HECHOS 9
9
Sujtesbot yoꞌtan yuꞌun Dios te Sauloe
1Te Sauloe ma xlaj yoꞌtan ta yalbeyel skꞌoplal ta milel te hermanoetik ta stojol te Kajwaltike. Jaꞌ yuꞌun ba skꞌopon te statal saserdotee 2y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen. 3Pero te kꞌalal xnopetix ya xkꞌot a te ba jtejklum Damascoe, ora nax a tal xojob ta chꞌulchan, xlemet julel y jul joyek yuꞌun. 4Te Sauloe tꞌuxaj kꞌoel ta lum y ay machꞌa kꞌopoj a yaꞌi te jicha yale:
—Saulo, Saulo, ¿tuꞌun te ya awilbajinone? xchi.
5Te Sauloe la sjojkꞌobe:
—¿Machꞌaat a Kajwal? —xchi.
La sjakꞌ te machꞌa xkꞌopoje:
—Joꞌon Jesuson, jaꞌ mismo te machꞌa yipalat ta yilbajinele. Jaꞌat mismo ya awilbajin aba jich tutꞌil te wakax te ya stꞌim ta tekꞌel te tut ya stojutesot ae —xchi.
6Jich te Sauloe ben xꞌaꞌbot sik yuꞌun xiꞌel. La yal:
—Kajwal, ¿tut ya skꞌan awoꞌtan te ya jpase? —xchi.
Y albot yuꞌun te Kajwaltike:
—Jajchan y ochan bael te ba jtejklume. Teꞌ me ya yalbelat a te tut ya skꞌan ya apase —xꞌutot.
7Te machꞌatik sjoyinej sba sok ta beel te Sauloe ben xlaj xiꞌ yuꞌun, porke la yaꞌiyik te machꞌa kꞌopoje pero maꞌyuk machꞌa a yilik. 8Te nax a te Sauloe la stam sba jajchel; pero te kꞌalal la swikꞌ te site, ma spas yilix kꞌinal a. Te sjoꞌtake la xchechbeyik skꞌab y la yikꞌik bael ta jtejklum Damasco. 9Oxeꞌ kꞌaal teꞌey a ma xyil kꞌinal y ni maꞌ weꞌ y ni ma tut ya yuchꞌ.
10Te ba jtejklum Damascoe teꞌey jtul hermano a te jꞌAnanias sbiile te kꞌoponot yuꞌun Kajwaltik ta stekꞌlejal yilele. Albot yuꞌun:
—Ananias —xꞌutot.
La sjakꞌ te jꞌAnaniase:
—Liꞌ ayon to, Kajwal —xchi.
11Jicha albot yuꞌun te Kajwaltike:
—Jajchan y baan te ba Tojil Kaya sbiile. Te ba sna Judase jojkꞌoya te jtul winik te talem ta jtejklum Tarso te Saulo sbiile te yipal ta skꞌoponel Dios a.
12Yuꞌun la yilix ta stekꞌlejal yilel jtul winik te jꞌAnanias sbiile te ya xtal skajanbey skꞌab ta sjole, yuꞌun jich ya xwijkꞌ a te site —xchi a yaꞌiy.
13Kꞌalal la yaꞌi te jicha albote, te jꞌAnaniase la yal:
—Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene. 14Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.
15Pero te Kajwaltike la yalbe:
—Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike. 16Joꞌon me ya kaꞌbe snaꞌ spisil te tutik swokolil ya sta ta jkuentae —xchi. 17Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe:
—Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.
18Y ora nax a chꞌay koel ta sit te Sauloe pajal yilel sok te tutꞌil sulil chaye, y jich a yil kꞌinal. Jicha jajch te Sauloe y aꞌbot yichꞌja. 19Ta patil weꞌ y la xchaꞌ yichꞌ xan spuersa te stiꞌbalule. Y teꞌ jil cheꞌoxeꞌ kꞌaal a sok te hermanoetik te aylan ta jtejklum Damascoe.
Te Sauloe la yal skꞌop Dios ta Damasco
20Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse. 21Spisil te machꞌatik la yaꞌiyike lom cham a yaꞌiyik y la yalik:
—¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.
22Pero te Sauloe mas a yakꞌ xan puersa ta yalel te jaꞌ Cristo te Jesuse. Te juriyoetik te aylan ta Damascoe maꞌ snaꞌ tuti yalik yuꞌun.
Kol bael ta skꞌabik te juriyoetik te Sauloe
23Kꞌaxix bayal kꞌaal a, te juriyoetike la snopbeyik skꞌoplal ta milel te Sauloe. Pero te Sauloe la yaꞌi te yipal ta nopbeyel skꞌoplale. 24Kꞌajkꞌal y ajkꞌubal ya smaliyik te ba spuertaul lokꞌibal yuꞌun te jtejklume yuꞌun ya smilik. 25Pero te hermanoetike la yakꞌik ta jun mam moch y ta ajkꞌubal a slijkanik koel te ba spajkꞌul smakteꞌal te jtejklume. Jicha kol bael.
Te Sauloe kꞌot xan ta Jerusalen
26Te kꞌalal kꞌot ta Jerusalen te Sauloe, kꞌan stsob sba sok te hermanoetike, pero spisilik ya xlaj xiꞌik yuꞌun, yuꞌun ma xchꞌuunik teme jnopojelix yuꞌun te Jesuse. 27Pero te jBernabee la yikꞌ bael y ba yakꞌ ta stojol te apostoletike. Te Bernabe la yaltalanbe te tutꞌil a yil ta be te Kajwaltike sok te tuti albot yuꞌun Kajwaltik te Sauloe, sok te tutꞌil jamal la yalix ta Damasco te Sauloe te tutꞌil ay skꞌoplal te Jesuse.
28Jich te Sauloe la sjoyinlan te apostoletik te ba Jerusalene, y la sjoyinlan ta beel. Jamal a yalbe skꞌoplal te Kajwaltike. 29La skꞌopon te juriyoetik te ya xkꞌopojik ta griego-kꞌope ta yaꞌbiyanel te tutꞌil ay skꞌoplal te Kajwaltike. Pero kꞌan smilik yuꞌun.
30Kꞌalal la yaꞌiybeyik sluwar te hermanoetike, la yikꞌik bael ta jtejklum Cesarea te Sauloe, y te nax a la stikonik bael ta jtejklum Tarso.
31Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.
Kol ta chamel te jꞌEnease
32Te jPedroe yipal kꞌael ta yuluꞌtayel a te hermanoetike, y bajt ba yil euk te hermanoetik te aylan ta jtejklum Lidae. 33Teꞌ kꞌo sta jtul winik a te jꞌEneas sbiile te ayix waxkeꞌ jaꞌbil te ay ta swayib te kꞌolbil xchial yok-skꞌabe. 34Te jPedroe la yalbe:
—Eneas, te Jesucristoe ya slekutesat. Jajchan y chapa bael te awayibe —xyut.
Te jꞌEnease ora jajch, 35y spisil te machꞌatik aylan ta jtejklum Lida sok ta jtejklum Saron la yilik te jajch te jꞌEnease. Jich a sujtes yoꞌtanik ta stojol te Kajwaltike.
Chaꞌkux te xDorcase
36Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike. 37Jaꞌ stiempo a taot ta chamel te xDorcase, y cham. Kꞌalal lajix ta pokbeyel a te stiꞌbalule ba xchawanik ta jun kuarto te ba xchaꞌkajal snae. 38Te jtejklum Jopee nopol ay sok te jtejklum Lidae te ba ay te jPedroe, y te hermanoetike la yaꞌiyik te teꞌey a te jPedroe. La stikonik bael cheb winketik, ba yalbeyik tal:
—Awokoluk, laꞌ me ta ora liꞌ ba aytike —xchiik.
39Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae. 40Te jPedro spisil a stikonlan lokꞌel y la skejan sba sok la skꞌopon Dios. Te nax a sujt skꞌelu te animae, y la yalbe:
—Tabita, jajchan —xchi.
Te antse la swikꞌ sit. La yil te teꞌey a te jPedroe, la snajkan sba. 41Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase. 42Spisil te jtejklum Jopee la yaꞌiyik te jich a kꞌot ta pasele, y ben bayal a xchꞌuunik te Kajwaltike.
43Te jPedroe jalaj bayal kꞌaal te ba jtejklum Jopee te ba sna jtul jkꞌaꞌutesej-nujkule te Simon sbiile.
S'ha seleccionat:
HECHOS 9: AMANNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento Tzeltal de Amatenango © Sociedad Bíblica de México, 2006.
HECHOS 9
9
Sujtesbot yoꞌtan yuꞌun Dios te Sauloe
1Te Sauloe ma xlaj yoꞌtan ta yalbeyel skꞌoplal ta milel te hermanoetik ta stojol te Kajwaltike. Jaꞌ yuꞌun ba skꞌopon te statal saserdotee 2y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen. 3Pero te kꞌalal xnopetix ya xkꞌot a te ba jtejklum Damascoe, ora nax a tal xojob ta chꞌulchan, xlemet julel y jul joyek yuꞌun. 4Te Sauloe tꞌuxaj kꞌoel ta lum y ay machꞌa kꞌopoj a yaꞌi te jicha yale:
—Saulo, Saulo, ¿tuꞌun te ya awilbajinone? xchi.
5Te Sauloe la sjojkꞌobe:
—¿Machꞌaat a Kajwal? —xchi.
La sjakꞌ te machꞌa xkꞌopoje:
—Joꞌon Jesuson, jaꞌ mismo te machꞌa yipalat ta yilbajinele. Jaꞌat mismo ya awilbajin aba jich tutꞌil te wakax te ya stꞌim ta tekꞌel te tut ya stojutesot ae —xchi.
6Jich te Sauloe ben xꞌaꞌbot sik yuꞌun xiꞌel. La yal:
—Kajwal, ¿tut ya skꞌan awoꞌtan te ya jpase? —xchi.
Y albot yuꞌun te Kajwaltike:
—Jajchan y ochan bael te ba jtejklume. Teꞌ me ya yalbelat a te tut ya skꞌan ya apase —xꞌutot.
7Te machꞌatik sjoyinej sba sok ta beel te Sauloe ben xlaj xiꞌ yuꞌun, porke la yaꞌiyik te machꞌa kꞌopoje pero maꞌyuk machꞌa a yilik. 8Te nax a te Sauloe la stam sba jajchel; pero te kꞌalal la swikꞌ te site, ma spas yilix kꞌinal a. Te sjoꞌtake la xchechbeyik skꞌab y la yikꞌik bael ta jtejklum Damasco. 9Oxeꞌ kꞌaal teꞌey a ma xyil kꞌinal y ni maꞌ weꞌ y ni ma tut ya yuchꞌ.
10Te ba jtejklum Damascoe teꞌey jtul hermano a te jꞌAnanias sbiile te kꞌoponot yuꞌun Kajwaltik ta stekꞌlejal yilele. Albot yuꞌun:
—Ananias —xꞌutot.
La sjakꞌ te jꞌAnaniase:
—Liꞌ ayon to, Kajwal —xchi.
11Jicha albot yuꞌun te Kajwaltike:
—Jajchan y baan te ba Tojil Kaya sbiile. Te ba sna Judase jojkꞌoya te jtul winik te talem ta jtejklum Tarso te Saulo sbiile te yipal ta skꞌoponel Dios a.
12Yuꞌun la yilix ta stekꞌlejal yilel jtul winik te jꞌAnanias sbiile te ya xtal skajanbey skꞌab ta sjole, yuꞌun jich ya xwijkꞌ a te site —xchi a yaꞌiy.
13Kꞌalal la yaꞌi te jicha albote, te jꞌAnaniase la yal:
—Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene. 14Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.
15Pero te Kajwaltike la yalbe:
—Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike. 16Joꞌon me ya kaꞌbe snaꞌ spisil te tutik swokolil ya sta ta jkuentae —xchi. 17Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe:
—Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.
18Y ora nax a chꞌay koel ta sit te Sauloe pajal yilel sok te tutꞌil sulil chaye, y jich a yil kꞌinal. Jicha jajch te Sauloe y aꞌbot yichꞌja. 19Ta patil weꞌ y la xchaꞌ yichꞌ xan spuersa te stiꞌbalule. Y teꞌ jil cheꞌoxeꞌ kꞌaal a sok te hermanoetik te aylan ta jtejklum Damascoe.
Te Sauloe la yal skꞌop Dios ta Damasco
20Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse. 21Spisil te machꞌatik la yaꞌiyike lom cham a yaꞌiyik y la yalik:
—¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.
22Pero te Sauloe mas a yakꞌ xan puersa ta yalel te jaꞌ Cristo te Jesuse. Te juriyoetik te aylan ta Damascoe maꞌ snaꞌ tuti yalik yuꞌun.
Kol bael ta skꞌabik te juriyoetik te Sauloe
23Kꞌaxix bayal kꞌaal a, te juriyoetike la snopbeyik skꞌoplal ta milel te Sauloe. Pero te Sauloe la yaꞌi te yipal ta nopbeyel skꞌoplale. 24Kꞌajkꞌal y ajkꞌubal ya smaliyik te ba spuertaul lokꞌibal yuꞌun te jtejklume yuꞌun ya smilik. 25Pero te hermanoetike la yakꞌik ta jun mam moch y ta ajkꞌubal a slijkanik koel te ba spajkꞌul smakteꞌal te jtejklume. Jicha kol bael.
Te Sauloe kꞌot xan ta Jerusalen
26Te kꞌalal kꞌot ta Jerusalen te Sauloe, kꞌan stsob sba sok te hermanoetike, pero spisilik ya xlaj xiꞌik yuꞌun, yuꞌun ma xchꞌuunik teme jnopojelix yuꞌun te Jesuse. 27Pero te jBernabee la yikꞌ bael y ba yakꞌ ta stojol te apostoletike. Te Bernabe la yaltalanbe te tutꞌil a yil ta be te Kajwaltike sok te tuti albot yuꞌun Kajwaltik te Sauloe, sok te tutꞌil jamal la yalix ta Damasco te Sauloe te tutꞌil ay skꞌoplal te Jesuse.
28Jich te Sauloe la sjoyinlan te apostoletik te ba Jerusalene, y la sjoyinlan ta beel. Jamal a yalbe skꞌoplal te Kajwaltike. 29La skꞌopon te juriyoetik te ya xkꞌopojik ta griego-kꞌope ta yaꞌbiyanel te tutꞌil ay skꞌoplal te Kajwaltike. Pero kꞌan smilik yuꞌun.
30Kꞌalal la yaꞌiybeyik sluwar te hermanoetike, la yikꞌik bael ta jtejklum Cesarea te Sauloe, y te nax a la stikonik bael ta jtejklum Tarso.
31Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.
Kol ta chamel te jꞌEnease
32Te jPedroe yipal kꞌael ta yuluꞌtayel a te hermanoetike, y bajt ba yil euk te hermanoetik te aylan ta jtejklum Lidae. 33Teꞌ kꞌo sta jtul winik a te jꞌEneas sbiile te ayix waxkeꞌ jaꞌbil te ay ta swayib te kꞌolbil xchial yok-skꞌabe. 34Te jPedroe la yalbe:
—Eneas, te Jesucristoe ya slekutesat. Jajchan y chapa bael te awayibe —xyut.
Te jꞌEnease ora jajch, 35y spisil te machꞌatik aylan ta jtejklum Lida sok ta jtejklum Saron la yilik te jajch te jꞌEnease. Jich a sujtes yoꞌtanik ta stojol te Kajwaltike.
Chaꞌkux te xDorcase
36Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike. 37Jaꞌ stiempo a taot ta chamel te xDorcase, y cham. Kꞌalal lajix ta pokbeyel a te stiꞌbalule ba xchawanik ta jun kuarto te ba xchaꞌkajal snae. 38Te jtejklum Jopee nopol ay sok te jtejklum Lidae te ba ay te jPedroe, y te hermanoetike la yaꞌiyik te teꞌey a te jPedroe. La stikonik bael cheb winketik, ba yalbeyik tal:
—Awokoluk, laꞌ me ta ora liꞌ ba aytike —xchiik.
39Y te jPedroe laj bajt sok ta ora. Te kꞌalal laj kꞌot ta Jopee, la yikꞌik bael te ba kuarto baꞌ xchawanejbeyik te stiꞌbalule. Spisil te meꞌba antstike la sjumik te jPedroe, ben xlaj okꞌik, y la yaꞌbeyik yil te skꞌuꞌ-spakꞌik te pasbil yuꞌun te xDorcase te kꞌalal kuxul to ae. 40Te jPedro spisil a stikonlan lokꞌel y la skejan sba sok la skꞌopon Dios. Te nax a sujt skꞌelu te animae, y la yalbe:
—Tabita, jajchan —xchi.
Te antse la swikꞌ sit. La yil te teꞌey a te jPedroe, la snajkan sba. 41Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase. 42Spisil te jtejklum Jopee la yaꞌiyik te jich a kꞌot ta pasele, y ben bayal a xchꞌuunik te Kajwaltike.
43Te jPedroe jalaj bayal kꞌaal te ba jtejklum Jopee te ba sna jtul jkꞌaꞌutesej-nujkule te Simon sbiile.
Nuevo Testamento Tzeltal de Amatenango © Sociedad Bíblica de México, 2006.