Eòin 3

LAOIDH 41

Eòin 3.14-19

14-19Nuair thogadh suas an nathair phràis

le Maois, san fhàsach chruaidh,

Dhearc oirre 'n dream bha dlùth don bhàs,

is shlànaicheadh an sluagh;

2 Mar seo tha Crìosd air àrdachadh,

gu slàinte thabhairt dhuinn;

Seallaidh na slòigh chaidh 'n lot an‑àird,

is slànaichear gach tinn.

3 Cia ana‑mhòr#3.14-19 ana‑mhòr air leth mòr tròcair Dhia nan gràs:

cia pailt a ghràdh is iochd,

A thug a mhac mar ìobairt suas,

a dh'fhulang truaigh nar riochd!

4 Chan ann a dhìteadh clann nan daoin'

a thàinig Crìosd o nèamh;

Geur‑lann#3.14-19 Geur‑lann claidheamh gu sgrios cha robh na làimh

no bagradh bàis na bheul.

5 Le creideimh slàinteil gèillibh‑sa,

a luchd mì‑bheus, dha reachd;

Is bheir e tèaraint' sibh an sìth,

ga rìoghachd tha ri teachd.

6 Ach leanaidh dìoghaltas gu luath

an sluagh nach gèill na thràth,

An dream nì dìmeas air mac Dhè,

's nach èist ri tairgs' a ghràis.

S'ha seleccionat:

Eòin 3: LSN1987

Subratllat

Copia

Compara

Comparteix

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Eòin 3