Genesis 28

LAOIDH 2

Genesis 28.20-22

20-22 Dhè Bhèteil, led làimh thoirbheartaich

's tu bheathaich d' Isra'l fhèin:

'S a threòraich feadh an turais sgìth,

ar sinnsirean gu lèir;

2 Ar bòid 's ar n‑ùrnaigh nis a tha

aig lath'r do chathair ghràis;

Bi leinn, O Dhia ar n‑athraichean!

's na dìobair sinn gu bràth.

3 Tre cheuman dorch ar beatha 'n seo,

O treòraich thusa sinn;

'S o latha gu latha ar teachd‑an‑tìr,

's ar n‑èideadh‑cuirp thoir dhuinn.

4 Fo sgàil do sgèith, O dèan ar dìon

gu crìch ar seachrain sgìth,

Is thoir dar n‑anman fois fa‑dheòidh

nad chòmhnaidh shuas an sìth.

5 Na tiodhlacan seo, Dhè nan gràs,

thoir dhuinn od làimh gu fial;

'S a‑nis, 's o seo a‑mach gu bràth,

is tu a ghnàth ar Dia.

S'ha seleccionat:

Genesis 28: LSN1987

Subratllat

Copia

Compara

Comparteix

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Genesis 28