Nombres 29
29
f. Ifaal jiŋaaliu bɔti
1«Uŋmaluluúti wimpeekaaŋu dalee#29.1 Kpèè Akoo 23.24., ní kpāfì kí nyɔ̄ŋkìmaan man ni-Dindaan. Yaadal wiiŋŋuee ní taa tɔ̄ ditundi báà diba. Án nīn sá-ni ifaal wiiŋŋu. 2Ní dāá dū unaja ubɔ nì upìja ubɔ nì apibil aluli ŋin cáá dibindi dibee kí ŋá-mi saraawɔkaa un sɔnsɔfiŋu sɔ̀ŋkī m-pɔbilee. Tiwaŋkuti gbanti laaba ń taa nīn wɔ̀b̄. 3Ní dū ŋkpam kí búuń ŋyim kiiloobi biwa kí dūú kūtì unaja pu kí ŋá saraa, ní kí dū ŋkpam kí búuń ŋyim kiiloobi biluu kí kūtì upìja pu kí ŋá saraa. 4Ní dū ŋkpam kí búuń ŋyim kiiloobi bita kí dūú kūtì kí ŋá dipibil kamaa saraau, 5ní kí dū uŋɔja ubɔ kí ŋá ni-pu ikpiti pɔ̄tam saraau. Bí dāá ŋá ni-pu akoobil ŋin bi máaǹ kí ŋée, ní kí ká ni-kpitii pɔ̄tam. 6Saraabi nee kɔkɔ ń dāá dūú kūtì saraawɔkaa un ni ŋáań kutaa kamaayee, nì bin ni ŋáań uŋmal kamaayee, nì ŋyim nì ndamam min ni cáa kútí ki ŋáań saraabi gbantee. Saraabi bin ni ŋáań ki wù ŋŋmee sɔnsɔfiŋu di sɔ̀ŋkī m-pɔbil.
g. Ikpiti pɔ̄tam wiŋkpaaŋŋu
7«Uŋmaluluúti iwiin saalaa dalee, ní kpāfì kí nyɔ̄ŋkì-mi, kí bóob́ kinyɔkɔ, kí taa tɔ̄ ditundi báà diba yaadal wiiŋŋu. 8Ní dāá dū unaja nì upìja nì apibil aluli ŋin cáá dibindi diba kaa wɔ̀b̄ee ki ŋá-mi saraawɔkaa un sɔnsɔfiŋu sɔ̀ŋkī m-pɔbilee. 9Ní dū ŋkpam kí búuń ŋyim kiiloobi biwa kí dūú kūtì unaja pu kí ŋá saraa, kí dū ŋkpam kí búuń ŋyim kiiloobi bita kí dūú kūtì upìja pu kí ŋá saraa. 10Ní dū ŋkpam kí búuń ŋyim kiiloobi biluu kí dūú kūtì dipibil kamaa pu kí ŋá saraa. 11Ní dū uŋɔja ubɔ ki ŋá ikpiti pɔ̄tam saraau. Saraabi gbanti kɔkɔee ń dāá dūú kūtì ikpiti pɔ̄tam saraau un ni ŋá ikpiti pɔ̄tam wiŋkpaaŋŋu dalee nì saraawɔkaa un ni ŋáań kutaa kamaa nì ŋyim nì ndamamee pu#29.11 B. 7-11: kpèè Akoo 16, 23.27-32..»
gb. Tantib jiŋaaliu
12Uŋmaluluúti poon iwiin saalku dalee ní kpāfì kí nyɔ̄ŋkì man ni-Dindaan, kí taa tɔ̄ ditundi báà diba yaadal wiiŋŋu. Ní dāá dū iwiin iluli kí nyɔ̄ŋkì man ni-Dindaan#29.12 Kpèè Disa 23.16, 34.22, Akoo 23.33-43, Ditee 16.13-15.. 13Ní dāá dū inajaa saalaa nì ita nì ipijaa ili nì apibil diba kpá saalku ŋin cáá dibindi dibee, kí ŋá saraawɔkaa un sɔnsɔfiŋu sɔ̀ŋkī man ni-Dindaan pɔbilee. Tiwaŋkuti gbanti kɔkɔ laaba ń taa nīn wɔ̀b̄. 14Ní dū ŋkpam kí búuń ŋyim kiiloobi biwa kí dūú kūtì unaja kamaa pu kí ŋá saraa, ní kí dū ŋkpam kí búuń ŋyim kiiloobi biluu kí dūú kūtì upìja kamaa pu kí ŋá saraa. 15Ní dū ŋkpam kí búuń ŋyim kiiloobi bita kí kūtì dipibil kamaa pu kí ŋá saraa. 16Ní dū uŋɔja kí ŋá ikpiti pɔ̄tam saraau. Saraabi gbanti kɔkɔee ń dāá kūtì saraawɔkaa un ni ŋáań kutaa kamaa nì ŋyim nì ndamamee pu.
17Ŋwinliliitee ní dū inajaa saalaa nì ili nì ipijaa ili nì apibil diba kpá saalku ŋin cáá dibindi dibee kí ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 18Ní dū saraa yim nì ndamam kí kūtì unaja kamaa saraau nì upìja kamaa saraau nì dipibil kamaa saraau pu, kii an nín bālifì bí dū tin ní kí ŋá saraabi gbantee. 19Ní dū uŋɔja ubɔ kí ŋá ikpiti pɔ̄tam saraau, ní kí dūú kūtì saraawɔkaa un ni ŋáań kutaa kamaa nì ŋyim saraau nì u-damamee pu. 20Ŋwintataatee ní dū inaa saalaa nì ubɔ nì ipijaa ili nì apibil diba kpá saalku ŋin cáá dibindi dibee kí dūú ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 21Ní dū saraa yim nì an damam kí kūtì unaja kamaa saraau nì upìja kamaa saraau nì dipibil kamaa saraau pu, kii an nín pée bàlifī miŋyee. 22Ní dū uŋɔja kí ŋá ikpiti pɔ̄tam saraau kí dūú kūtì saraawɔkaa un ni ŋáań kutaa kamaa nì u-yim nì u-damamee pu. 23Ŋwinnanaatee, ní dū inajaa saalaa nì ipijaa ili nì apibil ŋin cáá dibindi dibee diba kpá saalku kí ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 24Ní dū saraa yim nì an damam kí kūtì unaja kamaa nì upìja kamaa nì dipibil kamaa saraau pu, kii an nín pée bàlifī bí ŋá miŋyee. 25Ní dū uŋɔja kí ŋá ikpiti pɔ̄tam saraau kí dūú kūtì saraawɔkaa un ni ŋáań kutaa kamaa nì ŋyim nì ndamamee pu. 26Ŋwiŋŋmooŋmootee, ní dū inajaa iwa nì ipijaa ili nì apibil ŋin cáá dibindi dibee diba kpá saalku kí ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 27Ní dū saraa yim nì an damam kí kūtì unaja kamaa nì upìja kamaa nì dipibil kamaa saraau pu, kii an nín pée bàlifī bí ŋá saraabi gbanti miŋyee. 28Ní dū uŋɔja kí ŋá ikpiti pɔ̄tam saraau, kí dūú kūtì saraawɔkaa un ni ŋáań kutaa kamaa nì u-yim nì u-damamee pu. 29Winluu dalee, ní dū inaa inii nì ipijaa ili nì apibil ŋin cáá dibindi dibee kí ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 30Ní dū saraa yim nì an damam kí kūtì unaja kamaa nì upìja kamaa nì dipibil kamaa saraau pu, kii an nín pée bàlifī bí ŋá saraabi gbanti miŋyee. 31Ní dū uŋɔja kí ŋá ikpiti pɔ̄tam saraau, kí dūú kūtì saraawɔkaa un bi ŋáań kutaa kamaa nì u-yim nì u-damamee pu. 32Ŋwinluluútee, ní dū inajaa iluli nì ipijaa ili nì apibil diba kpá saalku ŋin cáá dibindi dibee kí ŋá-mi saraa. Tiwaŋkuti gbanti kɔkɔ laaba ń taa nīn wɔ̀b̄. 33Ní dū saraa yim nì an damam kí kūtì unaja kamaa nì upìja kamaa nì dipibil kamaa saraau pu, kii an nín pée bàlifī bí ŋá saraabi gbanti miŋyee. 34Ní dū uŋɔja ubɔ kí ŋá ikpiti pɔ̄tam saraau, kí dūú kūtì saraawɔkaa un ni ŋáań kutaa kamaa nì u-yim nì u-damamee pu.
35Ŋwinniniitee di dāa sá jiŋaal kúntidal. Ní taa tɔ̄ diba yaadal wiiŋŋu. 36Yaadalee ní dāá dū unaja nì upìja nì apibil aluli ŋin cáá dibindi dibee kí ŋá-mi saraawɔkaa un sɔnsɔfiŋu sɔ̀ŋkī m-pɔbilee. Tiwaŋkuti gbanti kɔkɔ laaba ń taa nīn wɔ̀b̄. 37Ní dū saraa yim nì an damam kí kūtì kuwaŋkuluu kamaa pu, kí ŋá saraa kii an nīn pée bālifì yii bí dū tin ní ki ŋá saraabi gbantee. 38Ní dū uŋɔja ubɔ kí ŋá ikpiti pɔ̄tam saraau, kí dūú kūtì saraawɔkaa un ni ŋáań kutaa kamaa nì ŋyim nì ndamamee pu.
39Saraabi bin ni máaǹ kí ŋá-mi ni-jiŋaalib wiiŋyi dalee dee, ní kí dūú kūtì nlammɔntiim saraabi nì ipoon saraabi nì bisaraawɔkaabi nì ŋyim nì ndamam saraabi nì mpèé saraabi.
S'ha seleccionat:
Nombres 29: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.