ROMANOS 16
16
Spajtil yoꞌtanik ta juju-tul
1Ya kalbeyex ta skuenta te kermanatik xFebee te yipal ta aꞌtel ta diakonail te ba ay te hermanoetik te ayik ta jtejklum Cencreae, 2ikꞌaik me ta lek ta skuenta te Kajwaltike. Jich tutꞌil te ya skꞌan jpastik ta jpisiltik sok te hermanoetik te jun nax xchꞌuunel koꞌtantike. Y koltayaik me ta spisil te tutik puersa yuꞌune, porke ayix bayal machꞌa skoltayej, y skoltayejonix euk.
3Albeyaik xkoltanuk te sPrisilae y sok te Aquilae, jaꞌ joꞌtak ta aꞌtel te ayotik ta abatinel yuꞌun te Cristo Jesuse. 4Stukelik kꞌan yakꞌ sbaik ta lajel kuꞌun, jich a kolon yuꞌunik. Ma jaꞌuk nax ya kaltalanbe kolayal. Jich ya yalik euk spisil te hermanoetik ta ma juriyouke.
5Sok albikon xkoltanuk euk te hermanoetik te ya stsob sbaik ta sna te sPrisila y sok te Aquilae. Albeyaik xkoltanuk euk te kamigo Epenetoe te ben kꞌux ta koꞌtane, te jaꞌ primero a chꞌuun Cristo te ay ta jun estado yuꞌun Asiae. 6Albikon xkoltanuk euk te xMariae te bayal aꞌtejemix ta akuentaike. 7Albikon xkoltanuk euk te Andronicoe y sok te Junias te jun jlumal soke, te jaꞌ a joyinlan ta prexoe. Ben aktalanbil ta jkuenta, jich tutꞌil te apostoletike. Jaꞌ nail xchꞌuunejik Cristo, patil a jchꞌuun te joꞌone.
8Albikon xkoltanuk euk te Ampliase te kamigo te ben kꞌux ta koꞌtan ta skuenta te Kajwaltike. 9Albikon xkoltanuk euk te jꞌUrbanoe te joyba sok ta aꞌtel ta skuenta te Cristoe. Y sok euk te Estaquis te ben kꞌux ta koꞌtane. 10Albikon xkoltanuk euk te Apelese te bayal prewaetik kꞌaxem sok te xchꞌuunel yoꞌtan ta skuenta te Cristoe, y jich euk te machꞌatik ay yuꞌun te Aristobuloe. 11Albikon xkoltanuk euk ta Herodion te jun jlumal soke, y sok te machꞌatik ay yuꞌun te Narcisoe te la xchꞌuunik te Kajwaltike. 12Albikon xkoltanuk euk te Trifenae y sok te Trifosae te ya xꞌaꞌtejik ta yaꞌtel te Kajwaltike, y jich euk te kermanatik Persidae te ben kꞌux ta koꞌtantike, te bayal aꞌtejemix ta yaꞌtel te Kajwaltike. 13Albikon xkoltanuk euk te Rufoe, te ben aꞌbil ta jkuenta, te jun yoꞌtan xchꞌuunej te Kajwaltike. Sok euk te smeꞌe, te jich kꞌoem te jmeꞌ ekꞌae. 14Albikon xkoltanuk euk te Asincritoe, sok te Flegontee, sok te Hermese, sok te Patrobase, sok te Hermase y sok te hermanoetik te sjoyinej sba soke. 15Albikon xkoltanuk euk te Filogoe, sok te xJulia, sok te Nereoe, sok euk te xwixe, sok te Olimpase, y sok ta spisil te hermanoetik te jun nax xchꞌuunel yoꞌtan sbaik soke.
16Patbeya aba awoꞌtanik ta juju-tul sok sbujtsꞌ awoꞌtanik, y xkoltanukex laj me ta spisil te hermanoetik ta skuenta te Cristoe.
17Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.
18Porke ma xtuunik yuꞌun te Kajwaltik Jesucristoe, yuꞌun jaꞌ nax baem ta yoꞌtanik te tut ya skꞌupin te stiꞌbalule. Te skꞌopike ben tsaꞌam ta aꞌiyel y lek yaꞌiyel, pero jaꞌ ya yixlanbe yoꞌtanik te gente te maꞌyuk spꞌijilike. 19Spisilik snaꞌojikix te jaꞌex te tutꞌil jun awoꞌtanik achꞌuunejik te skꞌop Diose. Jaꞌ yuꞌun ben jun koꞌtan. Ya jkꞌan te ya awakꞌik ta ilel te ay apꞌijilik yuꞌun spasel te tut leke; Pero jaꞌ ma jkꞌan te jaꞌ ya apasik te tut ma lekuke. 20Te Dios te ay bujtsꞌan kꞌinal ta skuentae, nopolix te ya yaꞌbeyex apuchꞌik ta tekꞌel te pukuje. Te Kajwaltik Jesucristoe a me yaꞌbeyex bendision.
21Ya yalbeyex xkoltanuk te jTimoteoe te joy jba sok ta aꞌtele. Y jich euk te jLucioe te Jasone y sok te Sosipatere te jaꞌ jlumaltake.
22Joꞌon Tercion te yipalon ta stsꞌibayel te karta to. Sok ya kalbeyex xkoltanuk euk ta skuenta te Kajwaltike.
23Sok xkoltanukex laj yuꞌun te jGayoe te liꞌ ayon ta smajanel te snae, jaꞌ te liꞌ ba ya stsob sbaik ta spisil te hermanoetike. Sok xkoltanukex laj yuꞌun euk te jꞌErastoe te ja tesorero yuꞌun te jtejklume sok euk te kermanotik Cuartoe.
24Te Kajwaltik Jesucristoe aꞌ yaꞌbeyex bendision ta apisilik te jaꞌexe.
Ultimo aꞌabiyan
25Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale. 26Pero te ora to la yakꞌix ta naꞌel te tut stsꞌibayej jilel te jꞌalwanejetike, jich tutꞌil te smantal Dios te sbajtel kꞌinal aye. Te tut snopoj ta yoꞌtan te Diose la yakꞌix ta naꞌel ta spisil te nasionetike. Yuꞌun jich me ya xchꞌuunik sok ya yakꞌik ta kuenta te Jesucristoe.
27Te Diose te stukel nax aye sok te stukel nax ay spꞌijile, a me akꞌek ta jkuenta te slekil ta sbajtel kꞌinal ta skuenta te Kajwaltik Jesucristoe. Jichuk.
S'ha seleccionat:
ROMANOS 16: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.