Joel 3
3
Hay Panumalyaan Apo Dios hinan Tatagu
1Ya wada goh di impa'innilan Apo Dios ay ha"in an inalinay,
“Awni ta madatngan di gutudna#3:1 Itudunay ma'at hinan te"an di Hinlibuy Tawon.
at ipabangngad'un amin nan maphod an nitaguanyud Judah ya nan kapitulyu an ad Jerusalem.
2Mu nan malpuh an amin hinan udum an babluy
ya ma'amungdah nan Nundotal an Ma'alih Jehoshaphat#3:2 Hay pohdon ten ngadan an ibaga ya hi Apo Dios an munhumalya. Nan Alin hi Jehoshaphat ya nan tataguna ya tinnigday inat Apo Dios an nanumalyah nan buhuldan Hudyu an nan tindalun di holag Ammon ya nan iMoab (II Chron. 20:1-30), ya impa"el Apo Dios ta umat hinay atona goh an manumalyah nan tataguh tun lutah udum di algaw. Nan Nundotal an Ma'alih Jehoshaphat ya mid di umat hinan ngadan di lugal ad ugwan ad Israel, mu do'ol di mangulug an hiyah ne nin di lugal an ma'amman hi un mun'ohop hi Jesu Kristuh nan Duntug an Olibo hi angunuh di Punligatan di Tatagu, ya milahhin nan duntug (Zech. 14:4). Nan udumna ya alyonday hiyay Hadog an Kidron ti hiyay awadan nan lubu' Jehoshaphat. an panumalyaa' ay dida
an dumalat hinan nangiwa'atandan da'yun tatagu' an holag Israel hinan abablubabluy
ta nunggogodwonda nan babluy'ud Israel.
3At numbibinnunutda ta nangamung di mangngal hinan tatagu',
ya nun'ihbutda nan ung'ungungnga ta way pumbayaddah nan putan binabai,
ya ta way ila'uda goh hi inumonda.#3:3 Hiyah ne na'at hinan iJudah hidin 586 B.C. an nibaag hinan Obad. 1:11.
4Ya da'yun tatagud Tyre, ya ad Sidon, ya da'yun amin hinan abablubabluy ad Philistia undan way iballohyun Ha"in hi nappuhih inat'u? Gulat ta waday iballohyun Ha"in ya elanyuat ti un himbumaggay ato' an mangiballoh an amin hinan inatyu! 5Ti nun'alayuy silver'u ya balitu"u, ya din udumnan mun'apla'an an inadangyan'u ta nun'iyuyyuh nan timplun di dayawonyu. 6Ya nun'ihbutyu nan iJudah hi ad Greece ta nun'iyadagwidah nan babluyda!
7Mu ad ugwan ya bangngado' didah nan nangihbutanyun babluy, ya ato' ay da'yu nan umat hi inatyun dida! 8At ipihbut'u nan imbabaluyyuh nan iJudah ta ahida goh ihbut didah nan tatagud Sheba an niyadagwin babluy.#3:8 Hay alyon di udum hi awadan ten babluy ya ad Ethiopia, mu alyon di udum an ad Yemen. Hiyah ne inalin Apo Dios.”
Hay Awagahan nan Tatagun Apo Dios
9Ya ha"in an hi Joel ya inali' di,
“Ipa'innilayuh nan Hentil hinan abablubabluy ta mundadaanda
ta amungondan amin nan nun'ala'eng an mi'gubat!
10Ya alyonyu goh ta bohalonda nan aladudah ispadada,
ya bohalonda goh nan pahuldah bangidda.#3:10 Heten verse ya naballin hinan Isa. 2:4 ya Mic. 4:3 ti intudun da Isaiah ay Micah ta bohalon nan tataguy hanggapda ta iyammadah aladuda ya nan gayangda hi gaudda.
Ya ta"on un nan nalogoy ya alyonday,
Mabalin an mi'gubat ami goh damdama!
11At punnaudonyu an da'yun Hentil an wah nan nunlene'woh an abablubabluy
ta ma'amung ayun amin hidih nan Nundotal an Ma'alih Jehoshaphat!”
Ya inali' ay Apo Dios di,
“Ipiyalim ni' nan tindalum ta gubatonda dida!”
12Ya inalin goh Apo Dios di,
“Mahapul nongkay an umalidah nan Nundotal an Ma'alih Jehoshaphat
nan nalpuh nan abablubabluy ta humalyao' dida
13ti adi ahan maphod nan ato'atonda!
At hiyanan pumpalang'u dida ti nadatngan di pummoltaa' ay dida
an umatdah nan paguy an natong, at mabto',
ya umatda goh hinan greyp an ma'apal ta maheptan!”
14Ya ha"in an hi Joel ya inali' di,
“Linibuan linibuy tatagun umalih dih nan punhumalyaan Apo Dios ay dida!
15Ya mipaddeh an adi bumnang di bulan,
ya algaw,
ya bittuan.
16Ya umat hi alin di layon di alin Apo Dios hi ad Zion,
ya umalyog di luta,
ya miwogot ad abuniyan.
Mu ditu'un holag Israel ya paddungnay mihi'ug tu'un Apo Dios an Apu tu'u!”
17Ya inalin goh Apo Dios di,
“Dumalat ay daten ato' ya innilaonyun Ha"in an Dios an Apuyu,
ya wagwadaa' hinan nammagtud Zion an me'gonan,
at nihakup ad Jerusalem ay Ha"in.
At hiyanan adi mahkay mabalin an hakupon nan tataguh udum an babluy.
18Henen a'atana ya maho'napan nan duntug hi nitanom an greyp,
at do'ol di ma'inum,
ya do'ol di lumane'le'od hi baka,
at do'ol di gatas.
Ya waday malpuh nan Timplu' an Dios an danum
hi mananum hinan namaganan an awadan nan a'ayiw an akasya,#3:18 Nan akasya ya gagangayna an hiyay ayiw hinan mapulun, at mattig an do'ol di danum hinan mapulun ti bumi'ahda.
at do'ol di danum ad Judah.
19Mu ad Egypt ya mumbalin hi mapulun,
ya ad Edom ay ya minganuy ta matawan
ti nidugah di nangatdan da'yun holag Judah an numpatoydan ta"on un mi'id di baholyun dida.
20Mu minaynayun mahkay hi engganay tatagun mumpunhituh nan kapitulyud Jerusalem
ya an amin hinan babluyyud Judah.
21Mu nan buhul an pimmatoy ya moltao' mahkay dida.
Ya Ha"in an Dios an Apuyu ya mi'hitua' ad Zion!”#3:21 Hay ohah ngadana ya Jerusalem.
S'ha seleccionat:
Joel 3: NHAD
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.