'ebiyaanwa by'ohukobola alala, eng'oombe ndaawu chibiri, amakoondi mamiiku kabiri, embusi hole chitaanu, haandi neende amakoondi mayere mamiiku kataanu ak'omwaaka mulala obuhuluundu. Sino syoosi alala nisyo esyali esiyaanwa sya Nahasoni omwaana w'Aminadabbu.
18Hu ludaalo lwa habiri, yali Netaneeli omwaana wa Suari, omwiimirisi wa Yisakari, yoobba esiyaanwa; 19yoobba koti esiyaanwa syae, olusaani lulala olw'efeesa, olw'obusito bwoola sekeli emia ndala neende amahumi kadatu (130), ebbeseeni ndala ey'efeesa ey'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 20endiisi ndala ey'esaabbu ey'obusito bwoola sekeli ehumi, niyichuule obubbaani; 21esurusi njere ndala, ekoondi miiku lala, ekoondi lala doto ehole ely'omwaaka mulala obuhuluundu, hulw'esiyaanwa sisaambwa syaakwa ekohe; 22embusi ehole ndala hulw'esiyaanwa sy'esyonoono; 23neende hulw'esiyaanwa sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, haandi neende amakoondi mahole mayere kataanu ak'omwaaka mulala obuhuluundu. Mani sino alala nisyo esyali esiyaanwa sya Netaneeli omwaana wa Suari.
24Hu ludaalo lwa hadatu, yali Eliabbu omwaana wa Heloni, omwiimirisi w'abasaacha ba Sebbuluuni: 25esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, bino byoombi byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 26endiisi ndala ey'esaabbu, ey'obusito bwoola sekeli ehumi, haandi eyichuule obubbaani; 27eng'oombe surusi njere, ekoondi miiku lala, ekoondi doto lala esurusi ely'omwaaka mulala obuhuluundu, hulw'esiyaanwa sy'ohusaamba sikwe ekohe; 28embusi hole ndala hulw'esiyaanwa sy'esyonoono; 29nae haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, haandi neende amakoondi mayere mamiiku kataanu, ak'omwaaka mulala obuhuluundu. Sino syoosi alala nisyo esyali esiyaanwa sya Eliabbu omwaana wa Heloni.
30Hu ludaalo lwa hane, yali Elisuuri omwaana wa Sedewuri, omwiimirisi w'abasaacha ba Rubbeeni: 31esiyaanwa syae syali esy'olusaani lulala olw'efeesa, lu busito bwalwo bwali sekeli emia ndala neende amahumi kadatu (130), ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 32endiisi ndala ey'esaabbu ey'obusito bwoola sekeli ehumi, eyichuule obubbaani; 33eng'oombe ndala esurusi njere, ekoondi emiiku lala, neende ekoondi yere emiiku ely'omwaaka mulala, hulw'esiyaanwa sisaambwa syaakwa ekohe; 34embusi hole ndala hulw'esiyaanwa sy'esyonoono; 35haandi hulw'ohuyaanayo ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala okw'obuhuluundu. Mani sino nisyo esyali esiyaanwa sya Elisuuri omwaana wa Sedewuri.
36Hu ludaalo lwa hataanu, yali Selumieli omwaana wa Surisadai, omwiimirisi w'abasaacha ba Simeoni 37esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 38endiisi ndala ey'esaabbu ey'obusito bwoola sekeli ehumi, eyichuule obubbaani; 39eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 40embusi hole ndala hulw'esiyaanwa sy'esyonoono; 41haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Selumieli omwaana wa Surisadai.
42Hu ludaalo lwa hasaasaba, yali Eliasafu omwaana wa Dewela, omwiimirisi w'abasaacha ba Gaadi: 43esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 44endiisi ndala ey'esaabbu ey'obusito bwoola sekeli ehumi, eyichuule obubbaani; 45eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 46embusi hole ndala hulw'esiyaanwa sy'esyonoono; 47haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Eliasafu omwaana wa Dewela.
48Hu ludaalo lwa hataanu-na-habiri, yali Elisaama omwaana wa Amihudi, omwiimirisi w'abaandu ba Efuraimu: 49esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 50endiisi ndala ey'esaabbu ey'obusito bwoola sekeli ehumi, eyichuule obubbaani; 51eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 52embusi hole ndala hulw'esiyaanwa sy'esyonoono; 53haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Elisaama omwaana w'Amihudi.
54Hu ludaalo lwa hataanu-na-hadatu, yali Gamalieli omwaana wa Pedasuuri, omwiimirisi w'abasaacha ba Manaase: 55esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu (130), olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 56endiisi ndala ey'esaabbu ey'obusito bwoola sekeli ehumi, eyichuule obubbaani; 57eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 58embusi hole ndala hulw'esiyaanwa sy'esyonoono; 59haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Gamalieli omwaana wa Pedasuuri.
60Hu ludaalo lwa hataanu-na-hane, yali Abbidaani omwaana wa Gideoni, omwiimirisi w'abasaacha ba Bbenjamini: 61esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 62endiisi ndala ey'esaabbu ey'obusito bwoola sekeli ehumi, eyichuule obubbaani; 63eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 64embusi hole ndala hulw'esiyaanwa sy'esyonoono; 65haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Abbidaani omwaana wa Gideoni.
66Hu ludaalo lw'ehumi, yali Ahieseeri omwaana wa Amisadai, omwiimirisi w'abasaacha ba Daani: 67esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 68endiisi ndala ey'esaabbu ey'obusito bwoola sekeli ehumi, eyichuule obubbaani; 69eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 70embusi hole ndala hulw'esiyaanwa sy'esyonoono; 71haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Ahieseeri omwaana w'Amisadai.
72Hu ludaalo lw'ehumi-na-lulala, yali Pagieli omwaana w'Ochirani, omwiimirisi w'abasaacha ba Aseri: 73esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 74endiisi ndala ey'esaabbu ey'obusito bwoola sekeli ehumi, eyichuule obubbaani; 75eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 76embusi hole ndala hulw'esiyaanwa sy'esyonoono; 77haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Pagieli omwaana w'Ochirani.
78Hu ludaalo lw'ehumi-na-habiri, yali Ahira omwaana wa Enani, omwiimirisi w'abasaacha ba Nafutaali: 79esiyaanwa syae syali, olusaani lulala olw'efeesa, lu busito bwalwo bwali bwoola sekeli emia ndala neende amahumi kadatu, olubbeseeni lulala olw'efeesa olw'obusito bwoola sekeli amahumi kataanu-na-kabiri, ohweema hu sekeli chomu sanduuku ly'emigaati ky'Omwaami, byoombi bino byali nibiichuule obusye bunyuhe muno obusasaaniiswe neende amafuta ohuba esiyaanwa sy'emere; 80endiisi ndala ey'esaabbu ey'obusito bwoola sekeli ehumi, eyichuule obubbaani; 81eng'oombe surusi njere, ekoondi miiku lala, ekoondi yere lala ely'omwaaka mulala, hulw'esiyaanwa sisaambwa syaakwa ekohe; 82embusi hole ndala hulw'esiyaanwa sy'esyonoono; 83haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Ahira omwaana wa Enani.
84Bulaanu sino syoosi alala nisyo esyali esiyaanwa sy'ohuyaanayo alutaari, hu ludaalo lu yachuhirwaho amafuta mani yaawulwa, ohutula hu beemirisi ba Yisiraeli: esaani ch'efeesa ehumi neende chibiri, ebbeseeni ch'efeesa ehumi neende chibiri, endiisi ch'esaabbu ehumi neende chibiri, 85buli lusaani lw'efeesa lwakeraanga obusito bwa sekeli emia ndala neende amahumi kadatu (130) nae buli lubbeseeni sekeli amahumi kataanu-na-kabiri, efeesa yoosi eyachiira hu biindu byehoonyerwa ebyo, yali eyikera obusito bwa sekeli elifu chibiri neende emia chine (2,400) ohweema hu sekeli chalichiingi mu sanduuku ly'emigaati ky'Omwaami, 86endiisi ch'esaabbu ehumi-na-chibiri, echiichuule obubbaani, buli ndala niyikera obusito bwa sekeli ehumi ohweema hu sekeli chiri mu sanduuku ly'emigaati ky'Omwaami, esaabbu yosi eyachiira hu ndiisi echio niyikera obusito bwa sekeli emia ndala neende amahumi kabiri (120); 87eng'oombe choosi ech'esiyaanwa sy'ohusaamba syaakwa ekohe chali ehumi neende chibiri, amakoondi mamiiku ehumi neende kabiri, amakoondi mayere mamiiku ak'omwaaka mulala obuhuluundu ehumi neende kabiri, alala neende ebiyaanwa byako by'emere; haandi neende embusi ehole ehumi neende chibiri ech'esiyaanwa sy'esyonoono; 88haandi neende eng'oombe choosi ech'ebiyaanwa by'omuleembe, chali eng'oombe surusi amahumi kabiri neende chine, amakoondi mamiiku kali amahumi kasaasaba, embusi ehole chali amahumi kasaasaba, amakoondi mayere ak'omwaaka mulala kali amahumi kasaasaba. Sino alala nisyo esyali esiyaanwa sy'ohuyaanayo alutaari, niyali niyimalire ohuchuhwaho amafuta ohwaawulwa.
89Musa yeengira mu Yeema ly'Ohubaao hw'Omwaami ohulomaloma neende Omwaami, yeecha yaawulira ekono niliri ohumubooleraanga nilitulira aakulu w'esisaala sy'esisa esyali humukulu w'Esanduuku ly'Endagaano, nilitulira akatikaati wa kerubbimu babiri abo; mani lya alomaloma nae.
©Bible Society of Kenya, 2019
©Bible Society of Uganda, 2019