Laoidhean 52
52
LAOIDH 52
Philip. 2.7-12
1Sibhse ta ainmichte air Criosd,
leanaibh gu sìor a cheum;
'Nur n‑inntinn is 'nur coluadar
bibh cosmhuil ris gu léir.
2Cruth 's coslas Dhé ged bha air Criosd,
's uil' ìomhaigh Righ na glòir',
Ged b'ionnan nàdur 's inbhe dhoibh,
co‑ionnan air gach dòigh;
3Gidheadh a mhòrachd chuir e thaobh,
is daoineachd ghabh air féin
Chum sinne shaoradh, chuir e sgàil,
ré seal, air àilleachd nèimh.
4Seadh chrom ar Slànuighear a sìos
gu inbhe ìosal tràill;
Striochd e do'n bhàs, seadh bàs na ceusd'
an ro‑mhòr péin is nàir.
5Feuch dh'àrdaich Dia, fa'n aobhar sin
an Triath a shaor a shluagh;
Thug e dha rioghachd thar gach righ,
is ainm thar ainm r'a luadh.
6A chum do ainm an Tighearn Ios'
gu'n striochd gach uile ghlùn,
'S na nèamhaibh shuas, air talamh bhos,
gu h‑urramach 's gu h‑ùmh'l.
7Seadh striochdaidh dhasan mar an ceudn',
is géillidh ifrinn shìos:
Gach treubh is teangadh 's dùil a t'ann,
aidichidh 'ainm gu sìor.
S'ha seleccionat:
Laoidhean 52: LSN1987
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Comann Bhìoball na h‑Alba 1826, 1987
© Scottish Bible Society 1826, 1987